ಬೆಂಗಳೂರು: ಕೇಂದ್ರ ಮಾಹಿತಿ ಆಯೋಗ (ಸಿಐಸಿ) ಮತ್ತು ಮಾಹಿತಿ ಹಕ್ಕು (ಆರ್ಟಿಐ) ಕಾಯ್ದೆಗೆ ಬಜೆಟ್ನಲ್ಲಿ ಸರ್ಕಾರ 9.90 ಕೋಟಿ ರೂಪಾಯಿ ಮೀಸಲಿಟ್ಟಿದೆ.
2019-20ರ ಬಜೆಟ್ನಲ್ಲಿ ಸಿಐಸಿ ಹಾಗೂ ಆರ್ಟಿಐಗೆ 5.5 ಕೋಟಿ ರೂ. ಮೀಸಲಿಡಲಾಗಿತ್ತು. ಈ ಬಾರಿ 9.90 ಕೋಟಿ ರೂಪಾಯಿ ಹಣ ಮೀಸಲಿಡಲಾಗಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದರು.
ಕಳೆದ ಬಜೆಟ್ಗೆ ಹೋಲಿಕೆ ಮಾಡಿದರೆ ಈ ಬಾರಿ ಶೇ.80ರಷ್ಟು ಹಣ ಅಧಿಕವಾಗಿ ಮೀಸಲಿಡಲಾಗಿದೆ. ಕೇಂದ್ರ ಮಾಹಿತಿ ಆಯೋಗದ ಕಚೇರಿ ಕಟ್ಟಡ ನಿರ್ಮಾಣ ಹಾಗೂ ಆರ್ಟಿಐ ಕಾಯ್ದೆಯ ಪ್ರಚಾರಕ್ಕೆ ಈ ಹಣ ಬಳಕೆ ಮಾಡಲಾಗುವುದು ಎಂದು ಸಚಿವರು ಹೇಳಿದರು.
ಸಾರ್ವಜನಿಕ ಉದ್ಯಮಗಳ ಆಯ್ಕೆ ಮಂಡಳಿ (ಪಿಇಎಸ್ಬಿ) ಮತ್ತು ಕೇಂದ್ರ ಮಾಹಿತಿ ಆಯೋಗದ ಸ್ಥಾಪನೆಯ ವೆಚ್ಚಕ್ಕೆ ಕೂಡ ಹಣ ನೀಡಲಾಗಿದೆ ಎಂದು ಸಚಿವರು ನುಡಿದರು. (ಏಜೆನ್ಸೀಸ್)