ಮುಂಬೈ: ಕಿರುತೆರೆ ನಟಿ ತುನಿಷಾ ಶರ್ಮಾಗೆ ಮತಾಂತರವಾಗುವಂತೆ ಬಲವಂತ ಮಾಡಲಾಗಿತ್ತು ಎಂದು ಆಕೆಯ ತಾಯಿ ವನಿತಾ ಶರ್ಮಾ ಆರೋಪ ಮಾಡಿದ್ದರು. ಇದಕ್ಕೆ ಶೀಜಾನ್ ಖಾನ್ ಕುಟುಂಬ ಪತ್ರಿಕಾ ಗೋಷ್ಠಿ ನಡೆಸಿ ಪ್ರತ್ಯಾರೋಪ ಮಾಡಿದ್ದಾರೆ.
ಸಹನಟ ಶೀಜಾನ್ ಖಾನ್ ಸಹೋದರಿ ಫಲಕ್ ನಾಜ್, ‘ಪರಸ್ಪರ ಹೊಂದಾಣಿಕೆಯಿಂದಲೇ ಇಬ್ಬರ ನಡುವೆ ಬ್ರೇಕಪ್ ಆಗಿತ್ತು, ಕೆರಿಯರ್ ಬಗ್ಗೆ ಗಮನ ಕೋಡೋಣ ಎಂಬ ಕಾರಣಕ್ಕೆ ಹೀಗೆ ಮಾಡಿದ್ರು. ಇಬ್ಬರ ನಡುವಿನ ವಾಟ್ಸಪ್ ಚಾಟ್ಗಳು ಕೂಡ ಪೊಲೀಸರ ಬಳಿ ಇವೆ. ಯಾವುದೇ ರೀತಿಯ ಜಗಳ, ಮನಸ್ತಾಪಗಳು ಇಬ್ಬರ ನಡುವೆ ಇರಲಿಲ್ಲ. ಪರಸ್ಪರ ಹೊಂದಾಣಿಕೆ, ಒಪ್ಪಿಗೆಯಿಂದಲೇ ಬ್ರೇಕಪ್ ಆಗಿದೆ…’ ಎಂದು ಹೇಳಿಕೆ ನೀಡಿದ್ದಾರೆ.
‘ಶೀಜಾನ್ ಖಾನ್ ವಿರುದ್ಧದ ಎಲ್ಲ ಆರೋಪಗಳನ್ನೂ ತುನಿಷಾ ಚಿಕ್ಕಪ್ಪ ಪವನ್ ಶರ್ಮಾ ಮಾಡಿದ್ದಾರೆ. ಪ್ರತಿಯೊಂದಕ್ಕೂ ತುನಿಷಾ ಚಿಕ್ಕಪ್ಪನ ಹಸ್ತಕ್ಷೇಪದಿಂದ ಆಕೆ ರೋಸಿಹೋಗಿದ್ದರು…’ ಎಂದು ಶೀಜಾನ್ ಕುಟುಂಬ ದೂರಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಹಿಜಾಬ್ ಧರಿಸಿರುವ ತುನಿಷಾ ಫೋಟೊ ಸಿನಿಮಾದ ಶೂಟಿಂಗ್ಗೆ ಸಂಬಂಧಪಟ್ಟಿದ್ದಷ್ಟೆ. ಹಿಜಾಬ್, ಲವ್ಜಿಹಾದ್, ದರ್ಗಾ ವಿಷಯಗಳೆಲ್ಲವೂ ಸುಳ್ಳು ಮತ್ತು ಆಧಾರರಹಿತವಾದದ್ದು ಎಂದೂ ಹೇಳಿದ್ದಾರೆ.