ಮುಂಬೈ: ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅಭಿನಯದ ‘ಬ್ರಹ್ಮಾಸ್ತ್ರ’ ಬಿಡುಗಡೆ ಆದಾಗಿನಿಂದಲೂ ಕೇಳಿ ಬರುತ್ತಿದ್ದ ಒಂದು ಪ್ರಮುಖ ಪ್ರಶ್ನೆಯೆಂದರೆ, ಆ ಚಿತ್ರದ ಮುಂದುವರೆದ ಭಾಗಗಳ ಬಿಡುಗಡೆ ಯಾವಾಗ ಎಂದು? ಆದರೆ, ನಿರ್ದೇಶಕ ಅಯಾನ್ ಮುಖರ್ಜಿಯಾಗಲೀ, ನಿರ್ಮಾಪಕ ಕರಣ್ ಜೋಹರ್ ಆಗಲೀ ಆ ಚಿತ್ರಗಳ ಬಗ್ಗೆ ಯಾವೊಂದು ಮಾಹಿತಿಯನ್ನೂ ಬಿಟ್ಟುಕೊಟ್ಟಿರಲಿಲ್ಲ.
ಇದನ್ನೂ ಓದಿ: VIDEO: ನಟಿ ನಯನತಾರಾ ಮಕ್ಕಳ ಪೂರ್ಣ ಹೆಸರೇನು ಗೊತ್ತಾ?
ಈಗ ಕೊನೆಗೂ ‘ಬ್ರಹ್ಮಾಸ್ತ್ರ’ದ ಮುಂದುವರೆದ ಭಾಗಗಳ ಬಗ್ಗೆ ಸ್ಪಷ್ಟತೆ ಸಿಕ್ಕಿದ್ದು, ಎರಡನೇ ಭಾಗ 2026ರ ಕೊನೆಯಲ್ಲಿ ಬಿಡುಗಡೆಯಾದರೆ, ಮೂರನೇ ಭಾಗವು 2027ನೇ ಡಿಸೆಂಬರ್ನಲ್ಲಿ ಬಿಡುಗಡೆಯಾಗಲಿದೆಯಂತೆ. ಅಷ್ಟೇ ಅಲ್ಲ, ಈ ಎರಡೂ ಭಾಗಗಳನ್ನು ಒಟ್ಟಿಗೇ ಚಿತ್ರೀಕರಣ ಮಾಡಿ, ಒಂದು ವರ್ಷದ ಗ್ಯಾಪ್ನಲ್ಲಿ ಬಿಡುಗಡೆ ಮಾಡುವುದಾಗಿ ನಿರ್ದೇಶಕ ಅಯಾನ್ ಮುಖರ್ಜಿ ಹೇಳಿಕೊಂಡಿದ್ದಾರೆ.
ಈ ಕುರಿತು ಇನ್ಸ್ಟಾಗ್ರಾಂನಲ್ಲಿ ಮಾಹಿತಿ ಹಂಚಿಕೊಂಡಿರುವ ಅಯಾನ್, ”ಬ್ರಹ್ಮಾಸ್ತ್ರ’ ಚಿತ್ರದ ಮುಂದುವರೆದ ಭಾಗಗಳ ಅಪಡೇಟ್ಸ್ ಕೊಡಿ ಎಂದು ಎಲ್ಲರೂ ಕೇಳುತ್ತಲೇ ಇದ್ದರು. ಆದರೆ, ಅದಕ್ಕೆ ಸಮಯ ಬಂದಿರಲಿಲ್ಲ. ಈಗ ಕೊನೆಗೂ ಸಮಯ ಬಂದಿದ್ದು, ಎರಡನೆಯ ಭಾಗ 2026ಕ್ಕೆ ಮತ್ತು ಮೂರನೆಯ ಭಾಗವು 2027ರಲ್ಲಿ ಬಿಡುಗಡೆಯಾಗಲಿದೆ. ಈ ಎರಡೂ ಭಾಗಗಳು ‘ಬ್ರಹ್ಮಾಸ್ತ್ರ’ಕ್ಕಿಂತ ಬಹಳ ದೊಡ್ಡದಾಗಿ ಮೂಡಿಬರಲಿದ್ದು, ಈ ಚಿತ್ರದ ಸ್ಕ್ರಿಪ್ಟ್ ಕೆಲಸಗಳಿಗೆ ಸಾಕಷ್ಟು ಸಮಯ ಹಿಡಿಯಲಿದೆ. ಎರಡೂ ಭಾಗಗಳ ಕಥೆ-ಚಿತ್ರಕಥೆಯನ್ನು ಒಟ್ಟಿಗೆ ಸಿದ್ಧಪಡಿಸಿಟ್ಟುಕೊಂಡು, ಒಟ್ಟಿಗೇ ಚಿತ್ರೀಕರಣ ಮಾಡುವ ಯೋಚನೆ ಇದೆ’ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಮಾಯಾವಿ ಯಾರು? ‘ಶಿವಾಜಿ ಸುರತ್ಕಲ್ 2’ ಟ್ರೇಲರ್ ಬಿಡುಗಡೆ …
ಇವೆರಡೂ ಚಿತ್ರಗಳಿಗಿಂಥ ಮುನ್ನ ಅವರು ಇನ್ನೂ ಒಂದು ಬೇರೆ ಚಿತ್ರವನ್ನು ನಿರ್ದೇಶಿಸಲಿದ್ದಾರಂತೆ. ಆ ಚಿತ್ರ ಯಾವುದು ಎಂದು ಅವರು ಹೇಳಿಕೊಳ್ಳದಿದ್ದರೂ, ಮೂಲಗಳ ಪ್ರಕಾರ ಹೃತಿಕ್ ರೋಶನ್ ಅಭಿನಯದ ‘ವಾರ್ 2’ ಚಿತ್ರವನ್ನು ಅಯಾನ್ ನಿರ್ದೇಶನ ಮಾಡಲಿದ್ದಾರಂತೆ. ಇದಕ್ಕೂ ಮುನ್ನ, ‘ವಾರ್’ ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶನ ಮಾಡಿದ್ದರು. ಎರಡನೆಯ ಭಾಗವನ್ನೂ ಅವರೇ ನಿರ್ದೇಶನ ಮಾಡಲಿದ್ದಾರೆ ಎಂಬ ಸುದ್ದಿ ಇತ್ತು. ಆದರೆ, ಸಿದ್ಧಾರ್ಥ್ ಇದೀಗ ಹೃತಿಕ್ ರೋಶನ್ ಅಭಿನಯದಲ್ಲಿ ‘ಫೈಟರ್’ ಎಂಬ ಇನ್ನೊಂದು ಚಿತ್ರವನ್ನು ನಿರ್ದೇಶಿಸುತ್ತಿರುವ ಕಾರಣ, ‘ವಾರ್ 2’ ಚಿತ್ರದ ಜವಾಬ್ದಾರಿಯನ್ನು ಅಯಾನ್ಗೆ ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ.
ಬಾಯ್‌ಫ್ರೆಂಡ್ ಜತೆ ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಬಂದ ನಟಿ ಜಾನ್ವಿ ಕಪೂರ್!