ಮುಂಬೈ: ಆತ್ಮನಿರ್ಭರ್ ಭಾರತದ ನೀತಿಗೆ ಅನುಗುಣವಾಗಿ ಸಾಮಾಜಿಕ ತಾಣಗಳಲ್ಲಿ ಚೀನಾ ಉತ್ಪನ್ನ ಖರೀದಿಸದಂತೆ ಅಭಿಯಾನ ನಡೆದೇ ಇದೆ. ಇದಕ್ಕೆ ಪೂರಕವಾಗಿ ಭಾರತದ ಡೇರಿ ಉತ್ಪನ್ನಗಳ ಪ್ರಮುಖ ಬ್ರ್ಯಾಂಡ್ ಅಮೂಲ್ ನ ಕಾರ್ಟೂನ್ ಒಂದರಲ್ಲಿ ಚೀನಾದ ಡ್ರ್ಯಾಗನ್ ಚಿತ್ರ ಮತ್ತು ಅದಕ್ಕೆ ಎಕ್ಸಿಟ್ ಡ್ರ್ಯಾಗನ್ ಎಂಬ ಶೀರ್ಷಿಕೆ ಕೊಟ್ಟು ಪ್ರಕಟಿಸಿತ್ತು. ಅದರಲ್ಲಿ ಕೆಳಗೆ ಅಮೂಲ್ ಮೇಡ್ ಇನ್ ಇಂಡಿಯ ಎಂಬ ಉಲ್ಲೇಖವೂ ಇದೆ.
ಇದನ್ನೂ ಓದಿ: ಜೂನ್ 11ರಿಂದ ತಿರುಪತಿ ಬಾಲಾಜಿ ದರ್ಶನ: ಆದರೆ ಸುಲಭವಿಲ್ಲ
ಈ ಕಾರ್ಟೂನ್ ಅನ್ನು ಗುಜರಾತ್ ಕೋ ಆಪರೇಟಿವ್ ಮಿಲ್ಕ್ ಫೆಡರೇಷನ್ ತನ್ನ ಟ್ವಿಟರ್ ಹ್ಯಾಂಡಲ್ನಲ್ಲಿ ಪ್ರಕಟಿಸಿತ್ತು. ಇದಾಗಿ ಕೆಲವೇ ಹೊತ್ತಿನಲ್ಲಿ ಟ್ವಿಟರ್ ಹ್ಯಾಂಡಲ್ ಬ್ಲಾಕ್ ಆಗಿತ್ತು. ಟ್ವಿಟರ್ ಹ್ಯಾಂಡಲ್ ಬ್ಲಾಕ್ ಆಗಿರುವುದರ ಬಗ್ಗೆ ನಮಗೆ ಯಾವುದೇ ಅಧಿಕೃತ ಹೇಳಿಕೆ ಟ್ವಿಟರ್ನಿಂದ ಬಂದಿಲ್ಲ. ಅದನ್ನು ಯಾಕೆ ಬ್ಲಾಕ್ ಮಾಡಲಾಗಿತ್ತು ಎಂಬುದೂ ಗೊತ್ತಿಲ್ಲ ಎಂದು ಫೆಡರೇಷನ್ನ ಎಂಡಿ ಆರ್.ಎಸ್.ಸೋಧಿ ಹೇಳಿದ್ದಾರೆ.
ಇದನ್ನೂ ಓದಿ: ಕರೊನಾ ಸೇನಾನಿಗಳಿಗೆ ಊಟ ಬಡಿಸಿದ್ದ ಯುವಕನನ್ನೂ ಬಿಡಲಿಲ್ಲ ಜವರಾಯ!
ಅಮೂಲ್ ಗರ್ಲ್ ಅಭಿಯಾನ ಕಳೆದ 55 ವರ್ಷಗಳಿಂದ ಚಾಲ್ತಿಯಲ್ಲಿದೆ. ಕಾರ್ಟೂನ್ಗಳಲ್ಲಿ ನಾವು ಪ್ರಚಲಿತ ವಿಷಯಗಳನ್ನೇ ಆಯ್ಕೆ ಮಾಡಿಕೊಂಡು ಹಾಸ್ಯಭರಿತವಾಗಿ ಬಿಂಬಿಸುತ್ತೇವೆ. ಜೂನ್ 4 ರಂದು ರಾತ್ರಿ ಈ ಕಾರ್ಟೂನ್ ಅಪ್ಲೋಡ್ ಮಾಡಿದ್ದೇವೆ. ಇದರ ಬೆನ್ನಿಗೆ ಟ್ವಿಟರ್ ಅಕೌಂಟ್ ಬ್ಲಾಕ್ ಆಗಿರುವುದು ಗೊತ್ತಾಗಿದೆ. ಕೂಡಲೇ ಟ್ವಿಟರ್ಗೆ ಅದನ್ನು ಮತ್ತೆ ಸಕ್ರಿಯಗೊಳಿಸುವಂತೆ ಮನವಿ ಕಳುಹಿಸಿದೆವು. ಈ ಬಗ್ಗೆ ಸ್ಪಷ್ಟೀಕರಣ ನೀಡುವಂತೆಯೂ ಕೇಳಿದ್ದೇವೆ. ಆಗ ಖಾತೆ ಮತ್ತೆ ಸಕ್ರಿಯವಾಗಿದೆ. ಸ್ಪಷ್ಟೀಕರಣ ಇನ್ನೂ ಸಿಕ್ಕಿಲ್ಲ ಎಂದು ಅವರು ವಿವರಿಸಿದ್ದಾರೆ. (ಏಜೆನ್ಸೀಸ್)
ಉಡುಪಿಯಲ್ಲೇ ಇಂದು ಗರಿಷ್ಠ ಕೇಸ್: ರಾಜ್ಯದಲ್ಲಿ ಒಟ್ಟು 378 ಕೋವಿಡ್ ಕೇಸ್