ನ್ಯೂಯಾರ್ಕ್: ಕೋವಿಡ್-19 ಸೋಂಕನ್ನು ನಿಯಂತ್ರಿಸುವ ಹಿನ್ನೆಲೆಯಲ್ಲಿ ಜಾರಿಗೊಳಿಸಲಾಗಿದ್ದ ಲಾಕ್ಡೌನ್ ಮತ್ತೊಂದೆಡೆ ಕುಡಿತವನ್ನು ಹೆಚ್ಚಿಸಿದ್ದು ಈಗ ಸಮೀಕ್ಷೆಯೊಂದರಲ್ಲಿ ಕಂಡುಬಂದಿದೆ. ಲಾಕ್ಡೌನ್ನಿಂದಾಗಿ ಬಿಂಜ್ ಡ್ರಿಂಕಿಂಗ್ ಹೆಚ್ಚಾಗಿದೆ ಎಂದು ಈ ಅಧ್ಯಯನ ತಿಳಿಸಿದೆ.
ಈ ಅಧ್ಯಯನದ ಅಂಶಗಳು ಅಮೆರಿಕನ್ ಜರ್ನಲ್ ಆಫ್ ಡ್ರಗ್ ಆ್ಯಂಡ್ ಆಲ್ಕೋಹಾಲ್ ಅಬ್ಯೂಸ್ನಲ್ಲಿ ಪ್ರಕಟವಾಗಿವೆ. ಕೋವಿಡ್-19ನಿಂದಾಗಿ ಅಪಾಯಕಾರಿ ಮದ್ಯಸೇವನೆ ಹಾಗೂ ಜೀವನದಲ್ಲಿದ ಒತ್ತಡ ಹೆಚ್ಚಾಗಿವೆ ಎಂದು ಈ ಅಧ್ಯಯನ ತಿಳಿಸಿದೆ.
ಅದರಲ್ಲೂ ಖಿನ್ನತೆ ಅಥವಾ ಬೇರೆ ಕಾಯಿಲೆ ಇದ್ದೂ ಅಪಾಯಕಾರಿ ಆಗಿ ಕುಡಿಯುತ್ತಿರುವವರ ಸಂಖ್ಯೆ ಸಾಮಾನ್ಯ ಕುಡುಕರಿಗಿಂತ ಹೆಚ್ಚಳಗೊಂಡಿದೆ ಎಂಬುದು ಈ ಅಧ್ಯಯನದಲ್ಲಿ ಉಲ್ಲೇಖಗೊಂಡಿದೆ. ಕೋವಿಡ್-19 ಲಾಕ್ಡೌನ್ನಿಂದಾಗಿ ದೀರ್ಘಕಾಲ ಮನೆಯಲ್ಲೇ ಇರುವುದು ಹಾಗೂ ಮಾನಸಿಕ ಒತ್ತಡದಿಂದಾಗಿ ಈ ಬಿಂಜ್ ಡ್ರಿಂಕಿಂಗ್ ಹೆಚ್ಚಾಗಿದೆ. ಮತ್ತೊಂದೆಡೆ ಮಕ್ಕಳೊಂದಿಗೆ ಇದ್ದವರು ಕುಡಿಯುವ ಪ್ರಮಾಣ ಕಡಿಮೆ ಆಗಿದೆ ಎಂದು ಆನ್ಲೈನ್ನಲ್ಲಿ ನಡೆಸಲಾಗಿದ್ದ ಈ ಸಮೀಕ್ಷೆ ಹೇಳಿದೆ. (ಏಜೆನ್ಸೀಸ್)
ಪತ್ನಿಯ ಮೇಲಿನ ಸಿಟ್ಟಿನಿಂದ 450 ಕಿ.ಮೀ ನಡೆದ ಪತಿರಾಯ ಪೊಲೀಸರಿಂದ ದಂಡ ಹಾಕಿಸಿಕೊಂಡ!