ಮುಂಬೈ: ಮುಂಬೈನ ಕ್ರೂಸ್ ಶಿಪ್ ಡ್ರಗ್ಸ್ ಕೇಸಿನಲ್ಲಿ ಆರೋಪಿಯಾಗಿ ಜೈಲಿನಲ್ಲಿರುವ ಬಾಲಿವುಡ್ ನಟ ಶಾರುಖ್ ಖಾನ್ ಪುತ್ರ ಆರ್ಯನ್ ಖಾನ್ರ ಜಾಮೀನಿಗೆ ಸಂಬಂಧಿಸಿದಂತೆ ಇಂದು ಬಾಂಬೆ ಹೈಕೋರ್ಟ್ನಲ್ಲಿ ವಿಚಾರಣೆ ನಡೆಯಲಿದೆ. ಹೈಕೋರ್ಟಿನಲ್ಲಿ ಆರ್ಯನ್ ಪರವಾಗಿ ಭಾರತದ ಮಾಜಿ ಅಟೋರ್ನಿ ಜನರಲ್ ಮುಕುಲ್ ರೋಹಟಗಿ ವಾದ ಮಂಡಿಸಲಿದ್ದಾರೆ.
ಸುಪ್ರೀಂ ಕೋರ್ಟ್ನ ಹಿರಿಯ ವಕೀಲರಾಗಿರುವ ಮುಕುಲ್ ರೋಹಟಗಿ, 2014 ರಿಂದ 2017 ರವರೆಗೆ ಭಾರತದ ಅಟೋರ್ನಿ ಜನರಲ್ ಆಗಿ ಕಾರ್ಯನಿರ್ವಹಿಸಿದ್ದರು. ಇತ್ತೀಚೆಗೆ ರೋಹಟಗಿ ಅವರು ಎನ್ಸಿಬಿಯನ್ನು ‘ಮರಳಿನಲ್ಲಿ ತಲೆ ಹೂಳಿಕೊಂಡಿರುವ ಉಷ್ಟ್ರಪಕ್ಷಿ’ ಎಂಬುದಾಗಿ ಬಣ್ಣಿಸಿ ಟೀಕಿಸಿದ್ದು ಸುದ್ದಿಯಾಗಿತ್ತು. ಆರ್ಯನ್ ಕೇಸಿನ ತಯಾರಿಗಾಗಿ ನಿನ್ನೆಯೇ ಮುಂಬೈ ತಲುಪಿರುವ ಅವರು, ಹೈಕೋರ್ಟ್ನಲ್ಲಿ ಇಂದು ಆರ್ಯನ್ ಪರ ವಕಾಲತ್ತು ನಡೆಸುವುದಾಗಿ ಸುದ್ದಿಗಾರರಿಗೆ ತಿಳಿಸಿದ್ದಾರೆ.
ಇದನ್ನೂ ಓದಿ: ಸುಲಿಗೆ ಕೇಸ್ನಲ್ಲಿ ಬಂಧಿಯಾದ ಗ್ಯಾಂಗ್ಸ್ಟರ್ ಗರ್ಲ್ಫ್ರೆಂಡ್ ಹಿನ್ನೆಲೆ ಕೇಳಿದ್ರೆ ದಂಗಾಗ್ತೀರಾ..!
ಈ ಮುನ್ನ ಎರಡು ಬಾರಿ ಅಂದರೆ ಮ್ಯಾಜಿಸ್ಟ್ರೇಟ್ ಕೋರ್ಟಿನಲ್ಲಿ ಮತ್ತು ಎನ್ಡಿಪಿಎಸ್ ವಿಶೇಷ ನ್ಯಾಯಾಲಯದಲ್ಲಿ ಆರ್ಯನ್ ಖಾನ್ರ ಜಾಮೀನು ಅರ್ಜಿಗಳು ವಜಾ ಆಗಿವೆ. ಕೆಳನ್ಯಾಯಾಲಯಗಳಲ್ಲಿ ಕ್ರಿಮಿನಲ್ ಕೇಸುಗಳ ತಜ್ಞರೆನ್ನಲಾದ ಅಮಿತ್ ದೇಸಾಯಿ ಮತ್ತು ಸತೀಶ್ ಮಾನೆಶಿಂಧೆ, ಆರ್ಯನ್ ಪರ ವಕಾಲತ್ತು ವಹಿಸಿದ್ದರು. ಇದೀಗ ವಿಶೇಷ ನ್ಯಾಯಾಲಯವು ಅ.20 ರಂದು ಜಾಮೀನು ನಿರಾಕರಿಸಿ ಹೊರಡಿಸಿದ್ದ ಆದೇಶದ ವಿರುದ್ಧ ಆರ್ಯನ್ ಪರವಾಗಿ ಸಲ್ಲಿಸಿರುವ ಅಪೀಲಿನ ವಿಚಾರಣೆ ನಡೆಯಲಿದ್ದು, ಏನು ನಿರ್ಧಾರವಾಗುತ್ತದೆ ಎಂದು ಕಾದುನೋಡಬೇಕಿದೆ. (ಏಜೆನ್ಸೀಸ್)
ಫಾಲ್ಕೆ ಪ್ರಶಸ್ತಿ ಪಡೆದ ರಜನೀಕಾಂತ್; ಕರ್ನಾಟಕ ಸಾರಿಗೆ ಬಸ್ ಚಾಲಕನ್ನನ್ನು ನೆನೆದರು!
ಬನಿಯನ್ನಲ್ಲಿ ಬ್ಲೂಟೂತ್ ಡಿವೈಸ್! ಪರೀಕ್ಷೆಯಲ್ಲಿ ನಕಲು ಮಾಡಲು ಹೈಟೆಕ್ ಮಾರ್ಗ!