ಹೈದರಾಬಾದ್: ಮೊಬೈಲ್ ಎಷ್ಟು ಸಹಕಾರಿಯೋ ಅಷ್ಟೇ ಅಪಾಯಕಾರಿಯೂ ಹೌದು ಎನ್ನುವುದಕ್ಕೆ ಇಲ್ಲೊಂದು ನಿರ್ದೇಶನ ಸಿಕ್ಕಿದೆ. ಮಕ್ಕಳಿಗೆ ಮೊಬೈಲ್ ಕೊಟ್ಟರೆ ಏನಾಗಬಹುದು. ಹೆಚ್ಚೆಂದರೆ ಮೊಬೈಲ್ ಹಾಳಾಗಬಹುದು ಎಂದುಕೊಳ್ಳಬಹುದು. ಆದರೆ ಇಲ್ಲಿ ಆಗಿರುವುದೇ ಬೇರೆ.
16 ವರ್ಷದ ಬಾಲಕನೊಬ್ಬ ತನ್ನ ತಾಯಿಯ ಮೊಬೈಲ್ನಲ್ಲಿ ಗೇಮ್ ಆಡಲು ಹೋಗಿ ಭಾರೀ ಮೊತ್ತದ ಹಣವನ್ನೇ ಖಾಲಿ ಮಾಡಿದ್ದಾನೆ. ಆನ್ಲೈನ್ ಗೇಮ್ ಆಡುತ್ತಿದ್ದ ಈ ಬಾಲಕ ತನ್ನ ತಾಯಿಯ ಖಾತೆಯಿಂದ ಬರೋಬ್ಬರಿ 36 ಲಕ್ಷ ರೂ. ಹಣವನ್ನು ವ್ಯಯಿಸಿದ್ದಾನೆ. ಹೈದರಾನಾದ್ ಅಂಬಾರಪೇಟೆಯಲ್ಲಿ ಈ ಘಟನೆ ನಡೆದಿದ್ದು, ಮಹಿಳೆ ತನ್ನ ಮಗನಿಂದ ಈಗ ಇರುವ ಹಣವನ್ನೂ ಕಳೆದುಕೊಂಡಿದ್ದಾರೆ.
ದುಡ್ಡು ಹೇಗೆ ಖಾಲಿಯಾಯಿತು ಎಂಬ ಬಗ್ಗೆ ಮಹಿಳೆ ಸೈಬರ್ ಕ್ರೈಂ ಗೆ ದೂರು ನೀಡುತ್ತಾಳೆ. ತನಿಖೆ ಕೈಗೊಂಡ ಪೊಲೀಸರಿಗೆ ಈಕೆಲಸ ಯಾರದ್ದು ಎಂದು ತಿಳಿದುಬಿಡುತ್ತದೆ. ಆ ವೇಳೆ ಮೊಬೈಲ್ನಲ್ಲೇ ಗೇಮ್ಗಾಗಿ ಈ ಬಾಲಕ ತಾಯಿಯ ಖಾತೆಯಲ್ಲಿರುವ ಹಣ ಬಳಸಿರುವುದು ಪತ್ತೆಯಾಗಿದೆ.
ಒಂದೊಂದು ಗೇಮ್ಗೆ 1500 ರೂ.ನಿಂದ 10,000 ರೂ.ವರೆಗೂ ಪಾವತಿ ಮಾಡಿದ್ದಾನೆ. 11ನೇ ತರಗತಿಯಲ್ಲಿ ಓದುತ್ತಿರವ ಈತ ತನ್ನ ತಾಯಿಯ ಖಾತೆಯಿಂದ 1 ರಿಂದ 2 ಲಕ್ಷದವರೆಗೂ ಹಣವನ್ನು ಡ್ರಾ ಮಾಡಿಕೊಂಡಿದ್ದಾನೆ. ಹೀಗೆ ಆನ್ಲೈನ್ ಗೇಮ್ ಹುಚ್ಚಿಗೆ ಬಿದ್ದ ಯುವಕ ಬರೋಬ್ಬರಿ 36 ಲಕ್ಷ ರೂ.ಹಣವನ್ನು ಹಾಳುಮಾಡಿದ್ದಾನೆ. (ಏಜೆನ್ಸೀಸ್)