ನವದೆಹಲಿ: ತೀವ್ರ ತರದ ಖಿನ್ನತೆಗೆ ಒಳಗಾಗಿ, ಸಾಯುವುದು ಒಂದೇ ಉಳಿದಿರುವ ಮಾರ್ಗ ಎಂದು ಭಾವಿಸಿ ಆತ್ಮಹತ್ಯೆ ಮಾಡಿಕೊಳ್ಳಲು ಮುಂದಾಗುವವರ ಮನೋಭಾವ ಬದಲಿಸುವಂಥ ಔಷಧವನ್ನು ಜಾನ್ಸನ್ ಆ್ಯಂಡ್ ಜಾನ್ಸನ್ ಸಂಸ್ಥೆ ಸಂಶೋಧಿಸಿದೆ. ಸ್ಪ್ರವಾಟೋ ಎಂಬ ಹೆಸರಿನ ಮೂಗಿನ ಹೊಳ್ಳೆಯ ಮೂಲಕ ಸಿಂಪಡಿಸಿಕೊಳ್ಳಬಹುದಾದ (ನೇಸಲ್ ಸ್ಪ್ರೇ) ಈ ಖಿನ್ನತೆನಿರೋಧಕವನ್ನು ಆತ್ಮಹತ್ಯೆ ಮಾಡಿಕೊಳ್ಳುವಂಥ ಖಿನ್ನತೆಗೆ ಒಳಗಾಗಿರುವವರಿಗೆ ಕೊಡಲು ಅಮೆರಿಕದ ಔಷಧ ನಿಯಂತ್ರಕರು ಸಮ್ಮತಿಸಿದ್ದಾರೆ.
ಸ್ಪ್ರವಾಟೋ ಎಂಬ ಈ ಔಷಧವನ್ನು ಬಳಸಲು ಅಮೆರಿಕದ ದ ಫುಡ್ ಆ್ಯಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ ಅನುಮತಿ ನೀಡಿರುವುದರಿಂದ ಅಮೆರಿಕದಲ್ಲಿ ಪ್ರತಿವರ್ಷ ಆತ್ಮಹತ್ಯೆ ಮಾಡಿಕೊಳ್ಳುವವರ ಸಂಖ್ಯೆ ಗಣನೀಯವಾಗಿ ತಗ್ಗಲಿದೆ ಎಂದು ಜಾನ್ಸ್ ಆ್ಯಂಡ್ ಜಾನ್ಸನ್ನ ನ್ಯೂರೋಸೈನ್ಸ್ ಮೆಡಿಕಲ್ ಅಫೇರ್ ಘಟಕದ ಉಪಾಧ್ಯಕ್ಷ ಮಿಶೆಲ್ ಕ್ರಾಮರ್ ತಿಳಿಸಿದ್ದಾರೆ.
ಇವರ ಪ್ರಕಾರ ಅಮೆರಿಕದ ಒಟ್ಟು ಜನಸಂಖ್ಯೆ ಶೇ.11ರಿಂದ 12 ಜನರು ಅಂದರೆ 17 ದಶಲಕ್ಷ ಜನರು ಪ್ರತಿವರ್ಷ ಆತ್ಮಹತ್ಯೆ ಮಾಡಿಕೊಳ್ಳುತ್ತಾರೆ. ಸ್ಪ್ರವಾಟೋ ಬಳಕೆಯಿಂದ ಈ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಲಿದೆ.
ಔಷಧಗಳಿಂದ ನಿಯಂತ್ರಿಸಲಾಗದಂಥ ಖಿನ್ನತೆಗೆ ಒಳಗಾಗಿದ್ದ 6 ಸಾವಿರ ಜನರಿಗೆ ಸ್ಪ್ರವಾಟೋ ನೇಸಲ್ ಸ್ಪ್ರೇ ಅನ್ನು ಕೊಡಲಾಗಿತ್ತು. 2019ರ ಮಾರ್ಚ್ನಿಂದ ಈ ಟ್ರಯಲ್ ಮಾಡಲಾಗಿದ್ದು, ಆತ್ಮಹತ್ಯೆ ಮಾಡಿಕೊಳ್ಳುವುದೇ ಉಳಿದಿರುವ ದಾರಿ ಎನ್ನುತ್ತಿದ್ದ ಜನರ ಚಿಂತನೆಗಳು ಸಕಾರಾತ್ಮಕ ರೂಪು ಪಡೆದು, ಬದುಕಲು ನಿರ್ಧರಿಸುವಂತೆ ಮಾಡಿದ್ದಾಗಿ ಕ್ರಾಮರ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಸುಶಾಂತ್ ಒಡೆತನದ ಫಾರ್ಮ್ಹೌಸ್ನಲ್ಲಿ ರಿಯಾ ಕುಟುಂಬದಿಂದ ಹೋಮ- ಹವನ!
ಸ್ಪ್ರವಾಟೋ ನೇಸಲ್ ಸ್ಪ್ರೇ ತುಂಬಾ ವೇಗವಾಗಿ ಕೆಲಸ ಮಾಡಿ, ಆತ್ಮಹತ್ಯೆಯ ಚಿಂತನೆಯನ್ನು ಬದಲಿಸುತ್ತದೆ. ಅಂದರೆ, ಹಳೆಯ ಖಿನ್ನತೆನಿರೋಧಕ ಔಷಧಗಳಿಗಿಂತಲೂ ವೇಗವಾಗಿ ಚಿಂತನೆಯನ್ನು ಬದಲಿಸುತ್ತದೆ ಎಂಬುದು ಟ್ರಯಲ್ನಲ್ಲಿ ಕಂಡುಬಂದಿದ್ದಾಗಿ ಹೇಳಿದ್ದಾರೆ.
ಈ ನೇಸಲ್ ಸ್ಪ್ರೇನ ಕ್ಲಿನಿಕಲ್ ಟ್ರಯಲ್ನ ಅಂಕಿಅಂಶಗಳನ್ನು ಗಮನಿಸಿದಾಗ, ತೀವ್ರ ತರದ ಖಿನ್ನತೆಗೆ ಒಳಗಾಗಿರುವ ರೋಗಿಗಳಲ್ಲಿನ ಚಿಂತನೆಗಳನ್ನು ಸಕಾರಾತ್ಮಕ ಚಿಂತನೆಗಳಾಗಿ ಬದಲಿಸುವ ಶಕ್ತಿ ಇದಕ್ಕೆ ಇರುವುದು ಖಚಿತವಾಗಿದೆ. ಆದ್ದರಿಂದ, ಅಂಥ ರೋಗಿಗಳಿಗೆ ತಕ್ಷಣ ನೆರವು ನೀಡಲು ವೈದ್ಯರಿಗೆ ಇದರಿಂದ ಅನುಕೂಲವಾಗುತ್ತದೆ ಎಂದು ಟ್ರಯಲ್ನ ಇನ್ವೆಸ್ಟಿಗೇಟರ್ ಆಗಿದ್ದ ಯೇಲ್ ಖಿನ್ನತೆ ಸಂಶೋಧನಾ ಕಾರ್ಯಕ್ರಮದ ನಿರ್ದೇಶಕ ಗೆರಾರ್ಡ್ ಸ್ಯಾನಕೋರಾ ಹೇಳಿದ್ದಾರೆ.
ಒಂದು ಮಾಹಿತಿಯ ಪ್ರಕಾರ 1999ರಿಂದ 2016ರವರೆಗೆ ಅಮೆರಿಕದಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳುವವರ ಪ್ರಮಾಣ ಶೇ.30 ಹೆಚ್ಚಾಗುತ್ತಿತ್ತು. ಕೋವಿಡ್-19 ಪಿಡುಗಿನಿಂದಾಗಿ ಈ ಪ್ರಮಾಣ ಮತ್ತಷ್ಟು ಹೆಚ್ಚಾಗಿತ್ತು. ಆದರೆ, ಕೋವಿಡ್-19 ಸೋಂಕಿಗೆ ತುತ್ತಾದವರಿಗೆ ಸೇರಿ ತೀವ್ರ ತರದ ಖಿನ್ನತೆಗೆ ಒಳಗಾದವರಿಗೆ ಸ್ಪ್ರವಾಟೋ ನೇಸಲ್ ಸ್ಪ್ರೇ ಕೊಟ್ಟಾದ ನಂತರದಲ್ಲಿ ಆತ್ಮಹತ್ಯೆ ಮನೋಭಾವ ಹೊಂದಿದ್ದವರ ಚಿಂತನೆ ತುಂಬಾ ವೇಗವಾಗಿ ಬದಲಾಗಿದ್ದಾಗಿ ಹೇಳಲಾಗುತ್ತಿದೆ.
ಯುಪಿಎಸ್ಸಿ ಪರೀಕ್ಷೆ-2019 ಫಲಿತಾಂಶ ಪ್ರಕಟ: ಪ್ರದೀಪ್ ಸಿಂಗ್ ಟಾಪರ್