ಮುಂಬೈ: ಏಪ್ರಿಲ್ ಸರಣಿಯ ಮಾಸಿಕ ಮುಕ್ತಾಯದ ದಿನದಂದು ಷೇರು ಮಾರುಕಟ್ಟೆಯಲ್ಲಿ ಕ್ಷಿಪ್ರ ಶಾರ್ಟ್ ಕವರಿಂಗ್ ಕಂಡುಬಂದಿತು ಮತ್ತು ನಿಫ್ಟಿ 167 ಪಾಯಿಂಟ್‌ಗಳಷ್ಟು ಏರಿಕೆಯಾಗಿ 22570 ಮಟ್ಟದಲ್ಲಿ ಕೊನೆಗೊಂಡಿತು. ಬಿಎಸ್ಇ ಸೆನ್ಸೆಕ್ಸ್ ಕೂಡ 486 ಪಾಯಿಂಟ್‌ಗಳ ಏರಿಕೆ ಕಂಡು 74399 ಮಟ್ಟದಲ್ಲಿ ಕೊನೆಗೊಂಡಿತು.
ಮೇ ತಿಒಂಗಳ ಸರಣಿಯ ಆರಂಭಕ್ಕೂ ಮುಂಚೆಯೇ, ಮಾರುಕಟ್ಟೆಯು ತನ್ನ ಏರಿಳಿತವನ್ನು ಮರಳಿ ಪಡೆದಿದೆ. ಮೇ ತಿಂಗಳಲ್ಲಿ ನಿಫ್ಟಿ ಮತ್ತು ಬಿಎಸ್ಇ ಸೆನ್ಸೆಕ್ಸ್ ತಮ್ಮ ಹೊಸ ಸಾರ್ವಕಾಲಿಕ ಎತ್ತರವನ್ನು ನೋಡಬಹುದು ಎಂದು ತಜ್ಞರು ನಂಬಿದ್ದಾರೆ. ಈ ಬುಲಿಶ್ ಅವಧಿಯಲ್ಲಿ, ಕೆಲವು ತಜ್ಞರು ಪಿಎಸ್ಯು (ಸರ್ಕಾರಿ ಕಂಪನಿ- ಪಬ್ಲಿಕ್ ಸೆಕ್ಟರ್ ಯುನಿಟ್) ಷೇರುಗಳನ್ನು ಖರೀದಿಸಲು ಸಲಹೆ ನೀಡುತ್ತಿದ್ದಾರೆ.
ನಿಫ್ಟಿಯಲ್ಲಿನ 22000 ಮಟ್ಟವು ಮೇ ಸರಣಿಗೆ ಬಲವಾದ ಆಧಾರವಾಗಿದೆ ಎಂದು ಜೆಎಂ ಫೈನಾನ್ಷಿಯಲ್ ಸರ್ವಿಸಸ್‌ನ ತಾಂತ್ರಿಕ ಮತ್ತು ಉತ್ಪನ್ನಗಳ ಸಂಶೋಧನೆಯ ನಿರ್ದೇಶಕ ಮತ್ತು ಮುಖ್ಯಸ್ಥ ರಾಹುಲ್ ಶರ್ಮಾ ಹೇಳಿದ್ದಾರೆ. ಇದು ಪ್ರಮುಖ ಬೆಂಬಲವಾಗಿದೆ. ಅವರು ಮೇ ತಿಂಗಳಲ್ಲಿ ಎರಡು ಪಿಎಸ್ಯು ಷೇರುಗಳನ್ನು ಪ್ರಸ್ತಾಪಿಸಿದ್ದಾರೆ, ಇವು ಉತ್ತಮ ಲಾಭವನ್ನು ನೀಡುತ್ತವೆ. ಎರಡು ಪಿಎಸ್‌ಯುಗಳ ಮೇಲೆ ನಮಗೆ ಹೆಚ್ಚಿನ ವಿಶ್ವಾಸವಿದೆ ಎಂದು ರಾಹುಲ್ ಶರ್ಮಾ ಹೇಳಿದ್ದಾರೆ.
1) ಬ್ಯಾಂಕ್ ಆಫ್ ಬರೋಡಾ ಲಿಮಿಟೆಡ್:
ಈ ಹಂತಗಳಲ್ಲಿ ಬ್ಯಾಂಕ್ ಆಫ್ ಬರೋಡಾ ತುಂಬಾ ಬಲವಾಗಿ ಕಾಣುತ್ತದೆ ಎಂದು ರಾಹುಕಲ್ ಶರ್ಮಾ ಹೇಳಿದ್ದಾರೆ. ಈ ಸ್ಟಾಕ್ ರೂ 285-295 ಗುರಿಯತ್ತ ಮೇಲಕ್ಕೆ ಚಲಿಸಬಹುದು ಎನ್ನುತ್ತಾರೆ.
ಪಿಎಸ್ಯು ಬ್ಯಾಂಕಿಂಗ್ ಸೂಚ್ಯಂಕದಲ್ಲಿ ಬದಲಾವಣೆಯಾಗಿದೆ, ಆದ್ದರಿಂದ ಬ್ಯಾಂಕ್ ಆಫ್ ಬರೋಡಾವನ್ನು 251 ರೂಪಾಯಿಗಳ ಸ್ಟಾಪ್ ಲಾಸ್‌ನೊಂದಿಗೆ ಖರೀದಿಸಬಹುದು ಎಂದು ಅವರು ಹೇಳಿದ್ದಾರೆ. ಪ್ರಸ್ತುತ ಈ ಷೇರಿನ ಬೆಲೆ ರೂ. 268.65 ಇದೆ.
ಮೇ ಸರಣಿಯಲ್ಲಿ ಬ್ಯಾಂಕಿಂಗ್ ಷೇರುಗಳು ಬುಲಿಶ್ ಆಗಿ ಉಳಿಯಬಹುದು ಮತ್ತು ಬ್ಯಾಂಕ್ ಆಫ್ ಬರೋಡಾ ಇವುಗಳಲ್ಲಿ ಒಂದಾಗಬಹುದು ಎಂದು ಅವರು ತಿಳಿಸಿದ್ದಾರೆ.
2) ಪವರ್ ಫೈನಾನ್ಸ್ ಕಾರ್ಪೊರೇಷನ್ ಲಿಮಿಟೆಡ್:
ಪವರ್ ಫೈನಾನ್ಸ್ ಕಾರ್ಪೊರೇಷನ್ ಲಿಮಿಟೆಡ್ ಒಂದು ಸ್ಟಾಕ್ ಆಗಿದ್ದು ಅದು ಈಗ ಬುಲಿಶ್ ಟ್ರೆಂಡ್‌ನಲ್ಲಿ ಉಳಿಯಬಹುದು ಎಂದು ರಾಹುಲ್ ಶರ್ಮಾ ಹೇಳಿದ್ಧಾರೆ. ಈ ಸ್ಟಾಕ್ ಹಲವಾರು ವಾರಗಳಿಂದ ಸ್ತಬ್ಧವಾಗಿದೆ ಮತ್ತು ಸ್ಟಾಕ್‌ನಲ್ಲಿ ವೇಗವನ್ನು ಪಡೆಯಲು ಇದು ಸರಿಯಾದ ಸಮಯ ಎಂದು ನಾವು ಭಾವಿಸುತ್ತೇವೆ, ಆದ್ದರಿಂದ ಈ ಸ್ಟಾಕ್ ಅನ್ನು ರೂ 394 ರ ಸ್ಟಾಪ್ ಲಾಸ್ ಮತ್ತು ರೂ 425 ರ ಆರಂಭಿಕ ಗುರಿ ಬೆಲೆಗೆ ಖರೀದಿಸಬಹುದು ಎಂದು ಅವರು ಹೇಳಿದ್ದಾರೆ.
ಪವರ್ ಫೈನಾನ್ಸ್ ಕಾರ್ಪೊರೇಷನ್ ಲಿಮಿಟೆಡ್‌ನ ಏಕೀಕರಣ ಹಂತವು ಈಗ ಕೊನೆಗೊಳ್ಳಬಹುದು ಮತ್ತು ಬುಲಿಶ್ ಹಂತವು ಪ್ರವೇಶಿಸಬಹುದು ಎಂದು ಅವರು ಹೇಳಿದ್ದಾರೆ. ಪ್ರಸ್ತುತ ಈ ಷೇರಿನ ಬೆಲೆ 407.05 ರೂ. ಇದೆ.
ಮಾರುಕಟ್ಟೆಯಲ್ಲಿ ದೊಡ್ಡ ಕುಸಿತದ ಭಯವಿಲ್ಲ:
ಮಾರುಕಟ್ಟೆಯ ಏರಿಳಿತ ಈಗ ಮುಗಿದಿದೆ ಎಂದು ರಾಹುಲ್ ಶರ್ಮಾ ಹೇಳಿದ್ದಾರೆ. ತಿಂಗಳ ಮಧ್ಯಂತರ ಕುಸಿತ ಕಳೆದ ವಾರವೇ ಅಂತ್ಯಗೊಂಡಿರುವುದು ಸಂತಸದ ಸಂಗತಿ ಎಂದರು. ಅದರ ನಂತರ ನಾವು ತುಂಬಾ ಸ್ಮಾರ್ಟ್ ಚೇತರಿಕೆ ನೋಡಿದ್ದೇವೆ. ಈಗ ನಾವು ಮುಖ್ಯ ಸರಣಿಯತ್ತ ಸಾಗುತ್ತಿದ್ದೇವೆ, ಇದು ಐತಿಹಾಸಿಕವಾಗಿ ಅತ್ಯಂತ ಧನಾತ್ಮಕ ತಿಂಗಳಾಗಿದೆ ಎಂದಿದ್ದಾರೆ.
ಕಳೆದ ದಶಕದಲ್ಲಿ, ನಿಫ್ಟಿ 10 ರಲ್ಲಿ 7 ಬಾರಿ ಹಸಿರು ಬಣ್ಣದಲ್ಲಿದೆ ಮತ್ತು ಅದೇ ಸಮಯದಲ್ಲಿ ನಾವು ಅತಿ ಕಡಿಮೆ ಮಟ್ಟವನ್ನು ಸಹ ನೋಡಿದ್ದೇವೆ ಎಂದು ಅವರು ಹೇಳಿದ್ದಾರೆ. ಈ ಸಮಯದಲ್ಲಿ ದೊಡ್ಡ ಕುಸಿತದ ಭಯವಿಲ್ಲ ಎಂದು ಇಂಡಿಯಾ VIX ಸೂಚಿಸುತ್ತದೆ. ಮೇ ಸರಣಿಯಲ್ಲಿ ನಿಫ್ಟಿಗೆ 22,000 ಅತ್ಯಂತ ಬಲವಾದ ಆಧಾರವಾಗಿದೆ ಎಂದು ಅವರು ತಿಳಿಸಿದ್ದಾರೆ.
ಒಂದೇ ದಿನದಲ್ಲಿ 1000 ರೂಪಾಯಿ ಆಯಿತು 20 ಲಕ್ಷ ರೂಪಾಯಿ: ಬ್ಯಾಂಕ್ ಷೇರು ಕುಸಿತದಲ್ಲಿ ಅದ್ಭುತ ಲಾಭ ಮಾಡಿಕೊಂಡ ಹೂಡಿಕೆದಾರ!!
ಒಂದೇ ದಿನದಲ್ಲಿ 10 ಸಾವಿರ ಕೋಟಿ ರೂಪಾಯಿ ಕಳೆದುಕೊಂಡ ಉದಯ್ ಕೊಟಕ್: ಬ್ಯಾಂಕ್ ಷೇರು ಬೆಲೆ ಏಕಾಏಕಿ ಕುಸಿತವಾಗಿದ್ದೇಕೆ?