ಬೆಂಗಳೂರು: ಕೆಲವು ದಿನಗಳ ಹಿಂದೆ ರಾಜ್ಯದ ಕಬಿನಿ ಅರಣ್ಯದಲ್ಲಿ ಸೆರೆಹಿಡಿಯಲಾಗಿದ್ದ ಕರಿ ಚಿರತೆಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸಿದ್ದವು. ಚಿರತೆ ನೋಡಿದ ಅನೇಕರು ಅದನ್ನು ಜಂಗಲ್ ಬುಕ್ ಸಿನಿಮಾದ ‘ಬಘೀರಾ’ ಎಂದು ವರ್ಣಿಸಿದ್ದರು. ಚಿತ್ರಗಳನ್ನು ಶಾಜ್ ಝಂಗ್ ಎಂಬುವರು ಸೆರೆಹಿಡಿದಿದ್ದರು.
ಇದನ್ನೂ ಓದಿ: ಸ್ಟೇವ್ ಹಫ್ ಯಾರು? ಸುಶಾಂತ್ ಆತ್ಮದ ಜತೆ ಸಂಪರ್ಕ ಸಾಧಿಸಿದ್ಹೇಗೆ?: ಇಲ್ಲಿದೆ ಕುತೂಹಲಕರ ಸಂಗತಿ!
ಇದೀಗ ಮತ್ತೊಂದು ಚಿತ್ರ ಜಾಲತಾಣದಲ್ಲಿ ತುಂಬಾ ಸದ್ದು ಮಾಡುತ್ತಿದೆ. ಈ ಬಾರಿ ಬಘೀರಾ ಒಬ್ಬನೇ ಇಲ್ಲ. ಅವನೊಂದಿಗೆ ಚಿರತೆಯೊಂದು ನಿಂತು ಕ್ಯಾಮೆರಾಗೆ ಪೋಸ್ ನೀಡಿರುವುದು ನೋಡುಗರನ್ನು ಮತ್ತೊಮ್ಮೆ ಸೆಳೆದಿದೆ. ಒಂದು ಚಿತ್ರದಲ್ಲಿ ಕರಿಚಿರತೆ ಹಾಗೂ ಸಾಮಾನ್ಯ ಚಿರತೆ ನೋಡಿದ ನೆಟ್ಟಿಗರು ಅದನ್ನು ಸೆರೆಹಿಡಿದ ಫೋಟೋಗ್ರಾಫರ್ಗೆ ಭಲೇ ಎಂದಿದ್ದಾರೆ.
ಸದ್ಯ ವೈರಲ್ ಆಗಿರುವ ಚಿತ್ರ ನೋಡಿದರೆ ಒಂದು ಕ್ಷಣ ಚಿರತೆಯ ಛಾಯೆ ಇರಬಹುದೇನೋ ಎಂದೆನಿಸದೇ ಇರದು. ಆದರೆ, ಈ ಅಪರೂಪದ ಚಿತ್ರವನ್ನು ಸರೆಹಿಡಿದ ಕೀರ್ತಿ ಮಿಥುನ್.ಎಚ್ ಅವರಿಗೆ ಸಲ್ಲುತ್ತದೆ. ಈ ಅದ್ಭುತ ಚಿತ್ರ ತೆಗೆಯುಲು ತಾಳ್ಮೆಯಿಂದ ಬರೋಬ್ಬರಿ 6 ದಿನ ಕಾಡಿನಲ್ಲಿ ಕಾದಿದ್ದರಂತೆ.
ತಮ್ಮ ಅನುಭವವನ್ನು ಫೋಟೋದೊಂದಿಗೆ ಇನ್ಸ್ಟಾಗ್ರಾಂನಲ್ಲಿ ತಿಳಿಸಿರುವ ಮಿಥುನ್, ಈ ಎರಡು ಪ್ರಾಣಿಗಳು ಕಳೆದ ಕೆಲ ವರ್ಷಗಳಿಂದ ಒಟ್ಟಿಗೆ ಬದುಕುತ್ತಿವೆ ಎಂದಿದ್ದಾರೆ. ಅವುಗಳನ್ನು ಸಾಯಾ ಮತ್ತು ಕ್ಲಿಯೋಪಾತ್ರ ಎಂದು ಕರೆದಿರುವ ಮಿಥುನ್, ಇಬ್ಬರು ಒಟ್ಟಿಗೆ ಇದ್ದಾಗಲೆಲ್ಲಾ ಅವರು ನೋಡುವ ದೃಷ್ಟಿ ಇದೆ. ಈ ರೀತಿ ಪ್ರಾಣಿಗಳು ಒಟ್ಟಿಗೆ ತಿರುಗಾಡುವಾಗ ಗಂಡು ಪ್ರಾಣಿ ಉಸ್ತುವಾರಿಯನ್ನು ವಹಿಸಿಕೊಂಡು ಹೆಣ್ಣು ಪ್ರಾಣಿಯೊಂದಿಗೆ ತಿರುಗುತ್ತದೆ. ಆದರೆ, ಈ ಜೋಡಿಯ ವಿಚಾರದಲ್ಲಿ ನಡೆದಿದ್ದೇ ಬೇರೆ, ಇಲ್ಲಿ ಕ್ಲಿಯೋ ಉಸ್ತುವಾರಿಯನ್ನು ವಹಿಸಿಕೊಂಡಿದ್ದು, ಕರಿಚಿರತೆ ಅದನ್ನು ಹಿಂಬಾಲಿಸುತ್ತಿದೆ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಹಿಂದುಳಿದ ಸಮುದಾಯಗಳಿಗೆ ಮೀಸಲು ಮುಂದುವರಿಸಲು ಒತ್ತಾಯಿಸಿ ಶಾಸಕ ರಾಜಾ ವೆಂಕಟಪ್ಪನಾಯಕಗೆ ಮನವಿ
ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಾಗಿನಿಂದ ಈವರೆಗೂ 63 ಸಾವಿರಕ್ಕೂ ಹೆಚ್ಚು ಲೈಕ್ಸ್ಗಳನ್ನು ಗಿಟ್ಟಿಸಿಕೊಂಡಿದ್ದು, ಫೇಸ್ಬುಕ್ ಹಾಗೂ ಟ್ವಿಟರ್ನಲ್ಲಿ ಸಿಕ್ಕಾಪಟ್ಟೆ ಶೇರ್ ಆಗುತ್ತಿದೆ. (ಏಜೆನ್ಸೀಸ್)