ಬಾಳೆಹೊನ್ನೂರು: ಗ್ರಾಮೀಣ ಭಾಗವಾದ ಶಿರವಾಸೆ-ಬೊಗಸೆ-ಕಡವಂತಿ ಮಾರ್ಗದಲ್ಲಿ ಕೆಎಸ್ಆರ್ಟಿಸಿ ಬಸ್ ಸಂಚಾರ ಆರಂಭಗೊಂಡಿದ್ದು, ಸಾರ್ವಜನಿಕರು ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಕಡವಂತಿ ಗ್ರಾಪಂ ಅಧ್ಯಕ್ಷ ವಿನೋದ್ ತಿಳಿಸಿದ್ದಾರೆ.
ಲಾಕ್ಡೌನ್ನಿಂದ ಎನ್.ಆರ್.ಪುರ ತಾಲೂಕು ವ್ಯಾಪ್ತಿಯಲ್ಲಿ ಬಸ್ ಸಂಚಾರ ಸಂಪೂರ್ಣ ಸ್ಥಗಿತವಾಗಿತ್ತು. ಲಾಕ್ಡೌನ್ ತೆರವುಗೊಂಡ ಬಳಿಕವೂ ಈ ಭಾಗಕ್ಕೆ ಖಾಸಗಿ ಹಾಗೂ ಕೆಎಸ್ಆರ್ಟಿಸಿ ಬಸ್ಗಳು ಸಂಚರಿಸುತ್ತಿರಲಿಲ್ಲ. ಬಸ್ ಇಲ್ಲದೆ ಜನರಿಗೆ ತೊಂದರೆಯಾಗುತ್ತಿದ್ದು ಕೂಡಲೆ ಸ್ಪಂದಿಸುವಂತೆ ಜಿಪಂ ಸದಸ್ಯೆ ಕವಿತಾ ಲಿಂಗರಾಜು ಹಾಗೂ ನಾನು ಕೆಎಸ್ಆರ್ಟಿಸಿ ಡಿಸಿ ಬಳಿ ಮನವಿ ಮಾಡಿದ್ದೆವು.
ಇದೀಗ ಚಿಕ್ಕಮಗಳೂರಿನಿಂದ ಮಲ್ಲಂದೂರು ಮಾರ್ಗವಾಗಿ ಜೋಳ್ದಾಳ್, ತಳಿಹಳ್ಳ, ಮಲ್ಲಂದೂರು, ಗಾಳಿಗುಡ್ಡೆ, ಶಿರವಾಸೆ, ಬೊಗಸೆ, ಬಿಳಗೊಳ, ಕಡವಂತಿ, ಬಾಸಾಪುರ, ಕಡಬಗೆರೆ, ಬಾಳೆಹೊನ್ನೂರು, ಕೊಪ್ಪ, ತೀರ್ಥಹಳ್ಳಿಗೆ ಬಸ್ ಸಂಚಾರ ಆರಂಭವಾಗಿದೆ. ಬೆಳಗ್ಗೆ 7.40ಕ್ಕೆ ಚಿಕ್ಕಮಗಳೂರಿನಿಂದ ಹೊರಟು 8.30ಕ್ಕೆ ಮಲ್ಲಂದೂರು, 9.15ಕ್ಕೆ ಬೊಗಸೆ, 10.15ಕ್ಕೆ ಬಾಳೆಹೊನ್ನೂರು, 11.15ಕ್ಕೆ ತೀರ್ಥಹಳ್ಳಿ ತಲುಪುತ್ತದೆ.
ಅದೇ ಮಾರ್ಗವಾಗಿ ಕೊಪ್ಪದಿಂದ ಮಧ್ಯಾಹ್ನ 2.30ಕ್ಕೆ ಬಸ್ ಹೊರಟು 5 ಗಂಟೆಗೆ ಬಾಳೆಹೊನ್ನೂರು ತಲುಪಿ, ಕಡಬಗೆರೆ, ಬಾಸಾಪುರ, ಬೊಗಸೆ, ಶಿರವಾಸೆ, ಮಲ್ಲಂದೂರು ಮಾರ್ಗವಾಗಿ ರಾತ್ರಿ 7.15ಕ್ಕೆ ಚಿಕ್ಕಮಗಳೂರು ತಲುಪಲಿದೆ ಎಂದು ತಿಳಿಸಿದ್ದಾರೆ.