ಬೆಂಗಳೂರು: ರಾಜಧಾನಿಯಲ್ಲಿ ಸಂಚಾರಿ ಪೊಲೀಸರಿಂದ ದಂಡ ಸಂಗ್ರಹ ಕಾರ್ಯಾಚರಣೆ ಮುಂದುವರಿದಿದ್ದು, ಇದರ ನಡುವೆಯೇ ಪೊಲೀಸರು ಮತ್ತು ಸವಾರರು ನಡುವಿನ ಗಲಾಟೆ ಪ್ರಕರಣಗಳು ವರದಿಯಾಗುತ್ತಲೇ ಇವೆ.
ಇಂದು ವಿಜಯನಗರ ಠಾಣಾ ವ್ಯಾಪ್ತಿಯಲ್ಲಿ ಇಂಥದ್ದೇ ಘಟನೆ ನಡೆದಿದ್ದು, ಬೈಕ್ ಸವಾರ ಯಶ್ವಂತ್ ಎಂಬುವನ ಜತೆ ಎಎಸ್ಐ ಚಂದ್ರಶೇಖರ್ ವಾಗ್ವಾದಕ್ಕೆ ಇಳಿದಿದ್ದರು. ಈ ವೇಳೆ ಎಎಸ್ಐ ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಇದನ್ನೂ ಓದಿ: ಮನೆಗೆ ಹೊರಟಿದ್ದ ಗಂಡ-ಹೆಂಡ್ತಿ, 5 ತಿಂಗಳ ಹಸುಗೂಸು ಮಾರ್ಗಮಧ್ಯೆ ಹೆಣವಾದರು!
ಯಶ್ವಂತ್ ಆಕ್ಟಿವ್ ಬೈಕ್ ಮೇಲೆ ಮೂರು ಟ್ರಾಫಿಕ್ ರೂಲ್ಸ್ ಉಲ್ಲಂಘನೆ ಕೇಸ್ ಇತ್ತು. ಗಾಡಿ ಹಿಡಿದು 1500 ರೂಪಾಯಿ ದಂಡ ಕಟ್ಟುವಂತೆ ಎಎಸ್ಐ ಒತ್ತಾಯ ಮಾಡಿದ್ದರು. ಈ ವೇಳೆ ಮಾತಿಗೆ ಮಾತು ಬೆಳೆದು ಪೊಲೀಸರು ಹಾಗೂ ಬೈಕ್ ಸವಾರ ನಡುವೆ ಗಲಾಟೆ ನಡೆದಿದೆ.
ಬೈಕ್ ಸವಾರನ ಮೇಲೆ ಸ್ಥಳದಲ್ಲಿದ್ದ ಪೊಲೀಸ್ ಹಾಗೂ ಸಾರ್ವಜನಿಕರು ಹಲ್ಲೆ ಮಾಡಿದ್ದಾರೆನ್ನಲಾಗಿದೆ. ಇದೇ ವೇಳೆ ಯಶ್ವಂತ್ ಬೈಕ್ ಸಮೇತ ಪರಾರಿಯಾಗಿದ್ದು, ಈ ಬಗ್ಗೆ ವಿಜಯನಗರ ಠಾಣೆಗೆ ಎಎಸ್ಐ ದೂರು ನೀಡಿದ್ದಾರೆ. ಕರ್ತವ್ಯಕ್ಕೆ ಅಡ್ಡಿ ಪಡಿಸಿದ ಆರೋಪದ ಮೇಲೆ ಪ್ರಕರಣ ದಾಖಲಿಸಲಾಗಿದೆ. (ದಿಗ್ವಿಜಯ ನ್ಯೂಸ್)
1 ಕೋಟಿ ರೂ. ವಂಚನೆ: ಮಾಜಿ ಸಚಿವರ ಮೊಮ್ಮಗಳ ವಿರುದ್ಧ ಪ್ರಕರಣ ದಾಖಲು..!