ಮುಂಬೈ: ಕಳೆದ ಕೆಲವು ದಿನಗಳಲ್ಲಿ ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆಯಲ್ಲಿ ಭಾರಿ ಏರಿಕೆಯಾಗಿದೆ. ಆಟೋಮೊಬೈಲ್ ಕಂಪನಿ ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳು ಗುರುವಾರ ಶೇ. 10ರಷ್ಟು ಏರಿಕೆಯಾಗಿ 38.19 ರೂ. ತಲುಪಿದವು. ಕಂಪನಿಯ ಷೇರುಗಳ ಬೆಲೆ ಸತತ ಮೂರನೇ ದಿನವೂ ಅಪ್ಪರ್ ಸರ್ಕ್ಯೂಟ್‌ ಹಿಟ್ ಆಗಿದೆ. ಈ ಹಿಂದೆ ಜನಪ್ರಿಯವಾಗಿದ್ದ ಅಂಬಾಸಿಡರ್ ಕಾರನ್ನು ತಯಾರಿಸುತ್ತಿದ್ದ ಕಂಪನಿ ಇದಾಗಿದೆ.
ಈ ಮೂಲಕ ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆ ಗುರುವಾರ 52 ವಾರಗಳ ಹೊಸ ಗರಿಷ್ಠ ಮಟ್ಟವನ್ನು ಮುಟ್ಟಿತು. ಕಂಪನಿಯ ಷೇರುಗಳ 52 ವಾರಗಳ ಕನಿಷ್ಠ ಬೆಲೆ 12.92 ರೂ. ಇದೆ. ಈ ಷೇರಿನ ಸಾರ್ವಕಾಲಿಕ ಗರಿಷ್ಠ ಬೆಲೆ ರೂ 95 ಹಾಗೂ ಕನಿಷ್ಠ ರೂ. 2.50 ಇದೆ.
ಕಳೆದ 11 ವಹಿವಾಟು ದಿನಗಳಲ್ಲಿ ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆ 110% ಕ್ಕಿಂತ ಹೆಚ್ಚು ಏರಿಕೆಯಾಗಿದೆ. ಅಂದರೆ, ಕಂಪನಿಯ ಷೇರುಗಳು ಕೇವಲ 11 ದಿನಗಳಲ್ಲಿ ಹೂಡಿಕೆದಾರರ ಹಣವನ್ನು ದ್ವಿಗುಣಗೊಳಿಸಿವೆ.
ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆ ಏಪ್ರಿಲ್ 15, 2024 ರಂದು 18.06 ರೂ. ಇತ್ತು. ಈ ಷೇರುಗಳ ಬೆಲೆ 2 ಮೇ 2024 ರಂದು ರೂ 38.19 ಕ್ಕೆ ತಲುಪಿದೆ. ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳು ಕಳೆದ 11 ವಹಿವಾಟು ಅವಧಿಗಳಲ್ಲಿ ಶೇಕಡಾ 111 ಕ್ಕಿಂತ ಹೆಚ್ಚಿನ ಏರಿಕೆಯನ್ನು ಕಂಡಿದೆ. ಕಳೆದ 5 ದಿನಗಳಲ್ಲಿ ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆ 26% ಕ್ಕಿಂತ ಹೆಚ್ಚು ಏರಿಕೆ ಕಂಡಿದೆ. ಈ ಅವಧಿಯಲ್ಲಿ ಕಂಪನಿಯ ಷೇರುಗಳ ಬೆಲೆ ರೂ. 30.29ರಿಂದ ರೂ. 38ಕ್ಕೆ ಏರಿಕೆಯಾಗಿದೆ. ಹಿಂದುಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆ ಕಳೆದ ಒಂದು ತಿಂಗಳಲ್ಲಿ ಶೇ. 97ಕ್ಕೂ ಹೆಚ್ಚು ಏರಿಕೆಯಾಗಿದೆ.
ಕಳೆದ 4 ವರ್ಷಗಳಲ್ಲಿ ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳಲ್ಲಿ ಭಾರಿ ಏರಿಕೆಯಾಗಿದೆ. ಕಳೆದ 4 ವರ್ಷಗಳಲ್ಲಿ ಕಂಪನಿಯ ಷೇರುಗಳ ಬೆಲೆ 1168% ಏರಿಕೆಯಾಗಿದೆ. ಹಿಂದೂಸ್ತಾನ್ ಮೋಟಾರ್ಸ್ ಷೇರುಗಳ ಬೆಲೆ 27 ಮಾರ್ಚ್ 2020 ರಂದು 3.01 ರೂ. ಇತ್ತು. ಈಗ ರೂ. 38.19 ಕ್ಕೆ ತಲುಪಿದೆ. ಕಳೆದ ಒಂದು ವರ್ಷದಲ್ಲಿ, ಈ ಷೇರುಗಳ ಬೆಲೆ 143% ರಷ್ಟು ಹೆಚ್ಚಾಗಿದೆ. ಕಳೆದ 6 ತಿಂಗಳಲ್ಲಿ ಕಂಪನಿಯ ಷೇರುಗಳ ಬೆಲೆ 141% ಹೆಚ್ಚಾಗಿದೆ. ಹಿಂದೂಸ್ತಾನ್ ಮೋಟಾರ್ಸ್ ನ ಮಾರುಕಟ್ಟೆ ಮೌಲ್ಯ ಅಂದಾಜು 797 ಕೋಟಿ ರೂ. ಇದೆ.