ಬಾಗಲಕೋಟೆ: ಬಾಗಲಕೋಟೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲೋಕೇಶ್ ಜಗಲಾಸರ್ ಅವರು ಒಡಿಶಾ ಮೂಲದ ಪೊಲೀಸ್ ವರಿಷ್ಠಾಧಿಕಾರಿ ಪದ್ಮಿನಿ ಅವರೊಂದಿಗೆ ಸಪ್ತಪದಿ ತುಳಿಯುವ ಮೂಲಕ ಸರ್ಕಾರಿ ಸೇವೆಗೆ ಒಟ್ಟಿಗೆ ಹೆಜ್ಜೆ ಇಟ್ಟಿದ್ದ ಐಪಿಎಸ್ ಜೋಡಿ ಇದೀಗ ವೈವಾಹಿಕ ಜೀವನಕ್ಕೂ ಜತೆಯಾಗಿಯೇ ಕಾಲಿಟ್ಟಿದ್ದಾರೆ
ಲೋಕೇಶ್ ಮೂಲತಃ ಕುಂದಾನಗರಿಯವರು. ಪದ್ಮಿನಿ ಕಳಿಂಗ ನಾಡಿನ(ಓಡಿಸ್ಸಾ) ಕುವರಿಯಾಗಿದ್ದು, ಬರ್ಗಾರ್ ಜಿಲ್ಲಾ ಎಸ್ಪಿ ಆಗಿದ್ದಾರೆ. ಲೋಕೇಶ್ ಹಾಗೂ ಪದ್ಮಿನಿ ಇಬ್ಬರೂ 2015ರ ಐಪಿಎಸ್ ಬ್ಯಾಚ್ ಮೇಟ್. ಲೋಕೇಶ್ ಕರ್ನಾಟಕ ಕೇಡರ್ಗೆ ಆಯ್ಕೆಯಾದರೆ, ಪದ್ಮಿನಿ ಓಡಿಸಾ ಕೇಡರ್ಗೆ ಆಯ್ಕೆಯಾದರು. ಆದರೆ, ಆಗಲೇ ಇವರಿಬ್ಬರ ನಡುವೆ ಪ್ರೇಮಾಂಕುರವಾಗಿತ್ತು. ಇದೀಗ ಐಪಿಎಸ್ ಅಧಿಕಾರಿಗಳು ಪ್ರೀತಿಯ ಬಂಧದಿಂದ ಮದುವೆಯ ಬಂಧಕ್ಕೆ ಒಳಗಾಗಿದ್ದಾರೆ.
ಇಂದು ಓಡಿಸ್ಸಾದ ಭುವನೇಶ್ವರಿಯಲ್ಲಿ ಐಪಿಎಸ್ ಜೋಡಿ ಸಪ್ತಪದಿ ತುಳಿದಿದೆ. ಫೆ. 20ರಂದು ಬೆಂಗಳೂರಿನ ಜಯನಗರದ ಪೂರ್ಣಿಮಾ ಕನ್ವೆನ್ಷನ್ ಸೆಂಟರ್ನಲ್ಲಿ ರಿಸೆಪ್ಷನ್ ನಡೆಯಲಿದೆ. (ದಿಗ್ವಿಜಯ ನ್ಯೂಸ್)