ಬೆಂಗಳೂರು: ಅನ್ನ ತಯಾರಿಸುವಾಗ ಅನ್ನ ಕುದಿಸಿದ ನೀರನ್ನು ನೀವು ಚೆಲ್ಲುತ್ತೀರಾ? ಆ ನೀರಿನಲ್ಲಿ ಎಷ್ಟೆಲ್ಲಾ ಆರೋಗ್ಯಕಾರಿ ಪ್ರಯೋಜನಗಳಿವೆ ಅನ್ನೋದು ನಿಮಗೆ ಗೊತ್ತಾ?. ಈ ವಿಚಾರಗಳು ನಿಮಗೆ ಗೊತ್ತಾದರೆ ಎಂದಿಗೂ ಇನ್ಯಾವತ್ತು ಅನ್ನ ಬಸಿದ ನಂತರ ಗಂಜಿಯನ್ನು ಎಂದಿಗೂ ಎಸೆಯುವುದಿಲ್ಲ.
ಒಂದು ಕಪ್‌ ಅಕ್ಕಿಯನ್ನು ತೆಗೆದು ಒಮ್ಮೆ ತೊಳೆದು ನಂತರ ಆ ಅಕ್ಕಿಗೆ ಸ್ವಲ್ಪ ನೀರು ಹಾಕಿ 4 ರಿಂದ 6 ಗಂಟೆಗಳ ಕಾಲ ನೆನೆಸಿಡಿ.ಆ ನಂತರ ಅದಕ್ಕೆ ಮತ್ತಷ್ಟು ನೀರು ಸೇರಿಸಿ 2 ರಿಂದ 3 ನಿಮಿಷ ಅದನ್ನು ಕುದಿಸಿ. ಆ ನಂತರ ಆ ನೀರನ್ನು ಬಸಿಯಿರಿ. ಆ ನೀರನ್ನು ನೀವು ದಿನವಿಡೀ ಕುಡಿಯುತ್ತಾ ಇರಬಹುದು.
ಗಂಜಿ ನೀರು ದೇಹದ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಉತ್ತಮ ಶಕ್ತಿಯ ಮೂಲ, ಗಂಜಿ ನೀರು ಬೇಸಿಗೆಯ ನಿರ್ಜಲೀಕರಣವನ್ನು ತಡೆಯಲು ಸಹಾಯ ಮಾಡುತ್ತದೆ ಎಂದು ನಾವು ಕೇಳಿದ್ದೇವೆ
ಗಂಜಿ ಪಿಷ್ಟವನ್ನು ಹೊಂದಿರುತ್ತದೆ. ಇದು ಜೀರ್ಣಕಾರಿ ಸಮಸ್ಯೆಗಳನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ. ನೀವು ಅತಿಸಾರ, ಹೊಟ್ಟೆ ನೋವು ಅಥವಾ ಮಲಬದ್ಧತೆಯನ್ನು ಅನುಭವಿಸಿದರೆ, ಸ್ವಲ್ಪ ಗಂಜಿ ನೀರನ್ನು ಕುಡಿಯುವುದು ಒಳ್ಳೆಯದು.
ಗಂಜಿ ನೀರು ಹೆಚ್ಚುವರಿ ತೂಕವನ್ನು ಕಡಿಮೆ ಮಾಡಲು ಸಹ ಸಹಾಯ ಮಾಡುತ್ತದೆ. ನೀವು ತೂಕ ಇಳಿಸಿಕೊಳ್ಳಲು ಬಯಸಿದಾಗ ಹೈಡ್ರೇಟೆಡ್ ಆಗಿರುವುದು ಬಹಳ ಮುಖ್ಯ. ಗಂಜಿ ನೀರು ನಿಮ್ಮ ದೇಹವನ್ನು ತೇವಾಂಶದಿಂದ ಇಡಲು ಸಹಾಯ ಮಾಡುತ್ತದೆ.
ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಗಂಜಿ ನೀರನ್ನು ಕುಡಿಯುವುದು ಸಹ ಪ್ರಯೋಜನಕಾರಿಯಾಗಿದೆ. ಗಂಜಿ ನೀರಿನಲ್ಲಿ ಬಹಳಷ್ಟು ಅಮೈನೋ ಆಮ್ಲಗಳಿವೆ. ಇದು ದೇಹದ ಸ್ನಾಯುಗಳ ಆರೋಗ್ಯಕ್ಕೆ ಒಳ್ಳೆಯದು.
ವಿಟಮಿನ್‌ಗಳು ಮತ್ತು ಇತರ ಆ್ಯಂಟಿಆಕ್ಸಿಡೆಂಟ್‌ಗಳನ್ನು ಹೊಂದಿರುವ ಗಂಜಿ ನೀರು ಚರ್ಮದ ಆರೋಗ್ಯಕ್ಕೂ ಒಳ್ಳೆಯದು.
ಗಂಜಿ ನೀರಿನಿಂದ ನಿಮ್ಮ ಮುಖವನ್ನು ತೊಳೆಯುವುದು ಮುಚ್ಚಿಹೋಗಿರುವ ರಂಧ್ರಗಳನ್ನು ತೆರೆಯಲು ಮತ್ತು ಮೊಡವೆಗಳನ್ನು ತಡೆಯಲು ಸಹಾಯ ಮಾಡುತ್ತದೆ. ಇದು ಮುಖದ ಮೇಲಿನ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ ಮತ್ತು ಚರ್ಮವನ್ನು ಹೊಳಪು ಮತ್ತು ಮೃದುವಾಗಿಸುತ್ತದೆ.
ಗಂಜಿ ನೀರು ಕೂದಲು ಉದುರುವಿಕೆಯನ್ನು ತಡೆಯಲು ಮತ್ತು ಕೂದಲಿನ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
ಸರ್ವರೋಗಕ್ಕೂ ಮದ್ದು ಹಾವಿನ ರಕ್ತ; ಈ ಜನ ಗಟಗಟನೆ ರಕ್ತ ಕುಡಿಯುತ್ತಾರೆ….!