ಮುಂಬೈ: ಐಐಟಿ ಬಾಂಬೆ ಸಹಯೋಗದಲ್ಲಿ ‘ಭಾರತ್ ಜಿಪಿಟಿ’ ರೂಪಿಸಲಾಗುತ್ತಿದೆ ಎಂದು ರಿಲಯನ್ಸ್ ಜಿಯೋ ಇನ್ಫೋಕಾಮ್ ಅಧ್ಯಕ್ಷ ಆಕಾಶ್ ಅಂಬಾನಿ ಹೇಳಿದ್ದಾರೆ.
ಪ್ರಸ್ತುತ ನಾವು ದೊಡ್ಡ ಮಟ್ಟದ ಭಾಷಾ ಮಾದರಿಗಳು ಮತ್ತು ಜನರೇಟಿವ್ ಎಐ ಬಗ್ಗೆ ಕೆಲಸ ಮಾಡಿದ್ದೇವೆ. ಮುಂದಿನ ದಶಕವನ್ನು ಈ ಅಪ್ಲಿಕೇಶನ್ಗಳು ನಿರ್ಧರಿಸಲಿವೆ. ಕೃತಕ ಬುದ್ಧಿಮತ್ತೆಯು ಪ್ರತಿಯೊಂದು ಕ್ಷೇತ್ರಗಳನ್ನು ಪರಿವರ್ತಿಸುತ್ತದೆ. ಮಾಧ್ಯಮ ಕ್ಷೇತ್ರ, ವಾಣಿಜ್ಯ, ಸಂವಹನ ಮತ್ತು ಸಾಧನಗಳಲ್ಲಿ ಎಐ ಉತ್ಪನ್ನ ಮತ್ತು ಸೇವೆಗಳನ್ನು ಪ್ರಾರಂಭಿಸಲಿದೆ ಎಂದು ಅವರು ಹೇಳಿದರು.
ಕಂಪನಿಯು 5ಜಿ ಖಾಸಗಿ ನೆಟ್ವರ್ಕ್ಗಳನ್ನು ನೀಡಲು ಉತ್ಸುಕವಾಗಿದೆ. ಮುಂದಿನ ದಶಕದಲ್ಲಿ ಭಾರತ ಅತಿದೊಡ್ಡ ನಾವೀನ್ಯತೆ ಕೇಂದ್ರವಾಗಲಿದೆ. ದಶಕದ ಅಂತ್ಯದ ವೇಳೆಗೆ ದೇಶವು 6 ಟ್ರಿಲಿಯನ್ ಡಾಲರ್ ಆರ್ಥಿಕತೆಯನ್ನು ಸಾಧಿಸಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.