ಉತ್ತರಪ್ರದೇಶ: ದೀಪಾವಳಿ ಹತ್ತಿರ ಇರುತ್ತಿರುವಂತೆ ಪಟಾಕಿ ಸಿಡಿತದ ಅನಾಹುತದ ಸುದ್ದಿಗಳು ಒಂದರ ಬೆನ್ನ ಹಿಂದೊಂದರಂತೆ ವರದಿ ಆಗುತ್ತಿವೆ. ಆ ಪೈಕಿ ದೇಶದ ಎರಡು ಕಡೆ ಬುಧವಾರ ಒಂದೇ ದಿನ ಒಟ್ಟು ಎರಡು ಅಗ್ನಿ ಆಕಸ್ಮಿಕಗಳು ವರದಿ ಆಗಿವೆ.
ಉತ್ತರ ಪ್ರದೇಶದ ಖುಷಿ ನಗರದಲ್ಲಿ ಪರವಾನಗಿ ರಹಿತ ಪಟಾಕಿ ಗೋದಾಮಿನಲ್ಲಿ ಬುಧವಾರ ಬೆಳಗ್ಗೆ ಸ್ಫೋಟ ಸಂಭವಿಸಿದೆ. ಕಪ್ತಾನ್ಗಂಜ್ನ ಆರ್ಯ ಸಮಾಜ ದೇವಸ್ಥಾನ ವಾರ್ಡ್ನ ಮನೆಯೊಂದರ ಗೋದಾಮಲ್ಲಿ ಅಕ್ರಮವಾಗಿ ಪಟಾಕಿ ಸಂಗ್ರಹಿಸಡಲಾಗಿತ್ತು. ಅಲ್ಲಿದ್ದ ಸಿಲಿಂಡರ್ನಲ್ಲಿ ಗ್ಯಾಸ್ ಸೋರಿಕೆಯ ಆಗಿ ಸ್ಫೋಟ ಸಂಭವಿಸಿದ್ದು, ಜತೆಗೆ ಪಟಾಕಿ ದಾಸ್ತಾನು ಕೂಡ ಸಿಡಿದಿತ್ತು. ಈ ಸಂದರ್ಭ ನಾಲ್ವರು ಮೃತಪಟ್ಟಿದ್ದು, ಏಳು ಮಂದಿ ಗಾಯಗೊಂಡಿದ್ದಾರೆ.
ಮತ್ತೊಂದೆಡೆ ಕೋಲ್ಕತದ ಚಂಪಾಹತ್ನಲ್ಲಿನ ಪಟಾಕಿ ಕಾರ್ಖಾನೆಯೊಂದರಲ್ಲಿ ಬುಧವಾರ ಮಧ್ಯಾಹ್ನ ಸ್ಫೋಟ ಸಂಭವಿಸಿದೆ. ಭಾರಿ ಸದ್ದಿನೊಂದಿಗೆ ಸ್ಫೋಟ ಸಂಭವಿಸಿದೆ. ಬೆಂಕಿಯ ಕೆನ್ನಾಲಿಗೆ ಆವರಿಸಿದ್ದು, ಪರಿಸ್ಥಿತಿ ಇನ್ನಷ್ಟೇ ಹತೋಟಿಗೆ ಬರಬೇಕಿದೆ. ಸಾವು-ನೋವಿನ ಬಗ್ಗೆ ಸದ್ಯಕ್ಕೆ ಮಾಹಿತಿ ಹೊರಬಿದ್ದಿಲ್ಲ ಎಂದು ಮೂಲಗಳು ತಿಳಿಸಿವೆ. (ಏಜೆನ್ಸೀಸ್)