ಜಗತ್ತಿನ ಬಹುತೇಕ ಜನರ ದಿನ ಆರಂಭವಾಗುವುದೇ ಟೀ ಅಥವಾ ಕಾಫಿಯಿಂದ. ದಿನಕ್ಕೆ ಒಂದು ಕಪ್ ಕಾಫಿ-ಟೀ ಕುಡಿಯಲಿಲ್ಲ ಅಂದ್ರೆ ಆ ದಿನ ಏನೋ ಮಿಸ್ ಮಾಡಿಕೊಂಡಂತೆ ಜನರು ಚಡಪಡಿಸುತ್ತಾರೆ. ಒಂದು ಹೊತ್ತು ಊಟ ಬೇಕಾದರೂ ಬಿಡುತ್ತೇನೆ ಆದರೆ, ಟೀ-ಕಾಫಿ ಬಿಡುವುದಿಲ್ಲ ಎಂದು ಹೇಳುವ ಜನರು ಕೂಡ ನಮ್ಮ ನಡುವೆ ಇದ್ದಾರೆ. ದಿನಕ್ಕೊಂದು ಟೀ ಕುಡಿಯದಿದ್ದರೂ ಸುಸ್ತು, ಚಡಪಡಿಕೆ ಹಾಗೂ ತಲೆ ನೋವು ಅನುಭವಿಸುವವರೂ ಇದ್ದಾರೆ. ಅಷ್ಟೊಂದು ಜನಪ್ರಿಯವಾಗಿದೆ ಈ ಪಾನೀಯ.
ಟೀ-ಕಾಫಿ ಕುಡಿಯುವುದು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ಕೆಲ ತಜ್ಞರು ಹೇಳಿದರೂ, ಕೆಲ ಆರೋಗ್ಯ ತಜ್ಞರು ಇದು ಆರೋಗ್ಯಕ್ಕೆ ಒಳ್ಳೆಯದು ಎಂದು ವಾದಿಸುತ್ತಾರೆ. ನಾವೀಗ ಅಂಥದ್ದೇ ಒಂದು ಚಹಾದ ಚಮತ್ಕಾರದ ಬಗ್ಗೆ ನಿಮಗೆ ತಿಳಿಸುತ್ತೇವೆ. ಈ ರೀತಿಯ ಚಹಾವನ್ನು ಪ್ರತಿನಿತ್ಯ ಕುಡಿದರೆ ಮೂತ್ರನಾಳದ ಸೋಂಕು, ಹೃದ್ರೋಗ, ಕ್ಯಾನ್ಸರ್ ಇತ್ಯಾದಿಗಳು ಬರುವುದಿಲ್ಲ ಎಂದು ಅಧ್ಯಯನಗಳು ಹೇಳಿವೆ.
ಕ್ರ್ಯಾನ್ ಬೆರ್ರಿ ಚಹಾವು ಈ ಎಲ್ಲಾ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಶೀತದ ಸಮಯದಲ್ಲಿ ನೀವಿದನ್ನು ಸೇವಿಸಿದರೆ, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಅಲ್ಲದೆ, ದೇಹದಲ್ಲಿನ ಸೋಂಕುಗಳನ್ನು ತಡೆಗಟ್ಟಲು ಮತ್ತು ತೂಕವನ್ನು ನಿಯಂತ್ರಿಸಲು ಕ್ರ್ಯಾನ್ ಬೆರ್ರಿ ಟೀ ಒಳ್ಳೆಯದು. ಈ ಚಹಾದ ಪ್ರಯೋಜನಗಳನ್ನು ವಿವರವಾಗಿ ತಿಳಿಯೋಣ.
ಮೂತ್ರನಾಳದ ಸೋಂಕು
ಮೂತ್ರನಾಳದ ಸೋಂಕು ಬ್ಯಾಕ್ಟೀರಿಯಾದಿಂದ ಉಂಟಾಗುತ್ತದೆ. ನೀವು ನಿಯಮಿತವಾಗಿ ಕ್ರ್ಯಾನ್ ಬೆರ್ರಿ ಚಹಾವನ್ನು ಸೇವಿಸಿದರೆ, ಈ ರೋಗವು ಬರುವುದಿಲ್ಲ ಎಂದು ತಜ್ಞರು ಹೇಳುತ್ತಾರೆ. ಕ್ರ್ಯಾನ್ ಬೆರ್ರಿಗಳಲ್ಲಿರುವ ಅಂಶಗಳು ಮೂತ್ರಕೋಶದ ಗೋಡೆಗೆ ಬ್ಯಾಕ್ಟೀರಿಯಾ ಅಂಟಿಕೊಳ್ಳದಂತೆ ತಡೆಯುತ್ತದೆ.
ಹೃದ್ರೋಗ
ಕ್ರ್ಯಾನ್ ಬೆರ್ರಿ ಟೀ ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಅಧ್ಯಯನಗಳ ಪ್ರಕಾರ,ಕ್ರ್ಯಾನ್ ಬೆರ್ರಿಗಳಲ್ಲಿ ಕಂಡುಬರುವ ಪಾಲಿಫಿನಾಲ್ಗಳು ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದು ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ.
ಅಲ್ಸರ್ ನಿವಾರಣೆ
ಜರ್ನಲ್ ಆಫ್ ರಿಸರ್ಚ್ ಇನ್ ಫಾರ್ಮಸಿ ಪ್ರಾಕ್ಟೀಸ್‌ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಕ್ರ್ಯಾನ್ ಬೆರ್ರಿ ಚಹಾವನ್ನು ಕುಡಿಯುವುದು ಜೀರ್ಣಕ್ರಿಯೆಗೆ ತುಂಬಾ ಸಹಕಾರಿಯಾಗಿದೆ. ಈ ಚಹಾವು ಹೊಟ್ಟೆಯಲ್ಲಿ ಹೆಲಿಕೋಬ್ಯಾಕ್ಟರ್ ಪೈಲೋರಿ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ಇದರಿಂದಾಗಿ ಹುಣ್ಣುಗಳು ಬರದಂತೆ ತಡೆಯುತ್ತದೆ.
ಕ್ರ್ಯಾನ್ ಬೆರ್ರಿ ಟೀ ತಯಾರಿಸುವುದು ಹೇಗೆ?
ಒಣಗಿದ ಕ್ರ್ಯಾನ್ ಬೆರ್ರಿಗಳು ಎಲ್ಲಾ ಕಡೆ ಸುಲಭವಾಗಿ ದೊರೆಯುತ್ತದೆ. ಸ್ವಲ್ಪ ನೀರನ್ನು ಕುದಿಸಿ ಮತ್ತು ಅದಕ್ಕೆ ಕ್ರ್ಯಾನ್ ಬೆರ್ರಿಗಳನ್ನು ಸೇರಿಸಿ, ಚೆನ್ನಾಗಿ ಕುದಿಸಿ. ಕ್ರ್ಯಾನ್ ಬೆರ್ರಿಗಳು ರಸ ಬಿಟ್ಟ ಬಳಿಕ ಸಿಹಿಗಾಗಿ ಸಕ್ಕರೆಯನ್ನು ಸೇರಿಸಿ ಸೇವಿಸಬಹುದು. (ಏಜೆನ್ಸೀಸ್)
ಏನೇ ಮಾಡಿದ್ರೂ ಅದು ಬಂದೇ ಬರುತ್ತದೆ, ಎಲ್ಲವೂ ಹಣಕ್ಕಾಗಿ: ನಟಿ ಓವಿಯಾ ಓಪನ್ ಟಾಕ್
ಈ ರೀತಿಯ ಪಾತ್ರಗಳಿಂದಾಗಿ ನನ್ನನ್ನು ಕೀಳಾಗಿ ಕಂಡರು! ನನ್ನ ಕಣ್ಣೀರು ಮಾರಾಟಕ್ಕಿಲ್ಲ ಎಂದ ಖ್ಯಾತ ನಟಿ