ನವದೆಹಲಿ: ಜಗತ್ತನ್ನೇ ತಲ್ಲಣಗೊಳಿಸಿರುವ ಕೋವಿಡ್ -19 ಸೋಂಕು, ಮಿಡತೆ ದಾಳಿ ಸೇರಿ ಹಲವು ರೀತಿಯ ಜೈವಿಕ ಅಸ್ತ್ರ ಪ್ರಯೋಗಕ್ಕೆ ಚೀನಾ ಮತ್ತು ಪಾಕಿಸ್ತಾನ ರಹಸ್ಯ ಒಪ್ಪಂದ ಮಾಡಿಕೊಂಡಿರುವ ವಿಚಾರ ಈಗ ಬಯಲಾಗಿದೆ. ಕೋವಿಡ್ -19 ವೈರಸ್ಗೆ ಜನ್ಮ ಕೊಟ್ಟಿದ್ದೇ ವುಹಾನ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ ಎಂಬ ಆರೋಪ ವ್ಯಾಪಕವಾಗಿದೆ. ಈ ನಡುವೆ, ಭಾರತ ಮತ್ತು ಇತರೆ ಪಾಶ್ಚಿಮಾತ್ಯ ರಾಷ್ಟ್ರಗಳ ಮೇಲೆ ಪ್ರಾಬಲ್ಯ ಸಾಧಿಸಲು ಚೀನಾ ಮತ್ತು ಪಾಕಿಸ್ತಾನಗಳು ಪರಸ್ಪರ ಜೈವಿಕ ಅಸ್ತ್ರ ಪ್ರಯೋಗ, ಸಾಮರ್ಥ್ಯ ವೃದ್ಧಿಗೆ ರಹಸ್ಯ ಒಪ್ಪಂದ ಮಾಡಿಕೊಂಡಿವೆ ಎನ್ನುತ್ತಿದೆ ಹೊಸ ವರದಿಯೊಂದು!
ಭಾರತ ಮತ್ತು ವಿರೋಧಿ ಪಾಶ್ಚಿಮಾತ್ಯ ರಾಷ್ಟ್ರಗಳ ವಿರುದ್ಧ ಪ್ರಾಬಲ್ಯ ಸಾಧಿಸುವುದಕ್ಕಾಗಿ ಚೀನಾ ಮತ್ತು ಪಾಕಿಸ್ತಾನಗಳು ಮೂರು ವರ್ಷಗಳ ರಹಸ್ಯ ಒಪ್ಪಂದಕ್ಕೆ ಸಹಿ ಹಾಕಿವೆ. ಇದರ ಮೂಲಕ ಜೈವಿಕ ಸಮರ ಅಸ್ತ್ರಗಳ ಸಾಮರ್ಥ್ಯವನ್ನು ವೃದ್ಧಿಗೊಳಿಸುವ ಕೆಲಸವನ್ನು ಅವುಗಳು ಆರಂಭಿಸಿವೆ. ಈ ಪೈಕಿ ಅನೇಕ ಸಂಶೋಧನಾ ವರದಿಗಳು ಅಪಾಯಕಾರಿ ಆಂಥ್ರಾಕ್ಸ್ ಕಡೆಗೆ ಬೊಟ್ಟು ಮಾಡಿವೆ ಎಂದು ಗುಪ್ತಚರ ಮಾಹಿತಿ ಮೂಲಗಳನ್ನು ಉಲ್ಲೇಖಿಸಿ ಕ್ಲಕ್ಸೋನ್ ವರದಿ ಮಾಡಿದೆ.
ಇದನ್ನೂ ಓದಿ: ಪ್ಯಾಂಗಾಂಗ್ ತ್ಸೊ ಮತ್ತು ಗೋಗ್ರಾ ಪೋಸ್ಟ್ ನಮ್ಮದು, ಇಲ್ಲಿಂದ ಹಿಂದೆ ಸರಿಯಲ್ಲ ಎನ್ನುತ್ತಿದೆ ಚೀನಾ
ಈ ವರದಿಯನ್ನು ಆಂಟನಿ ಕ್ಲಾನ್ ಬರೆದಿದ್ದು, ವುಹಾನ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಯು ಪಾಕಿಸ್ತಾನದ ಮಿಲಿಟರಿಯ ಡಿಫೆನ್ಸ್ ಸೈನ್ಸ್ ಆ್ಯಂಡ್ ಟೆಕ್ನಾಲಜಿ ಆರ್ಗನೈಸೇಷನ್(ಡಿಇಎಸ್ಟಿಒ) ಜತೆಗೆ ಎಮರ್ಜಿಂಗ್ ಇನ್ಫೆಕ್ಚಿಯಸ್ ಡಿಸೀಸಸ್ ಮೇಲೆ ಸಂಶೋಧನೆ ಮಾಡುವುದಕ್ಕೆ ಮತ್ತು ಬಯಾಲಾಜಿಕಲ್ ಕಂಟ್ರೋಲ್ ಆಫ್ ಟ್ರಾನ್ಸ್ಮಿಟೆಡ್ ಡಿಸೀಸಸ್ ಎಂಬ ವಿಷಯದ ಮೇಲೆ ಸುಧಾರಿತ ಅಧ್ಯಯನ ನಡೆಸುವುದಕ್ಕೆ ರಹಸ್ಯ ಒಪ್ಪಂದ ಮಾಡಿಕೊಂಡಿದೆ ಎಂಬ ಅಂಶವನ್ನು ಉಲ್ಲೇಖಿಸಿದ್ದಾರೆ.
ಇದನ್ನೂ ಓದಿ: ಚೀನಾ ಮತ್ತು ಪಾಕಿಸ್ತಾನ ಒಟ್ಟಾಗಿ ದಾಳಿ ಸಾಧ್ಯತೆ; ಸನ್ನದ್ಧವಾಗಿರಲು ಸೇನಾಪಡೆಗೆ ಸೂಚನೆ
ಅಂತಾರಾಷ್ಟ್ರೀಯ ಖಂಡನೆ ಮತ್ತು ಟೀಕೆಯ ಅಪಾಯದಿಂದ ಪಾರಾಗುವ ಸಲುವಾಗಿ ಚೀನಾ ಈ ರಹಸ್ಯ ಒಪ್ಪಂದ ಮಾಡಿಕೊಂಡಿದ್ದು, ದೇಶದಿಂದ ಹೊರಗೆ ಇದರ ಪ್ರಯೋಗವನ್ನು ಮಾಡುತ್ತಿದೆ. ಅಷ್ಟೇ ಅಲ್ಲ, ಅಂತಾರಾಷ್ಟ್ರೀಯ ಸಮುದಾಯದ ಗಮನ ತನ್ನೆಡೆ ಬಾರದಂತೆ ತಡೆಯುವುದು ಕೂಡ ಈ ನಡೆಯ ಉದ್ದೇಶ ಎಂದು ಗುಪ್ತಚರ ಮೂಲಗಳ ಮಾಹಿತಿಯನ್ನೂ ದ ಕ್ಲಕ್ಸೋನ್ ವರದಿ ಉಲ್ಲೇಖಿಸಿದೆ.
ಇದನ್ನೂ ಓದಿ: ಏಕಾಂಗಿಯಾದ ಚೀನಾ
ಈ ಪ್ರಯೋಗದ ಹೆಸರು “Collaboration for Emerging Infectious Diseases and Studies on Biological Control of Vector Transmitting Diseases” ಎಂದಾಗಿದ್ದು ಇದಕ್ಕೆ ಬೇಕಾದ ಹಣಕಾಸು ನೆರವು, ಕಚ್ಚಾ ವಸ್ತು ಮತ್ತು ಸೈಂಟಿಫಿಕ್ ನೆರವನ್ನೂ ಚೀನಾವೇ ಒದಗಿಸುತ್ತಿದೆ. ಆದರೆ ಪ್ರಯೋಗವೆಲ್ಲವೂ ಪಾಕಿಸ್ತಾನದ ಸೇನಾ ಸಂಶೋಧನಾಲಯದಲ್ಲಿ ನಡೆಯುತ್ತಿದೆ. (ಏಜೆನ್ಸೀಸ್)
ಭಾರತ-ಚೀನಾ ವಾಣಿಜ್ಯ ವಾರ್ ಬಿಗಿ: ಅಮೆರಿಕ-ಚೀನಾ ಫೈನಾನ್ಶಿಯಲ್ ವಾರ್ ಶೀಘ್ರ?