ಮುಂಬೈ: ಬಾಲಿವುಡ್ ನಟಿ ದಿಯಾ ಮಿರ್ಜಾ ಬಿಸಿನೆಸ್ಮನ್ ವೈಭವ್ ರೇಖಿ ಅವರನ್ನು ಸೋಮವಾರ (ಫೆಬ್ರವರಿ 15) ಹಿಂದೂ ಸಂಪ್ರದಾಯದಂತೆ ಶಾಸ್ತ್ರೋಕ್ತವಾಗಿ ಮುಂಬೈನಲ್ಲಿ ನಡೆದ ಸಮಾರಂಭದಲ್ಲಿ ಮದುವೆಯಾದರು. ಯಾವುದೇ ಸೆಲೆಬ್ರಿಟಿ ಮದುವೆಯಂತೆ ಈ ಮದುವೆಯೂ ವಿಶೇಷವಾಗೇ ಇತ್ತು. ಆದರೆ ದಿಯಾ ಮದುವೆ ಮತ್ತೂ ವಿಶೇಷವಾದುದಕ್ಕೆ ಕಾರಣ ಎಂದರೆ ಅವರಿಗೆ ಸಾತ್ ಫೇರೆ ಮಾಡಿಸಿದವರು ಮಹಿಳಾ ಪುರೋಹಿತರು!
ಸಾಮಾನ್ಯವಾಗಿ ಹಿಂದೂ ಸಂಪ್ರದಾಯದಲ್ಲಿ ಮದುವೆ ಮತ್ತಿತರ ಶಾಸ್ತ್ರಗಳಲ್ಲಿ ಪುರುಷರೇ ಪೌರೋಹಿತ್ಯ ನಡೆಸುವುದು ವಾಡಿಕೆ. ಆದರೆ ದಿಯಾ ಮದುವೆ ಫೋಟೋ ವೈರಲ್ ಆದಾಗ ಹಲವರು ಗಮನಿಸಿದ ಅಂಶ ಎಂದರೆ ಮಂತ್ರ ಹೇಳುತ್ತಾ ಕೂತಿದ್ದಿದ್ದು ಮಹಿಳಾ ಪುರೋಹಿತೆ. ಈ ಬಗ್ಗೆ ನೆಟ್ಟಿಗರು ಕೇಳಿದ ಪ್ರಶ್ನೆಗಳಿಗೆ ದಿಯಾ ಉತ್ತರ ನೀಡಿದ್ದಾರೆ. “ನಮ್ಮ ಮದುವೆ ಶಾಸ್ತ್ರವನ್ನು ನಡೆಸಿಕೊಟ್ಟಿದ್ದಕ್ಕೆ ಥ್ಯಾಂಕ್ಯೂ ಶೀಲಾ ಅತ್ತ. ಜೊತೆಯಾಗಿ ನಾವು ಮೇಲೇಳಬಹುದು… #ರೈಸ್ ಅಪ್ #ಜನರೇಶನ್ ಈಕ್ವಾಲಿಟಿ” ಅಂತ ದಿಯಾ ಟ್ವೀಟ್ ಮಾಡಿದ್ದಾರೆ.
Thank you Sheela Atta for conducting our wedding ceremony. So proud that together we can #RiseUp #GenerationEquality https://t.co/aMZdyEZRdF pic.twitter.com/BeyFWCSGLw
— Dia Mirza (@deespeak) February 17, 2021
‘ರೆಹನಾ ಹೇ ತೆರೆ ದಿಲ್ ಮೇ’ ಚಿತ್ರದಿಂದ ಬಾಲಿವುಡ್ ಪ್ರವೇಶಿಸಿದ ರೂಪದರ್ಶಿ ದಿಯಾ ಮಿರ್ಜಾ ಇತ್ತೀಚೆಗೆ ಅಭಿನಯಿಸಿದ ಚಿತ್ರ ಎಂದರೆ ಅನುಭವ್ ಸಿನ್ಹಾ ಅವರ ‘ಥಪ್ಪಡ್’. ಮತ್ತೆ ಜೀ5 ವೆಬ್ ಸೀರೀಸ್ ‘ಕಾಫಿರ್’ನಲ್ಲಿ ಅವರ ನಟನೆಗೂ ಪ್ರಶಂಸೆ ಸಿಕ್ಕಿತ್ತು.
ಇದನ್ನೂ ಓದಿ: ಪ್ರಿಯಾಂಕಾರ ಆತ್ಮಚರಿತ್ರೆಯಲ್ಲಿದೆ … ‘ಪ್ಲಾಸ್ಟಿಕ್ ಚೋಪ್ರಾ’ ಆದ ಗುಟ್ಟು !
ದಿಯಾ ಮಿರ್ಜಾ ಮತ್ತು ವೈಭವ್ ರೇಖಿ ಇಬ್ಬರಿಗೂ ಇದು ಎರಡನೇ ಮದುವೆ. ಅವರು ಲಾಕ್ಡೌನ್ ವೇಳೆ ಭೇಟಿಯಾಗಿದ್ದು, ಕ್ರಮೇಣ ಪ್ರೇಮಾಂಕುರವಾಗಿತ್ತು ಎನ್ನಲಾಗಿದೆ. ಇದೀಗ ಹತ್ತಿರದ ನೆಂಟರಿಷ್ಟರನ್ನೊಳಗೊಂಡ ವಿವಾಹ ಸಮಾರಂಭದಲ್ಲಿ ನವದಾಂಪತ್ಯಕ್ಕೆ ಕಾಲಿಟ್ಟಿದ್ದಾರೆ.(ಏಜೆನ್ಸೀಸ್)
‘ನನ್ನ ವಾಲೆಂಟೈನ್ – ಪ್ರತಿದಿನ, ಎಂದೆಂದಿಗೂ’ ಎಂದು ಸನ್ಸೆಟ್ ಫೋಟೋ ಹಾಕಿದ ಅನುಷ್ಕಾ