ವಾಷಿಂಗ್ಟನ್: ಉದ್ದೀಪನ ಪರೀಕ್ಷೆಯನ್ನು ತಪ್ಪಿಸಿಕೊಂಡ 100 ಮೀಟರ್ ಓಟದ ಹಾಲಿ ವಿಶ್ವ ಚಾಂಪಿಯನ್ ಕ್ರಿಶ್ಚಿಯನ್ ಕೋಲ್ಮನ್ ಅವರನ್ನು ತಾತ್ಕಾಲಿಕವಾಗಿ ಅಮಾನತುಗೊಳಿಸಲಾಗಿದೆ. ಪ್ರಕರಣದ ಅಂತಿಮ ತೀರ್ಪು ಬರುವವರೆಗೆ ಅವರು ಯಾವುದೇ ಸ್ಪರ್ಧೆಯಲ್ಲಿ ಭಾಗವಹಿಸುವಂತಿಲ್ಲ.
ಟೋಕಿಯೊ ಒಲಿಂಪಿಕ್ಸ್ 100 ಮೀಟರ್ ಓಟದ ಸ್ವರ್ಣ ಪದಕ ಆಕಾಂಕ್ಷಿಯಾಗಿರುವ ಅಮೆರಿಕದ ಅಥ್ಲೀಟ್ ಕೋಲ್ವುನ್ ಕಳೆದ 12 ತಿಂಗಳಲ್ಲಿ 3 ಬಾರಿ ಉದ್ದೀಪನ ಪರೀಕ್ಷೆ ತಪ್ಪಿಸಿಕೊಂಡಿರುವ ಕಾರಣದಿಂದಾಗಿ ಅಮಾನತು ವಿಶ್ವ ಅಥ್ಲೆಟಿಕ್ಸ್ನ ಅಥ್ಲೆಟಿಕ್ ಇಂಟೆಗ್ರಿಟಿ ಯುನಿಟ್ನಿಂದ (ಎಐಯು) ಅಮಾನತು ಶಿಕ್ಷೆ ಎದುರಿಸಿದ್ದಾರೆ. ಕಳೆದ ಡಿಸೆಂಬರ್ನಲ್ಲಿ ಸ್ಪರ್ಧೆ ಹೊರತಾದ ಡೋಪಿಂಗ್ ಪರೀಕ್ಷೆಗಾಗಿ ಕೋಲ್ವುನ್ ಮನೆಗೆ ಎಐಯು ಅಧಿಕಾರಿಗಳು ತೆರಳಿದ್ದರು. ಆದರೆ ಆ ಸಮಯದಲ್ಲಿ ಸಮೀಪದ ಮಾಲ್ಗೆ ಕ್ರಿಸ್ಮಸ್ ಶಾಪಿಂಗ್ಗಾಗಿ ತೆರಳಿದ್ದ ಕಾರಣ ಕೋಲ್ವುನ್ ಮನೆಯಲ್ಲಿರಲಿಲ್ಲ. 24 ವರ್ಷದ ಕೋಲ್ವುನ್ ಸರಣಿ ಟ್ವೀಟ್ಗಳ ಮೂಲಕ ಈ ವಿಷಯವನ್ನು ತಿಳಿಸಿದ್ದಾರೆ.
ಇದನ್ನೂ ಓದಿ: 1,000 ರೂಪಾಯಿ ಬಾಡಿಗೆಗೆ ಬಡವರಿಗೆ ಮನೆ – ಮೋದಿ ಸರ್ಕಾರದ ಯೋಜನೆ
ಒಂದು ಗಂಟೆ ಕಾಲ ಕೋಲ್ವುನ್ ಮನೆ ಎದುರಿದ್ದ ಎಐಯು ಅಧಿಕಾರಿಗಳು ಪ್ರತಿ 10 ನಿಮಿಷಕ್ಕೊಮ್ಮೆ ಕಾಲಿಂಗ್ ಬೆಲ್ ಒತ್ತಿದ್ದಾರೆ ಎಂದು ತಿಳಿಸಿದ್ದಾರೆ. ಆದರೆ ಆ ಸಮಯದಲ್ಲಿ ತಮಗೆ ಕರೆ ಯಾಕೆ ಮಾಡಲಿಲ್ಲ ಎಂದು ಕೋಲ್ವುನ್ ಪ್ರಶ್ನಿಸಿದ್ದಾರೆ. ಅವರು ಇದಕ್ಕೆ ಮುನ್ನ 2019ರ ಜನವರಿ 16 ಮತ್ತು ಏಪ್ರಿಲ್ 26ರಂದು ಡೋಪಿಂಗ್ ಟೆಸ್ಟ್ ತಪ್ಪಿಸಿಕೊಂಡಿದ್ದರು. ಆದರೆ ತಾನೆಂದೂ ನಿರ್ವಹಣೆ ಸುಧಾರಿಸಲು ಉದ್ದೀಪನ ಮದ್ದು ಸೇವಿಸಿಲ್ಲ ಎಂದು ಕೋಲ್ವುನ್ ಸ್ಪಷ್ಟಪಡಿಸಿದ್ದಾರೆ.
ಮೊರಟೋರಿಯಂ ಅವಧಿಯಲ್ಲಿ ಬಡ್ಡಿ ಮೇಲೆ ಬಡ್ಡಿ ವಿಧಿಸಿದರೆ ಉದ್ದೇಶ ಈಡೇರುತ್ತದೆಯೇ?: ಸುಪ್ರೀಂ ಕೋರ್ಟ್ ಪ್ರಶ್ನೆ