ಭೋಪಾಲ್: ಎರಡು ಚಡ್ಡಿಗೆ ಎರಡು ಮೀಟರ್ ಬಟ್ಟೆ ಸಾಕಾಗಲ್ವ…! ನೀನ್ ಕೊಟ್ಟಿರೋ ಬಟ್ಟೇಲಿ ಅಷ್ಟೇ ಉದ್ದ ಹೊಲಿಯೋಕಾಗಿದ್ದು..!
ಇದು ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್ನ ಭೀಮ್ನಗರದ ಟೇಲರ್ ಹಾಗೂ ಗ್ರಾಹಕನ ನಡುವಿನ ವಾಗ್ವಾದ. ಆದರೆ, ಇದು ಇಷ್ಟಕ್ಕೆ ಮುಗಿಯಲಿಲ್ಲ.
ಸಿಧ್ ಜಿಲ್ಲೆಯವನಾದ ಕೃಷ್ಣ ಕುಮಾ ದುಬೆ ಕಳೆದ ಅಕ್ಟೋಬರ್ನಲ್ಲಿ ಕೆಲಸ ಅರಸಿಕೊಂಡು ಭೋಪಾಲ್ಗೆ ಬಂದಿದ್ದ. ಸೆಕ್ಯುರಿಟಿ ಕೆಲಸ ಮಾಡಿಕೊಂಡು ಭೀಮ್ನಗರದಲ್ಲಿ ನೆಲೆಸಿದ್ದ. ಆದರೆ, ಕೋವಿಡ್ ಕಾರಣದಿಂದಾಗಿ ಕಳೆದೆರಡು ತಿಂಗಳಿನಿಂದ ಕೆಲಸ ಕಳೆದುಕೊಂಡಿದ್ದ.
ನನ್ನ ಸ್ನೇಹಿತನ ಬಳಿ ಖರ್ಚಿಗೆಂದು 1,000 ರೂ. ಸಾಲ ಪಡೆದಿದ್ದೆ. ಅದರಲ್ಲೇ ಎರಡು ಮೀಟರ್ ಬಟ್ಟೆ ಖರೀದಿಸಿ ಚಡ್ಡಿ ಹೊಲಿಯೋಕೆ ಕೊಟ್ಟಿದ್ದೆ. ಇದಕ್ಕಾಗಿ ಟೇಲರ್ 190 ರೂ. ಪಡೆದಿದ್ದ. ಆತ ಹೊಲಿದು ಕೊಟ್ಟ ಚಡ್ಡಿ ಧರಿಸಿದಾಗ ತುಂಬಾ ಚಿಕ್ಕದಾಗಿರುವುದು ಗೊತ್ತಾಯಿತು. ಇದನ್ನು ಪ್ರಶ್ನಿಸಿದ್ದಕ್ಕೆ ನೀನು ಕೊಟ್ಟ ಬಟ್ಟೆಯಲ್ಲಿ ಅಷ್ಟೇ ಉದ್ದ ಹೊಲಿಯೋಕಾಗಿದ್ದು ಎಂದು ಹೇಳುತ್ತಿದ್ದಾನೆ ಎನ್ನುವುದು ದುಬೆ ದೂರು.
ಇದನ್ನೂ ಓದಿ; ನದಿ ನೀರಲ್ಲಿ ಬರಿಗೈಯಿಂದಲೇ ಗುದ್ದಿ ಮೊಸಳೆ ಹಿಮ್ಮೆಟ್ಟಿಸಿದ ಧೀರ….!
ಬಟ್ಟೆ ಅಂಗಡಿಯವರಲ್ಲಿ ಕೇಳಿದರೆ, ಎರಡು ಮೀಟರ್ ಬಟ್ಟೆ ಕೊಟ್ಟಿದ್ದೆ ಎಂದು ಅವರು ಹೇಳುತ್ತಾರೆ. ಹಾಗಿದ್ದರೂ ಇಷ್ಟು ಚಿಕ್ಕ ಚಡ್ಡಿ ಹೊಲಿದಿದ್ದಾನೆ ಎನ್ನುವುದು ದುಬೆ ವಾದ. ಹೀಗಾಗಿ ಆತ ನೇರವಾಗಿ ಹಬೀಬ್ಗಂಜ್ ಪೊಲೀಸರಿಗೆ ದೂರು ಕೊಟ್ಟಿದ್ದಾನೆ.
ಆದರೆ, ಇದು ನಮ್ಮ ವ್ಯಾಪ್ತಿಗೆ ಬರಲ್ಲ, ಕೋರ್ಟ್ನಲ್ಲಿ ಬಗೆಹರಿಸಿಕೋ ಎಂದು ಪೊಲೀಸರು ಆತನನ್ನು ಸಾಗಹಾಕಿದ್ದಾರೆ. ಒಟ್ಟಿನಲ್ಲಿ ಚಡ್ಡಿ ವ್ಯಾಜ್ಯ ಕೋರ್ಟ್ ಮೆಟ್ಟಿಲು ಹತ್ತುವಂತಾಗಿದೆ. ಈ ನಡುವೆ, ಆತ ಕೊಟ್ಟ ಹಣ ಮರಳಿಸಲು ಸಿದ್ಧನಿದ್ದೇನೆ ಎಂದು ಟೇಲರ್ ಹೇಳಿದ್ದಾನೆ.
ವರ್ಷಾನುಗಟ್ಟಲೇ ಸಿಗಲಿದೆ ಕೋವಿಡ್ನಿಂದ ರಕ್ಷಣೆ; ಆಕ್ಸ್ಫರ್ಡ್ ಲಸಿಕೆ ಹುಟ್ಟಿಸಿದೆ ಹೊಸ ಭರವಸೆ