ಬೆಂಗಳೂರು: ಲಾಕ್ಡೌನ್ ಬಂದೋಬಸ್ತ್ಗೆ ನಿಯೋಜನೆಗೊಂಡಿದ್ದ ಮಹಿಳಾ ಪೊಲೀಸ್ ಪೇದೆ ಮೇಲೆ ಮೂವರು ಬೈಕ್ ಸವಾರರು ಹಲ್ಲೆ ನಡೆಸಿದ್ದಾರೆ. ಹುಳಿಮಾವು ಠಾಣೆಯ ಪೇದೆ ಹೇಮಾ ಹಲ್ಲೆಗೆ ಒಳಗಾದವರು.
ರವಿ (24), ರೋಹಿತ್ (25) ಮತ್ತು ಪ್ರವೀಣ್ (24) ಎಂಬುವವರು ಬಂಧಿತ ಆರೋಪಿಗಳು. ಇವರು ಹೇಮಾ ಅವರನ್ನು ಬೈಕ್ನಲ್ಲಿದ್ದುಕೊಂಡೇ ಎಳೆದುಕೊಂಡು ಹೋಗಿ ತಳ್ಳಿದ್ದಾರೆ. ಪರಿಣಾಮ ಕಣ್ಣಿಗೆ ಗಾಯವಾಗಿದ್ದು, ಸ್ಥಳೀಯ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ.
ಏ.1ರ ಸಂಜೆ 6 ಗಂಟೆಯಲ್ಲಿ ದೊಡ್ಡಕಮ್ಮನಹಳ್ಳಿಯ ಜುಂಜಪ್ಪ ಸರ್ಕಲ್ ಬಳಿ ರಾಜೇಶ್ವರಿ, ಹೇಮಾ ಮತ್ತು ಚಿಕ್ಕಪ್ಪ ಅವರನ್ನು ಬಂದೋಬಸ್ತ್ಗೆ ನಿಯೋಜಿಸಲಾಗಿತ್ತು. ಅನವಶ್ಯಕವಾಗಿ ಸಂಚರಿಸುವವರ ತಪಾಸಣೆ ಕೈಗೊಂಡಿದ್ದರು. ಇದೇ ವೇಳೆ ಬೈಕ್ ಮೇಲೆ ಹೋಗುತ್ತಿದ್ದ ಮೂವರನ್ನು ತಡೆದು ತಪಾಸಣೆ ನಡೆಸಿದ್ದಾರೆ. ಪಾಸ್ ಇಲ್ಲದೆ ಓಡಾಡುತ್ತಿರುವುದು ಕಂಡುಬಂದಿದೆ. ಈ ಬಗ್ಗೆ ಪ್ರಶ್ನಿಸಿದ್ದಕ್ಕೆ ಕರ್ತವ್ಯನಿರತ ಸಿಬ್ಬಂದಿ ಜತೆ ಗಲಾಟೆ ಮಾಡಿ ಹಲ್ಲೆ ನಡೆಸಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಕರೊನಾ ಎಫೆಕ್ಟ್- ತ್ಯಾಜ್ಯ ಸಂಗ್ರಹಣೆಗೆ ಪ್ರತ್ಯೇಕ ಏಜೆನ್ಸಿ 8 ವಲಯಕ್ಕೆ 4 ಏಜೆನ್ಸಿ ನೇಮಕ