ಬೆಂಗಳೂರು: ‘ಪುಷ್ಪ‘ ಚಿತ್ರ 2 ಭಾಗಗಳಲ್ಲಿ ಮೂಡಿಬರಲಿದ್ದು, ಮೊದಲ ಭಾಗ ”ಪುಷ್ಪ: ದಿ ರೈಸ್” ಡಿ. 17ರಂದು ತೆರೆಗೆ ಅಪ್ಪಳಿಸಲಿದೆ. ಚಿತ್ರತಂಡ ಸಿನಿಮಾ ಬಿಡುಗಡೆಯ ಕೊನೆಯ ಹಂತದವರೆಗೂ ಪ್ರಚಾರದಲ್ಲಿ ತೊಡಗಿಕೊಂಡಿದೆ. ಬುಧವಾರದಂದು ಇಡೀ ಚಿತ್ರತಂಡ ಬೆಂಗಳೂರಿನಲ್ಲಿ ಸಹ ಪತ್ರಿಕಾಗೋಷ್ಠಿ ಮಾಡಿದ್ದರು. ಈ ಸಂರ್ದಭದಲ್ಲಿ ಚಿತ್ರತಂಡಕ್ಕೆ ಹಲವು ಆಯಾಮಗಳಲ್ಲಿ ಕನ್ನಡದ ಪತ್ರಕರ್ತರು ಚಳಿ ಬಿಡಿಸಿದರು. ಕನ್ನಡ ಪತ್ರಕರ್ತರ ಪ್ರಶ್ನೆಗಳಿಗೆ ‘ಪುಷ್ಪ‘ ಚಿತ್ರತಂಡವು ಸಹ ತಬ್ಬಿಬ್ಬು ಆಗಿದ್ದಾರೆ. ಸದ್ಯ, ಹೊಸದೊಂದು ಕಾರಣಕ್ಕೆ ಕನ್ನಡಿಗರು ಈ ಪ್ಯಾನ್ ಇಂಡಿಯನ್ ಸಿನಿಮಾ ವಿರುದ್ಧ ಗರಂ ಆಗಿದ್ದು, ‘ಪುಷ್ಪ‘ ಚಿತ್ರವನ್ನು ಕರ್ನಾಟಕದಲ್ಲಿ ಬ್ಯಾನ್ ಮಾಡಿ ಎನ್ನುತ್ತಿದ್ದಾರೆ.
ಮೊದಲು ನಟಿ ರಶ್ಮಿಕಾ ಮತ್ತು ಸಿನಿಮಾ ತಂಡದ ಬೇರೆ ಬೇರೆ ನಟರು ಕನ್ನಡದಲ್ಲಿ ಡಬ್ಬಿಂಗ್ ಮಾಡಿಲ್ಲ ಎನ್ನುವ ಕಾರಣಕ್ಕೆ ‘ಪುಷ್ಪ‘ ಚಿತ್ರ ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗಿತ್ತು. ನಂತರ, ಬೆಂಗಳೂರಿನಲ್ಲಿ ನಡೆದ ಪತ್ರಿಕಾಗೋಷ್ಠಿಗೆ ಲೇಟ್ ಆಗಿ ಅಗಮಿಸಿದ ನಟ ಅಲ್ಲು ಅರ್ಜುನ್ ಅವರನ್ನು ಪತ್ರಕರ್ತರು ತರಾಟೆಗೆ ತೆಗೆದುಕೊಂಡಿದ್ದಾರೆ. ಆಗ, ಅಲ್ಲು ಅರ್ಜುನ್ ಎಲ್ಲಾ ಪತ್ರಕರ್ತರ ಕ್ಷಮೆಯಾಚಿಸಿದ್ದಾರೆ. ಇದೀಗ ಬಂದ ಸುದ್ದಿಯ ಪ್ರಕಾರ ‘ಪುಷ್ಪ‘ ಚಿತ್ರದ ಕನ್ನಡ ಅವತರಣೆಕೆ ನಮ್ಮ ರಾಜ್ಯದಲ್ಲಿ ಕೇವಲ 3 ಥಿಯೇಟರ್ಗಳಲ್ಲಿ ತೆರೆಕಾಣಲಿದೆ. ಆದರೆ, ಚಿತ್ರದ ತೆಲಗು ವರ್ಷನ್ ಗೆ ನೂರಕ್ಕಿಂತ ಹೆಚ್ಚು ಸ್ಕ್ರೀನ್ ಮೀಸಲಿಟ್ಟಿದ್ದಾರೆ. ತಮಿಳು ನಾಡಿನಲ್ಲಿ ತಮಿಳು ವರ್ಷನ್ ಬಿಡುಗಡೆಯಾಗಲೂ ಹೆಚ್ಚು ಥಿಯೇಟರ್ಗಳು. ಕೇರಳದಲ್ಲಿ ಮಲಯಾಳಂ ವರ್ಷನ್ ಗೆ ಹೆಚ್ಚು ಥಿಯೇಟರ್ ಮತ್ತು ಹಿಂದಿ ವರ್ಷನ್ ಗೂ ಹೆಚ್ಚು ಥಿಯೇಟರ್ಗಳನ್ನು ನೀಡಲಾಗಿದೆ. ಆದ್ರೆ ಕನ್ನಡದ ವರ್ಷನ್ ನಮ್ಮ ಕರ್ನಾಟಕದಲ್ಲೇ ಕೇವಲ ಮೂರೇ ಮೂರು ಥಿಯೇಟರ್ಗಳಲ್ಲಿ ತೆರೆಕಾಣಲಿರುವುದು ನಿಜಕ್ಕೂ ವಿಪರ್ಯಾಸವೆ ಸರಿ.
ಹೌದು, ಕನ್ನಡ ಭಾಷೆಯ ಮೇಲೆ ‘ಪುಷ್ಪ‘ ಚಿತ್ರತಂಡಕ್ಕೆ ಈ ತಾತ್ಸರ ಏಕೆ? ಕನ್ನಡದಲ್ಲಿ ಸಿನಿಮಾವನ್ನ 3 ಥಿಯೇಟರ್ಗಳಲ್ಲಿ ರಿಲೀಸ್ ಮಾಡುವ ಹಾಂಗಿದ್ರೆ ಯಾಕೆ ಬೇಕಿತ್ತು ಕನ್ನಡ ಡಬ್ಬಿಂಗ್? ಪುಷ್ಪ ಸಿನಿಮಾ ಯಾವ ಪುರುಷಾರ್ಥಕ್ಕಾಗಿ ಕನ್ನಡಕ್ಕೆ ಡಬ್ ಮಾಡಿದ್ರು? ಸ್ಯಾಟ್ ಲೈಟ್ ಆಡಿಯೋ ರೈಟ್ಸ್ ದುಡ್ಡಿಗಾಗಿ ಕನ್ನಡ ಡಬ್ಬಿಂಗ್ ಮಾಡಿದ್ರಾ? ಕನ್ನಡದ ವಿತರಕರಿಗೆ ಇಲ್ವಾ ಭಾಷಾಭಿಮಾನ? ಕನ್ನಡ ವರ್ಷನ್ ವಿತರಕರು ಯಾಕೆ ಹೆಚ್ಚು ಸ್ಕ್ರೀನ್ಗಳನ್ನು ಬುಕ್ ಮಾಡಿಲ್ಲ? ಎಂಬ ಹಲವು ಪ್ರಶ್ನೆಗಳನ್ನು ಈಗ ಕ್ನನಡಿಗರು ಚಿತ್ರತಂಡದ ವಿರುದ್ಧ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಕೇಳಲು ಆರಂಭಿಸಿದ್ದಾರೆ. ತೆಲುಗು ವರ್ಷನ್ನ ಟಿಕೆಟ್ಗಳು ಈಗಾಗಲೇ ಚಿತ್ರಮಂದಿರಗಳಲ್ಲಿ ಬಹುತೇಕ ಸೇಲ್ ಆಗಿದ್ದು, ಟಿಕೆಟ್ ಬುಕ್ ಮಾಡಲು ಹೋದ ಕನ್ನಡಿಗರಿಗೆ ತುಂಬಾನೆ ಕೋಪ ಬಂದಿದೆ. ಟ್ವಿಟರ್ನಲ್ಲಿ #BoyCottPushpaInKarnataka ಮತ್ತು #BoyCottPushpaInKannada ಹ್ಯಾಶ್ಟ್ಯಾಗ್ಗಳು ಸಖತ್ ಟ್ರೆಂಡಿಂಗ್ನಲ್ಲಿವೆ. ‘ಪುಷ್ಪ‘ ಸಿನಿಮಾ ವಿರುದ್ಧ ಹಲವು ಮೀಮ್ಗಳು ಸಹ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.
VIDEO: ಪತ್ನಿಯ ಜತೆ ‘ನಿನ್ನಲ್ಲೇ…’ ಹಾಡಿಗೆ ಹೆಜ್ಜೆ ಹಾಕಿದ ನಿಖಿಲ್‌ ಕುಮಾರಸ್ವಾಮಿ- ವಿಡಿಯೋ ವೈರಲ್