ನವದೆಹಲಿ: ಕಲೆಗೆ ಸಾಟಿ ಯಾವುದಯ್ಯ ಎನ್ನುವಂತೆ ಕೆಲ ಕಲಾವಿದರು ಬೆತ್ತಲೆ ಮಾಡೆಲ್ಗಳ ಮೂಲಕ ನಂಬಲಾಗದ ಬಾಡಿ ಪೇಂಟಿಂಗ್ ಕೌಶಲ್ಯಗಳನ್ನು ಬಳಸಿ ರಮಣೀಯ ದೃಶ್ಯಗಳನ್ನು ಸೃಷ್ಟಿಸುವ ಅತ್ಯದ್ಭುತ ಕಲೆಗೆ ಜೈಕಾರ ಹಾಕಲೇ ಬೇಕು.
ಪ್ರಕೃತಿಯ ದೃಶ್ಯಗಳೊಂದಿಗೆ ಮಾಡೆಲ್ಗಳನ್ನು ಸೇರಿಸುವಾಗ ಎಚ್ಚರಿಕೆಯಿಂದ ಪೇಂಟಿಂಗ್ ಮಾಡಲಾಗುವುದು. ಹಲವು ಗಂಟೆಗಳವರೆಗೆ ಬಾಡಿ ಪೇಂಟಿಂಗ್ ಮಾಡಿ ಪ್ರಕೃತಿಯೊಂದಿಗೆ ಮಾಡೆಲ್ಗಳನ್ನು ಸಹ ಬೆರೆಸಲಾಗುವುದು. ಈ ಕಲೆಗೆ ನಿಜಕ್ಕೂ ಪ್ರಶಂಸನೀಯ ಎಂದರೆ ತಪ್ಪಾಗಲಾರದು. ಇಂತಹ ದೃಶ್ಯಗಳನ್ನು ನೋಡುವಾಗ ನೈಜ ಪ್ರಕೃತಿಯ ಅನಾವರಣವೇ ಆಗುತ್ತದೆ. ಆದರೆ, ಸೂಕ್ಷ್ಮ ಕಣ್ಣಿನಿಂದ ನೋಡಿದಾಗಲೇ ಅಲ್ಲೊಬ್ಬ ವ್ಯಕ್ತಿ ಇರುವುದು ಗೊತ್ತಾದರೂ, ಪ್ರಕೃತಿಯ ಸೊಬಗು ಅದನ್ನು ಮರೆಸುತ್ತದೆ.
ಇಂತಹ ಕಲೆಗಳಲ್ಲಿ ಜರ್ಮನ್ ಆರ್ಟಿಸ್ಟ್ ಜೊರ್ಗ್ ಡಸ್ಟರ್ವಾಲ್ಡ್ (54) ಸಹ ಒಬ್ಬರು. ಬಾಡಿ ಪೇಂಟಿಂಗ್ನಲ್ಲಿ ಪ್ರವೀಣರಾಗಿರುವ ಇವರು ಜಾಹಿರಾತು ಮತ್ತು ಟಿವಿ ಮಾರ್ಕೆಟಿಂಗ್ ಅಭಿಯಾನಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಸುಮಾರು 20 ವರ್ಷದಿಂದ ತನ್ನ ಕಲೆಯಲ್ಲಿ ಬಾಡಿ ಪೇಂಟಿಂಗ್ ಕೌಶಲ್ಯವನ್ನು ಬಳಸುತ್ತಿದ್ದಾರೆ.
ಅವರು ಸೃಷ್ಟಿರುವ ಚಿತ್ರವೊಂದರಲ್ಲಿ ಪಾಪಸ್ ಕಳ್ಳಿ ಹಾಗೂ ಮರಗಳ ಕೆಳಗೆ ಬೇಲಿಯಂತಿರುವ ಕಲ್ಲುಗಳ ಸಾಲಿನಲ್ಲಿ ಬೆತ್ತಲೆ ಮಾಡೆಲ್ ಕುಳಿತಿದ್ದಾರೆ. ನೋಡಲು ಥೇಟ್ ಕಲ್ಲಿನ ಸಾಲಿನಂತೆ ಕಂಡರು ಸೂಕ್ಷ್ಮವಾಗಿ ನೋಡಿದರೆ ಮಾಡೆಲ್ ಇರುವುದು ತಿಳಿಯುತ್ತದೆ. ಬೇಕಿದ್ದರೆ ಆ ಚಿತ್ರವನ್ನು ನೀವಿಲ್ಲಿ ಗಮನಿಸಬಹುದು.
ಜರ್ಮನಿಯಾದ್ಯಂತ ಸುಂದರವಾದ ಸ್ಥಳಗಳಲ್ಲಿ ಇವರ ಬಾಡಿ ಪೇಂಟಿಂಗ್ ಚಿತ್ರಗಳನ್ನು ಕಾಣಬಹುದಾಗಿದೆ. ಇವರ ಚಿತ್ರಗಳು 2021ರ ಕ್ಯಾಲೆಂಡರ್ನಲ್ಲೂ ಕಾಣಿಸಿಕೊಳ್ಳಲಿವೆ. ಬೆತ್ತಲೆ ಮಾಡೆಲ್ಗಳ ಪೇಂಟಿಂಗ್ ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಪ್ರಚಲಿತದಲ್ಲಿವೆ. (ಏಜೆನ್ಸೀಸ್)