ನವದೆಹಲಿ: ವಿಮಾನಯಾನ ಕ್ಷೇತ್ರಕ್ಕೆ ಹೊಸ ವಿಮಾನವೊಂದು ಸೇರ್ಪಡೆಯಾಗಿತ್ತಿದೆ. ಇದರ ವಿನ್ಯಾಸ ಭಾರೀ ಆಕರ್ಷಿಸುತ್ತಿದ್ದು, ಶೀಘ್ರದಲ್ಲೇ ಪ್ರಯಾಣಿಕರಿಗೆ ಸೇವೆ ಆರಂಭಿಸಲಿದೆ. ಹೂಡಿಕೆದಾರ ರಾಕೇಶ್ ಝುಂಜುನ್ವಾಲಾ ಅವರ ಕನಸಿನ ಈ ವಿಮಾನದ ವಿನ್ಯಾಸ ಪೂರ್ಣಗೊಂಡಿದ್ದು, ಮೊದಲ ಚಿತ್ರವನ್ನು ಹಂಚಿಕೊಂಡು ಸಂಭ್ರಮಿಸಿದ್ದಾರೆ.
ಶೀಘ್ರದಲ್ಲೇ ಸೇವೆ ಆರಂಭಗೊಳಲ್ಲಿದ್ದು, ವಿಮಾನದ ಪೂರ್ಣ ಕೆಲಸ ಮುಗಿದಿದ್ದು, ಸಂಸ್ಥೆಗೆ ಕ್ಯೂಪಿ ಕೋಡ್ ಸಿಕ್ಕಿದ್ದು, ಇನ್ನೇನು ಹಾರಾಟ ಆರಂಭಿಸಲಿದೆ. ಇನ್ನು ನಾವು ಕಾಯುವುದಿಲ್ಲ ಎಂಬ ಶೀರ್ಷಿಕೆಯೊಂದಿಗೆ ಟ್ವೀಟ್ ಮಾಡಿದ್ದಾರೆ.
ಪ್ರತಿ ವಿಮಾನಯಾದ ಕ್ಯೂಪಿ ಕೋಡ್ ಸಂಖ್ಯೆ ಪ್ರತ್ಯೇಕವಾಗಿರುತ್ತದೆ. ವಿಮಾನ ಹಾರಾಟ ಪ್ರಾರಂಭಕ್ಕೂ ಮುನ್ನ ನಾಗರಿಕ ವಿಮಾನಯಾನ ಸಚಿವಾಲಯದಿಂದ ಈ ಕೋಡನ್ನು ನೀಡಲಾಗುತ್ತದೆ. ಉದಾಹರಣೆಯಾಗಿ ಇಂಡಿಗೋ 6ಈ, ಗೋ ಫಸ್ಟ್ ಜೀ8 ಮತ್ತು ಏರ್ ಇಂಡಿಯಾ ಎಐ ಕ್ಯೂಪಿ ಕೋಡ್ ಹೊಂದಿದೆ. ಇದೀಗ ಹೊಸ ವಿಮಾನಯಾನಕ್ಕೂ ಕ್ಯೂಪಿ ಕೋಡ್ ನೀಡಲಾಗಿದೆ.
ಸದ್ಯ ಹೊಸ ವಿನ್ಯಾಸದೊಂದಿಗೆ ಬುಲೆಟ್ ಟ್ರೈನ್ ಮಾದರಿಯಲ್ಲಿ ಕಾಣುವ ಸುಸಜ್ಜಿತ ವಿಮಾನ ಇನ್ನು ಕೆಲವೇ ದಿನಗಳಲ್ಲಿ ಹಾರಾಟ ನಡೆಸಲಿದ್ದು, ಈ ಹೊಸ ವಿಮಾನ ಯಾವ್ಯಾವ ದೇಶಕ್ಕೆ ಸಂಚರಿಸಲಿದೆ ಎಂಬುದನ್ನು ಶೀಘ್ರದಲ್ಲೇ ಸಂಸ್ಥೆ ಪಟ್ಟಿ ನೀಡಲಿದೆ.
2021 ನವಂಬರ್ 26ರಂದು 72 ಮ್ಯಾಕ್ಸ್ ವಿಮಾನ ತಯಾರಿಕೆಗೆ ಬೋಯಿಂಗ್ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಂಡಿತ್ತು. ಒಪ್ಪಂದದಂತೆ ವಿಮಾನ ತಯಾರಾಗಿದ್ದು, ಮೊದಲ ಜೂನ್ ತಿಂಗಳಲ್ಲಿ ಹಸ್ತಾಂತರ ಮಾಡಲಿದೆ. ಸದ್ಯ ಕೆಲವು ವಿಮಾನಗಳಷ್ಟೇ ಹಾರಾಟ ನಡೆಸಲಿದೆ ಎಂದು ಆಕಾಶ ಸಂಸ್ಥೆ ತಿಳಿಸಿದೆ. (ಏಜೆನ್ಸೀಸ್)