ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿರುವ ಶಾಲೆಗಳ ಅವ್ಯವಸ್ಥೆ ಕುರಿತಾದ ವಿಡಿಯೋ ಬಿಡುಗಡೆ ಮಾಡಿ ಆಮ್ ಆದ್ಮಿ ಪಕ್ಷಕ್ಕೆ ತಿರುಗೇಟು ನೀಡಿದ್ದ ಬಿಜೆಪಿ, ಇದೀಗ ದೆಹಲಿಯ ಮೊಹಲ್ಲಾ ಕ್ಲಿನಿಕ್ ಯೋಜನೆ ಅವ್ಯವಸ್ಥೆ ಸಾರುವ ಮತ್ತೊಂದು ಸ್ಟಿಂಗ್ ವಿಡಿಯೋ ಬಿಡುಗಡೆ ಮಾಡಿ ಸಿಎಂ ಅರವಿಂದ್ ಕೇಜ್ರಿವಾಲ್ ಸರ್ಕಾರದ ಆಡಳಿತವನ್ನು ಅಣುಕಿಸಿದ್ದಾರೆ.
ಫೆ. 8ರಂದು ನಡೆಯುವ ದೆಹಲಿ ಚುನಾವಣೆಗೆ ಕೇಜ್ರಿವಾಲ್ ವಿರುದ್ಧ ಬಿಜೆಪಿ ತೊಡೆ ತಟ್ಟಿದೆ. ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ ನಡ್ಡಾ ಅವರು ಗುರುವಾರ ಟ್ವೀಟ್ ಮೂಲಕ ವಿಡಿಯೋವನ್ನು ಬಿಡುಗಡೆ ಮಾಡಿದ್ದು, ದೆಹಲಿಯಲ್ಲಿ ಆಪ್ ಶುರು ಮಾಡಿರುವ ಮೊಹಲ್ಲಾ ಕ್ಲಿನಿಕ್ ಔಷಧ ಮತ್ತು ಮೂಲಭೂತ ಸೌಕರ್ಯ ಸೇರಿದಂತೆ ಸಾಕಷ್ಟು ಕೊರತೆ ಎದುರಿಸುತ್ತಿದೆ ಎಂದು ವಾದಿಸಿದ್ದಾರೆ.
ಕೇಜ್ರಿವಾಲ್ ಅವರೇ ಪ್ರತಿವರ್ಷ ನೀವು 1,000 ಮೊಹಲ್ಲಾ ಕ್ಲಿನಿಕ್ಸ್ಗಳನ್ನು ತೆರೆಯುವುದಾಗಿ ಭರವಸೆ ನೀಡಿದ್ದಿರಿ. ನೀವು ತೆರೆದಿರುವ ಬೆರಳೆಣಿಕೆಯ ಕ್ಲಿನಿಕ್ಗಳು ಸಾಮಾನ್ಯ ಸೌಕರ್ಯಗಳು ಇಲ್ಲದೆ ಕೊತೆಯನ್ನು ಎದುರಿಸುತ್ತಿವೆ ಎಂದಿದ್ದಾರೆ.
ಇದಾದ ಕೆಲವೇ ಸಮಯದಲ್ಲೂ ಗೃಹಸಚಿವ ಅಮಿತ್ ಷಾ, ರೀಟ್ವೀಟ್ ಮಾಡಿ ಶಾಲಾ ಅವ್ಯವಸ್ಥೆ ಬಳಿಕ ಇದೀಗ ಕೇಜ್ರಿವಾಲ್ ಅವರ ಆರೋಗ್ಯ ಕ್ರಾಂತಿಯನ್ನು ಬಹಿರಂಗಪಡಿಸಲಾಗಿದೆ. ಸ್ವಾರ್ಥ ರಾಜಕಾರಣದಿಂದಾಗಿ ದೆಹಲಿ ಬಡ ಕ್ಲಿನಿಕ್ಗಳನ್ನು ಪಡೆದುಕೊಂಡಿವೆ. ಪ್ರಧಾನಿ ಮೋದಿ ಅವರ ಆಯುಷ್ಮಾನ್ ಯೋಜನೆಯಿಂದ ದೆಹಲಿ ಜನರನ್ನು ದೂರವಿಟ್ಟಿದ್ದೀರಾ ಇದಕ್ಕೆ ನಿಮಗೆ ತಕ್ಕ ಉತ್ತರ ಸಿಗಲಿದೆ ಎಂದು ಷಾ ಕಿಡಿಕಾರಿದ್ದಾರೆ.
ಈ ಹಿಂದೆ ಶಾಲಾ ಅವ್ಯವಸ್ಥೆ ಬಗ್ಗೆ ಬಿಜೆಪಿ ಟ್ವೀಟ್ ಬಗ್ಗೆ ಕಿಡಿಕಾರಿದ್ದ ಬಿಜೆಪಿ 48 ಗಂಟೆಗಳ ಕಾಲ ಬಿಜೆಪಿ ಚುನಾವಣಾ ಪ್ರಚಾರವನ್ನು ಬ್ಯಾನ್ ಮಾಡುವಂತೆ ಚುನಾವಣಾ ಆಯೋಗವನ್ನು ಆಗ್ರಹಿಸಿತ್ತು. ಬಿಜೆಪಿ ನಕಲಿ ವಿಡಿಯೋಗಳನ್ನು ಹರಿಬಿಡುತ್ತಿದೆ ಎಂದು ಆರೋಪಿಸಿತ್ತು. (ಏಜೆನ್ಸೀಸ್)
केजरीवाल जी, आपने हर साल 1000 मोहल्ला क्लीनिक खोलने का वादा किया।
— Jagat Prakash Nadda (@JPNadda) January 30, 2020
1000 क्लीनिक खोलना तो दूर, जो कुछ खुले भी, उनमें न दवाएं हैं, न सुविधाएं।
'आप' की ओछी राजनीति ने दिल्ली के गरीबों को सालाना 5 लाख रुपये तक मुफ्त इलाज देने वाली मोदी जी की 'आयुष्मान भारत योजना' से भी वंचित रखा। pic.twitter.com/X4YgSIBXvS