ಧಾನ್ಯದಲ್ಲಿ ತಯಾರಾಯ್ತು ಆಜಾದಿ ಕಾ ಅಮೃತ ಮಹೋತ್ಸವ ಲೋಗೋ

ಹಾವೇರಿ; ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಅಂಗವಾಗಿ ಹಾವೇರಿ ಚಿನ್ನ, ಬೆಳ್ಳಿ ವ್ಯಾಪಾರಿ, ಹವ್ಯಾಸಿ ಕಲಾವಿದ ಗಣೇಶ ವೆಂಕಟೇಶ ರಾಯ್ಕರ ಸಿರಿಧಾನ್ಯದಲ್ಲಿ ರಚಿಸಿದ 75ನೇ ಆಜಾದಿ ಕಾ ಅಮೃತ ಮಹೋತ್ಸವ ಲೋಗೋವನ್ನು ಜಿಲ್ಲಾ ಕ್ರೀಡಾಂಗಣದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಮ ಹೆಬ್ಬಾರ ಬಿಡುಗಡೆ ಮಾಡಿದರು.
ಈ ಲೋಗೋವನ್ನು 1,219 ರಾಗಿ, 385 ನವಣಕ್ಕಿ, 39 ಆರ್ಕ ಹಾಗೂ ಉಲ್ಲನ್ ಬಳಸಿ ತಯಾರಿಸಲಾಗಿದೆ. ಸಂಸದ ಶಿವಕುಮಾರ ಉದಾಸಿ, ಶಾಸಕ ನೆಹರು ಓಲೇಕಾರ, ನಗರಸಭೆ ಅಧ್ಯಕ್ಷ ಸಂಜೀವಕುಮಾರ ನೀರಲಗಿ ಅನಾವರಣಗೊಳಿಸಿದರು.