| ಸುನೀಲ್ಕುಮಾರ್ ಪಿ. ಗಬ್ಬೂರ್ ಕ್ಯಾಪಿಟಲ್ ಪ್ಲಸ್ ವೆಲ್ತ್ ಅಡ್ವೈಸರ್ಸ್
ಸ್ಟಾಕ್ ಮಾರ್ಕೆಟ್ ಹೂಡಿಕೆ ಎಂದರೆ ಆರಂಭದಲ್ಲಿನ ಗತಿ ಗಮನಿಸಿ ನಂತರದ ಪ್ರಗತಿಯಿಂದ ಲಾಭ ಪಡೆಯಲು ಸಕಾಲಿಕ ಹೂಡಿಕೆಗಳನ್ನು ಮಾಡುವುದು. ಆ ಪೈಕಿ ಹೆಚ್ಚು ನಿತ್ಯಹರಿದ್ವರ್ಣ ಆಗಿರುವಂಥ ಒಂದು ಥೀಮ್ ಎಂದರೆ ಬಳಕೆಯ ಕ್ಷೇತ್ರ. ಕಳೆದ ದಶಕದಲ್ಲಿ ತಮ್ಮ ಹೂಡಿಕೆಯೊಂದಿಗೆ ತಾಳ್ಮೆಯಿಂದ ಇರುವ ಹೂಡಿಕೆದಾರರಿಗೆ ಹಲವಾರು ಬಳಕೆಯ ಕ್ಷೇತ್ರಗಳು ಶ್ರೀಮಂತ ಆದಾಯವನ್ನು ನೀಡಿವೆ.
ಕರೋನೋತ್ತರ ಚೇತರಿಕೆ: ಭಾರತದ ಆರ್ಥಿಕತೆಯಲ್ಲಿ ಹೆಚ್ಚಾಗಿ ಬಳಕೆಯೇ ಪ್ರಮುಖವಾಗಿ ಇರುವಂಥದ್ದು. ಭಾರತವು ಪ್ರಸ್ತುತ 3.1 ಟ್ರಿಲಿಯನ್ ಡಾಲರ್ ಆರ್ಥಿಕತೆಯಿಂದ 5 ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ಗುರಿ ಹೊಂದಿರುವುದರಿಂದ ವಾಹನ ಮತ್ತು ಗೃಹೋಪಕರಣ ಸರಕುಗಳಂತಹ ಬಳಕೆ ಸಂಬಂಧಿತ ವಲಯಗಳಲ್ಲಿನ ಬೇಡಿಕೆ ಹೆಚ್ಚಾಗುವ ನಿರೀಕ್ಷೆ ಇದೆ.
ದ ಮಿಲೇನಿಯಲ್ ಮ್ಯಾಜಿಕ್: 21ನೇ ಶತಮಾನದ ಭಾರತೀಯರು ಬಳಕೆಯ ಭಾಷ್ಯವನ್ನು ಮರು ವ್ಯಾಖ್ಯಾನಿಸುತ್ತಿದ್ದಾರೆ. ಅಂಥವರು ಭಾರತದ ಜನಸಂಖ್ಯೆಯಲ್ಲಿ ಶೇ. 35ರಷ್ಟು ಇದ್ದಾರೆ. ಈ ಗುಂಪಿನ ಜನರು ಸಾಮಾನ್ಯವಾಗಿ ಬ್ರ್ಯಾಂಡೆಡ್ ಸರಕುಗಳು ಮತ್ತು ಅನುಕೂಲಕರ ಸೇವೆಗಳನ್ನು ಆಯ್ಕೆ ಮಾಡಲು ಒಲವು ತೋರುತ್ತಾರೆ. ಇದರ ಪರಿಣಾಮವಾಗಿ ಅನೇಕ ಜಾಗತಿಕ ಚಿಲ್ಲರೆ ವ್ಯಾಪಾರಿ ದೈತ್ಯರು ಈ ಗ್ರಾಹಕರು ಒದಗಿಸಿದ ಅವಕಾಶಗಳನ್ನು ಪಡೆಯಲು ಬಯಸುತ್ತಾರೆ.
ಗಣನೀಯ ಯುವಜನತೆ, ಹೆಚ್ಚಿನ ಆದಾಯದಿಂದಾಗಿ ಹೆಚ್ಚುತ್ತಿರುವ ಕೊಳ್ಳುವ ಶಕ್ತಿ, ಹೆಚ್ಚಿದ ಡಿಜಿಟಲೀಕರಣ ಮತ್ತು ಗ್ರಾಮೀಣ ಪ್ರದೇಶಗಳಿಂದ ಹೆಚ್ಚುತ್ತಿರುವ ಬೇಡಿಕೆಗಳಿಂದಾಗಿ ಬಳಕೆಯ ಅಂಶ ಮುಂದಿನ ದಶಕದಲ್ಲಿ ಪ್ರಮುಖ ಪಾತ್ರ ವಹಿಸುವ ಸಾಧ್ಯತೆ ಇದೆ. ಈ ಅಭಿವೃದ್ಧಿಗೆ ಸಂಬಂಧಿಸಿದ ಹೂಡಿಕೆಯ ಅವಕಾಶಗಳ ಪ್ರಯೋಜನ ಪಡೆಯಲು ಮತ್ತು ಒಂದು ವಿಷಯವಾಗಿ ಬಳಕೆಯಿಂದ ಲಾಭ ಪಡೆಯಲು ಹೂಡಿಕೆದಾರರಿಗೆ ಹಲವು ಮಾರ್ಗಗಳಿವೆ.
ಈ ಭಾಗದಲ್ಲಿ ಪ್ರಭಾವ ಬೀರುವವರು ಹೆಚ್ಚಿನ ಸಂಖ್ಯೆಯಲ್ಲಿ ಇರುವುದರಿಂದ, ಸಾಮಾನ್ಯ ಹೂಡಿಕೆದಾರರನ್ನು ಹೂಡಿಕೆಯತ್ತ ಸೆಳೆಯುವುದು ಸುಲಭದ ಕೆಲಸವಲ್ಲ. ಬದಲಾಗಿ, ಅಂತಹ ಹೂಡಿಕೆದಾರರು ಬಳಕೆಗೆ ಸಂಬಂಧಿತ ವಿಷಯಾಧಾರಿತ ನಿಧಿಯಲ್ಲಿ ಹೂಡಿಕೆ ಮಾಡುವುದನ್ನು ಪರಿಗಣಿಸಬಹುದು. ಇಲ್ಲಿ, ಫಂಡ್ ಮ್ಯಾನೇಜರ್ ಸ್ಟಾಕ್‌ಗಳನ್ನು ಒಳಗೊಂಡಿರುವ ಪೋರ್ಟ್‌ಫೋಲಿಯೊ ನಿರ್ಮಿಸುತ್ತಾರೆ, ಅದು ಬಳಕೆಯ ಪ್ರವೃತ್ತಿಯಿಂದ ಲಾಭ ಪಡೆಯುತ್ತದೆ ಮತ್ತು ಅದನ್ನು ಸಕ್ರಿಯ ರೀತಿಯಲ್ಲಿ ನಿರ್ವಹಿಸಲಾಗುತ್ತದೆ.
ಸ್ಥಿರವಾಗಿ ಕಾರ್ಯನಿರ್ವಹಿಸುತ್ತಿರುವ ಕ್ಷೇತ್ರಗಳಲ್ಲಿ ಐಸಿಐಸಿಐ ಪ್ರುಡೆನ್ಷಿಯಲ್ ಭಾರತ್ ಕನ್ಸಂಪ್ಷನ್ ಫಂಡ್ ಹೂಡಿಕೆದಾರರಿಗೆ ಉತ್ತಮ ಕೊಡುಗೆಗಳಲ್ಲಿ ಒಂದಾಗಿದೆ. ಈ ಯೋಜನೆಯು ವ್ಯಾಪಕ ವಲಯ ಹೊಂದಿದೆ. ಹೀಗಾಗಿ ಹೂಡಿಕೆದಾರರು ಭಾರತದಾದ್ಯಂತದ ಬಳಕೆಯ ಅಂಶಗಳ ಪ್ರಯೋಜನ ಪಡೆಯಲು ನೆರವಾಗುತ್ತದೆ.
ನೀವು ದೀರ್ಘಾವಧಿಯ ಹೂಡಿಕೆದಾರರಾಗಿದ್ದರೆ ಮತ್ತು ಹೂಡಿಕೆ ಮಾಡಲು ವಿಷಯಾಧಾರಿತ ನಿಧಿಯನ್ನು ಹುಡುಕುತ್ತಿದ್ದರೆ, ನಿಮ್ಮ ಪೋರ್ಟ್ಫೋಲಿಯೋಗೆ ಬಳಕೆ ಥೀಮ್ ಉತ್ತಮ ಸೇರ್ಪಡೆ ಎಂದು ತೀರ್ಮಾನಿಸಬಹುದು.
ಅಜಿತ್ ದೋವಲ್ಗೆ ಭದ್ರತಾ ವೈಫಲ್ಯ, ಎನ್ಎಸ್ಎ ಸೆಕ್ಯುರಿಟಿಯಿಂದ ಮೂವರು ಕಮಾಂಡೋಗಳ ಎತ್ತಂಗಡಿ..