ಮಮತಾ ಬ್ಯಾನರ್ಜಿ ಕೈಜಾರಿದ TMC ನಾಯಕತ್ವ? ‘ಹೂವು-ಹುಲ್ಲು’ ಚಿಹ್ನೆ ಬಳಸದಂತೆ ಚುನಾವಣಾ ಆಯೋಗ ಆದೇಶ! Mamata Banerjee

ಕೊಲ್ಕತ: ಅಕ್ಟೋಬರ್ 6 ರಂದು ನಡೆಯಲಿರುವ ಉಪಚುನಾವಣೆಯಲ್ಲಿ, ಟಿಎಂಸಿಯ ಅಧಿಕೃತ ಹೆಸರು 'ಆಲ್ ಇಂಡಿಯಾ ತೃಣಮೂಲ ಕಾಂಗ್ರೆಸ್' (AITC) ಪಕ್ಷದ ಚಿಹ್ನೆಯಾಗಿರುವ ಹೂವು ಮತ್ತು ಹುಲ್ಲು (Flowers & Grass) ಗುರುತನ್ನು ಬಳಸದಂದೆ ಚುನಾವಣಾ ಆಯೋಗ ತಾತ್ಕಾಲಿಕ ನಿಷೇಧವನ್ನು ಹೇರಿದೆ.  

ಪಕ್ಷದ ಒಳ ಜಗಳ ಹಾಗೂ ಎರಡು ಬಣಗಳ ನಡುವಿನ ಭುಗಿಲೆದ್ದಿರುವ ಅಧಿಕಾರ ಹಂಚಿಕೆಯ ವಿವಾದದ ಹಿನ್ನೆಲೆಯಲ್ಲಿ ಚುನಾವಣಾ ಆಯೋಗ ಈ ಮಧ್ಯಂತರ ಆದೇಶ ಹೊರಡಿಸಿದೆ. ಆದರೆ, ಸುಮಾರು 15 ವರ್ಷಗಳಿಂದ ರಾಜ್ಯದಲ್ಲಿ ಆಡಳಿತ ನಡೆಸಿದ್ದ ಮಮತಾ ಬ್ಯಾನರ್ಜಿ (Mamata Banerjee)  ನೇತೃತ್ವದ ತ್ರಣಮೂಲ ಕಾಂಗ್ರೆಸ್​ ಪಕ್ಷಕ್ಕೆ ಭಾರಿ ಹಿನ್ನಲೆಯಾಗಿದ್ದು, ಟಿಎಂಸಿ ನಾಯಕರು ಚುನಾವಣಾ ಆಯೋಗ ಹಾಗೂ ಕೇಂದ್ರ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. 

ಕಳೆದ ಮೇ ತಿಂಗಳಲ್ಲಿ ನಡೆದ ವಿಧಾನಸಭಾ ಚುನಾವಣೆಯ ಸೋಲಿನ ಬಳಿಕ ಟಿಎಂಸಿಯಲ್ಲಿ ಭಿನ್ನಮತ ಸ್ಫೋಟಗೊಂಡಿತ್ತು. ಪಕ್ಷದ ಆಂತರಿಕ ಬೆಳವಣಿಗೆಯಲ್ಲಿ ಉಂಟಾದ ಬಿರುಕಿನಿಂದಾಗಿ 58 ಬಂಡಾಯ ಶಾಸಕರು ಒಗ್ಗೂಡಿ ರಿತಬ್ರತ ಬ್ಯಾನರ್ಜಿ ಅವರನ್ನು ವಿರೋಧ ಪಕ್ಷದ ನಾಯಕರನ್ನಾಗಿ ಆಯ್ಕೆ ಮಾಡಿಕೊಂಡಿದ್ದರು. ಇದು 28 ವರ್ಷಗಳ ಇತಿಹಾಸವಿರುವ ಟಿಎಂಸಿ ಪಕ್ಷದಲ್ಲಿ ಉಂಟಾದ ಮೊದಲ ದೊಡ್ಡ ವಿಭಜನೆಯಾಗಿತ್ತು.   

ಅಕ್ಟೋಬರ್ 6 ರಂದು ನಂದಿಗ್ರಾಮ್ ಮತ್ತು ರೆಜಿನಗರ್ ಕ್ಷೇತ್ರಗಳಿಗೆ ಮತ್ತೊಮ್ಮೆ ಚುನಾವಣೆ ನಡೆಯಲಿದ್ದು, ಈ ಚುನಾವನೆಯಲ್ಲಿ ಸ್ಪರ್ಧಿಸುವ, ಯಾವುದೇ ಟಿಎಂಸಿ ಬಣದ ಅಭ್ಯರ್ಥಿ  'ಟಿಎಂಸಿ' ಹೆಸರು ಮತ್ತು 'ಹೂವು-ಹುಲ್ಲು' ಚಿಹ್ನೆಯನ್ನು ಬಳಸುವಂತಿಲ್ಲ ಎಂದು ಚುನಾವಣಾ ಆಯೋಗ ತಿಳಿಸಿದೆ. 

1998ರಲ್ಲಿ ಮಮತಾ ಬ್ಯಾನರ್ಜಿ ಕಾಂಗ್ರೆಸ್‌ನಿಂದ ಹೊರಬಂದು ಟಿಎಂಸಿ ಕಟ್ಟಿದಾಗಿನಿಂದಲೂ "ಹೂವು ಮತ್ತು ಹುಲ್ಲು" ಚಿಹ್ನೆಯು ಬಂಗಾಳದ ಮೂಲೆಮೂಲೆಗಳಲ್ಲಿ ಪಕ್ಷದ ಬಲವಾದ ಸಂಕೇತವಾಗಿ ಬೆಳೆದಿತ್ತು. ಕಳೆದ 28 ವರ್ಷಗಳಿಂದ ತಳಮಟ್ಟದಲ್ಲಿ ಜನರ ಮನಸ್ಸಿನಲ್ಲಿ ಬೇರೂರಿದ್ದ ಈ ಗುರುತು ತಾತ್ಕಾಲಿಕವಾಗಿಯಾದರೂ ಕೈತಪ್ಪಿ ಹೋಗುತ್ತಿರುವುದು ಮಮತಾ ಬ್ಯಾನರ್ಜಿ ಅವರಿಗೆ ರಾಜಕೀಯವಾಗಿ ಭಾರೀ ಹಿನ್ನಡೆಯಾಗಿದೆ. ಉಪಚುನಾವಣೆಯ ಅಖಾಡದಲ್ಲಿ ಹೊಸ ಹೆಸರು ಮತ್ತು ಹೊಸ ಚಿಹ್ನೆಯೊಂದಿಗೆ ಮತದಾರರ ಮುಂದೆ ಹೋಗುವುದು ಪಕ್ಷಕ್ಕೆ ಅಗ್ನಿಪರೀಕ್ಷೆಯಾಗಲಿದೆ ಎನ್ನುವುದು ರಾಜಕೀಯ ವಿಶ್ಲೇಷಕರ ಅಭಿಪ್ರಾಯವಾಗಿದೆ, (ಏಜೆನ್ಸೀಸ್​).