ಬಹುಭಾಷಾ ನಟಿ ಸಮಂತಾ ಅಕ್ಕಿನೇನಿ ಇತ್ತೀಚಿನ ದಿನಗಳಲ್ಲಿ ಫ್ಯಾಷನ್ ಕಡೆ ಹೆಚ್ಚು ಒಲವು ಬೆಳೆಸಿಕೊಳ್ಳುತ್ತಿದ್ದಾರೆ. ಸ್ಯಾಮ್ ಜ್ಯಾಮ್ ಟಾಕ್ ಶೋ ಜತೆಗೆ ಡಯಟ್, ಆರೋಗ್ಯ ಪದ್ಧತಿ ಬಗ್ಗೆಯೂ ಸಮಂತಾ ಮಾತನಾಡುತ್ತಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಬಗೆಬಗೆ ಬ್ರಾಂಡ್ಗಳ ರಾಯಭಾರಿಯಾಗಿ ವಿಭಿನ್ನ ಕಾಸ್ಟೂಮ್ಗಳಲ್ಲಿ ಮಿಂಚುತ್ತಿದ್ದಾರೆ. ಅದೇ ರೀತಿ ಈ ಹಿಂದೆಂದೂ ಕಾಣಿಸದ ರೀತಿಯಲ್ಲಿ ಸಮಂತಾ ಇದೀಗ ಪ್ರೀತಮ್ ಜುಕಲ್ಕರ್ ವಿನ್ಯಾಸ ಮಾಡಿರುವ ಕಾಸ್ಟೂಮ್ನಲ್ಲಿ ಎದುರಾಗಿದ್ದಾರೆ. ಆ ಎಲ್ಲ ದಿರಿಸಿನಲ್ಲಿರುವ ವಿಡಿಯೋವೊಂದನ್ನು ಮಾಡಿದ್ದಾರೆ. ಸದ್ಯ ಸಮಂತಾ ಹೊಸ ಲುಕ್ನ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ನಟಿಯ ನಯಾ ಅವತಾರ ಕಂಡು ನಿಬ್ಬೆರಗಾಗಿದ್ದಾರೆ.