ಹೈದಾರಾಬಾದ್: ಯುವತಿಯರು ಹಾಗೂ ವಿವಾಹಿತ ಮಹಿಳೆಯರು ಸ್ನಾನ ಮಾಡುವಾಗ ಕದ್ದು ಫೋಟೋ ಅಥವಾ ವಿಡಿಯೋ ರೆಕಾರ್ಡ್ ಮಾಡಿಕೊಂಡು ಬ್ಲ್ಯಾಕ್ಮೇಲ್ ಮಾಡುತ್ತಿದ್ದ ಯುವಕನೊಬ್ಬ ಸಿಕ್ಕಿಬಿದ್ದಿರುವ ಘಟನೆ ತೆಲಂಗಾಣದ ವಿಕಾರಾಬದ್ ಜಿಲ್ಲೆಯ ಕಲ್ಕಚರ್ಲಾ ಮಂಡಲದ ಬುಡಕಟ್ಟು ಪ್ರದೇಶದಲ್ಲಿ ನಡೆದಿದೆ.
ಆರೋಪಿ ಶ್ರೀನಿವಾಸ್ ಎಂಬಾತ ಪರಿಚಯವಿದ್ದ ತನ್ನದೇ ಊರಿನ ಮಹಿಳೆಯರು ಹಾಗೂ ಯುವತಿಯರ ಬೆತ್ತಲೆ ದೃಶ್ಯಗಳನ್ನು ಕದ್ದು ಫೋಟೋ ಹಾಗೂ ವಿಡಿಯೋ ಮಾಡಿಕೊಳ್ಳುತ್ತಿದ್ದ. ಬಳಿಕ ಅದನ್ನು ಸ್ನೇಹಿತರಿಗೆ ತೋರಿಸುತ್ತಿದ್ದ. ಅಲ್ಲದೆ, ಕೆಲವರನ್ನು ಬ್ಲ್ಯಾಕ್ಮೇಲ್ ಮಾಡಿ ದುಷ್ಕೃತ್ಯ ಎಸಗಿರುವುದು ಸಹ ಬೆಳಕಿಗೆ ಬಂದಿದೆ.
ಇದನ್ನೂ ಓದಿ: ರಾಜ್ಯದ ಐಟಿಐಗಳಿಗೆ ಇನ್ನು ಟಾಟಾ ಶಕ್ತಿ; ಟಾಟಾ ಟೆಕ್ನಾಲಜೀಸ್ನಿಂದ ಉನ್ನತೀಕರಣ
ಹೀಗಿರುವಾಗ ಒಮ್ಮೆ ಸಂತ್ರಸ್ತ ಮಹಿಳೆಯೊಬ್ಬಳಿಗೆ ಕದ್ದು ಫೋಟೋ ತೆಗೆದುಕೊಂಡಿರುವ ವಿಚಾರ ತಿಳಿದು ಆಕೆಯ ಕುಟುಂಬ ಶ್ರೀನಿವಾಸ್ಗೆ ಚೆನ್ನಾಗಿ ಥಳಿಸಿ ಪೊಲೀಸರಿಗೆ ಒಪ್ಪಿಸುತ್ತಾರೆ. ಪ್ರಕರಣ ದಾಖಲಿಸಿಕೊಳ್ಳುವ ಪೊಲೀಸರು ಶ್ರೀನಿವಾಸ್ನನ್ನು ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸಿ ನ್ಯಾಯಾಂಗ ಬಂಧನಕ್ಕೂ ಕಳುಹಿಸುತ್ತಾರೆ.
ಈ ಘಟನೆ ಮೂರು ತಿಂಗಳ ಹಿಂದೆ ನಡೆದಿತ್ತು. ಜೈಲಿನಲ್ಲಿದ್ದ ಶ್ರೀನಿವಾಸ್ ಜಾಮೀನಿನ ಮೇಲೆ ಹೊರಬಂದಿದ್ದಾನೆ. ಇದೀಗ ಶಿಕ್ಷೆ ಅನುಭವಿಸಿದ ಸೇಡಿಗೆ ಶ್ರೀನಿವಾಸ್ ಹಾಗೂ ಸಂತ್ರಸ್ತ ಮಹಿಳೆಯ ಕುಟುಂಬದ ನಡುವೆ ಮತ್ತೆ ಜಗಳ ನಡೆದಿದ್ದು, ಶ್ರೀನಿವಾಸ್ ಸಂತ್ರಸ್ತೆಯ ಸಹೋದರನ ಮೇಲೆ ಹಲ್ಲೆ ಮಾಡಿ ಗಂಭೀರವಾಗಿ ಗಾಯಗೊಳಿಸಿದ್ದಾರೆ. ಆರೋಪಿ ಶ್ರೀನಿವಾಸ್ ವಿರುದ್ಧ ಮತ್ತೆ ಕ್ರಮ ತೆಗೆದುಕೊಳ್ಳುವಂತೆ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)
ಮೊಬೈಲ್‌ ಚಟಕ್ಕೆ ಮತ್ತೊಂದು ಬಲಿ: ಆಟವಾಡಬೇಡ ಎಂದುದಕ್ಕೆ ಬಾಲಕ ಆತ್ಮಹತ್ಯೆ!