ಅಲಿಘಡ್: ಕೊವಿಡ್-19 ಸೋಂಕಿತಳ ಮೇಲೆ ವೈದ್ಯನೋರ್ವ ಎರಡು ಬಾರಿ ಅತ್ಯಾಚಾರಕ್ಕೆ ಪ್ರಯತ್ನಿಸಿದ್ದಾರೆ. ಇಂಥದ್ದೊಂದು ನಾಚಿಕೆಗೇಡಿನ ಘಟನೆ ನಡೆದಿದ್ದು ಉತ್ತರ ಪ್ರದೇಶದ ಅಲಿಘಡ್ ಆಸ್ಪತ್ರೆಯಲ್ಲಿ.
28 ವರ್ಷದ ಯುವತಿಯೋರ್ವಳು ಕರೊನಾ ಸೋಂಕು ತಗುಲಿದ ಹಿನ್ನೆಲೆಯಲ್ಲಿ ಚಿಕಿತ್ಸೆಗಾಗಿ ಅಲಿಘಡ್ನಲ್ಲಿರುವ ಡಿಡಿಯು ಆಸ್ಪತ್ರೆಗೆ ಅಡ್ಮಿಟ್ ಆಗಿದ್ದಳು.
ಕರ್ತವ್ಯದಲ್ಲಿ ಇಲ್ಲದ ವೈದ್ಯನೋರ್ವ ರಾತ್ರಿ ಎರಡು ಬಾರಿ ಆಕೆಯಿದ್ದ ವಾರ್ಡ್ಗೆ ಹೋಗಿ ಅತ್ಯಾಚಾರ ಎಸಗಲು ಪ್ರಯತ್ನಿಸಿದ್ದಾನೆ. ಈ ಬಗ್ಗೆ ಯುವತಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಯುವತಿಯ ದೂರಿನ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಘಟನೆಯ ಬಗ್ಗೆ ನಮಗೂ ಗೊತ್ತಾಗಿದೆ. ಯುವತಿ ನಮಗೂ ದೂರು ನೀಡಿದ್ದಾಳೆ. ಈಕೆ ಅಲಿಘಡ್ನ ನಿವಾಸಿ. ಪೊಲೀಸರು ತನಿಖೆ ಪ್ರಾರಂಭಿಸಿದ್ದಾರೆ ಎಂದು ಡಿಡಿಯು ಆಸ್ಪತ್ರೆಯ ಮುಖ್ಯ ವೈದ್ಯ ಡಾ. ಎ.ಬಿ.ಸಿಂಗ್ ತಿಳಿಸಿದ್ದಾರೆ. ಇದನ್ನೂ ಓದಿ: 1 ರೂ.ಪಾವತಿಸಿ, ಲಿಖಿತವಾಗಿ ಕ್ಷಮೆ ಕೇಳಬೇಕು, ಇಲ್ಲದಿದ್ದರೆ ಕಾನೂನು ಕ್ರಮ ನಿಶ್ಚಿತ: ಸಚಿನ್ ಪೈಲಟ್
ಕೊವಿಡ್-19 ಸೋಂಕಿತ ಯುವತಿ ಮೇಲೆ ಲೈಂಗಿಕ ದೌರ್ಜನ್ಯ ಮತ್ತು ರೇಪ್ ಪ್ರಯತ್ನ ನಡೆದಿರುವುದು ಸತ್ಯ. ಪೊಲೀಸರು ವೈದ್ಯನನ್ನು ಬಂಧಿಸಿದ್ದಾರೆ. ಎಫ್ಐಆರ್ ದಾಖಲಾಗಿದೆ ಎಂದು ಅಲಿಘಡ್ ಜಿಲ್ಲಾಧಿಕಾರಿ ಚಂದ್ರ ಭೂಷಣ್ ಸಿಂಗ್ ಹೇಳಿದ್ದಾರೆ. (ಏಜೆನ್ಸೀಸ್)
ವಿಚ್ಛೇದಿತಳಾಗಿ ತವರಿಗೆ ಬಂದಿದ್ದ ಸೋದರಿಯನ್ನು ಬರ್ಬರವಾಗಿ ಕೊಂದ ನಾಲ್ವರು ಸೋದರರು…