ನಮ್ಮದು ಬೇರೆ ರೀತಿಯ ಜಗಳ
‘ಗಂಡ ಹೆಂಡತಿ ಜಗಳ ಉಂಡು ಮಲಗುವ ತನಕ’ ಎಂಬ ಗಾದೆ ಮಾತಿದೆ. ಆದರೆ, ‘ಮರೀಚಿ’ ಚಿತ್ರದಲ್ಲಿ ಪತಿ, ಪತ್ನಿಯ ಜಗಳವೇ ವಿಭಿನ್ನವಾಗಿ ಇರಲಿದೆಯಂತೆ. ‘ಚಿತ್ರದಲ್ಲಿ ಪ್ರೀತಿ ಜತೆ ಜಗಳವೂ ಇದೆ. ಆದರೆ, ಇಲ್ಲಿ ಗಂಡ- ಹೆಂಡತಿಯ ಜಗಳವೂ ವಿಭಿನ್ನ ರೀತಿ ಇದೆ. ಗಂಡ ಸರಿ ಅಂತ ಗೊತ್ತಿದ್ದರೂ, ನನ್ನದೇ ತಪ್ಪು ಅಂತ ತಿಳಿದಿದ್ದರೂ ಒಪ್ಪದೇ, ಜೋರಾಗಿ ಕೂಗಾಡದೇ, ವಾದಿಸುವ ಪತ್ನಿಯ ಪಾತ್ರ ನನ್ನದು. ಹೀಗಾಗಿ ರಾಘು ಸರ್ ಜತೆಗಿನ ಜಗಳದ ಸೀನ್ಗಳೂ ಕೂಡ ಚಾಲೆಂಜಿಂಗ್ ಅನ್ನಿಸಿತು’ ಎಂದು ನಗುತ್ತಾರೆ ಸೋನು ಗೌಡ. ‘ಮರೀಚಿ’ ಜತೆ ಅವರು ಇನ್ನೂ ಕೆಲ ಕಥೆಗಳನ್ನು ಕೇಳುತ್ತಿದ್ದು, ಸದ್ಯಕ್ಕೆ ಯಾವುದನ್ನೂ ಒಪ್ಪಿಕೊಂಡಿಲ್ಲವಂತೆ.
