ಬೆಂಗಳೂರು: ನಟ ಯಶ್ ಅವರಿಗಿಂತ ನಟಿ ರಾಧಿಕಾ ಪಂಡಿತ್ ಸೋಷಿಯಲ್ ಮೀಡಿಯಾದಲ್ಲಿ ಸಕ್ರೀಯರು. ಸದಾ ಒಂದಿಲ್ಲೊಂದು ಪೋಸ್ಟ್ ಹಾಕುತ್ತ, ಅಭಿಮಾನಿಗಳ ಜತೆ ಸಂಪರ್ಕದಲ್ಲಿರುತ್ತಾರೆ. ಅದರಲ್ಲೂ ಮಕ್ಕಳಾದ ಮೇಲೆ ಇಬ್ಬರು ಮುದ್ದು ಪುಟಾಣಿಗಳ ವಿಡಿಯೋ ತುಣುಕುಗಳನ್ನು ಶೇರ್ ಮಾಡುತ್ತಲೇ ಇರುತ್ತಾರೆ. ಇದೀಗ ಅಂಥದ್ದೇ, ಮತ್ತೊಂದು ವಿಡಿಯೋ ಶೇರ್ ಮಾಡಿದ್ದಾರೆ. ಆ ವಿಡಿಯೋದಲ್ಲಿ ಪುತ್ರ ಯಥರ್ವನ ನಗುವೇ ಹೈಲೈಟ್.
ಇದನ್ನೂ ಓದಿ: ಸೀತೆ ಪಾತ್ರಕ್ಕೆ ಕರೀನಾ ಅರ್ಹರಲ್ಲ! ಸಂಭಾವನೆ ವಿಚಾರಕ್ಕೆ ಬ್ಯಾನ್ ಬಿಸಿ..
ಹೌದು, ಯಥರ್ವನ ಕೈಯ ಬೆರಳಿನ ಉಗುರು ತೆಗೆಯುತ್ತಿರುವ ರಾಧಿಕಾ, ಪುತ್ರನ ಮುದ್ದಾದ ನಗುವನ್ನು ಕ್ಯಾಪ್ಚರ್ ಮಾಡಿದ್ದಾರೆ. ಪ್ರತಿ ಬೆರಳಿನ ಉಗುರು ಕತ್ತರಿಸಿದಾಗ, ಯಥರ್ವನ ನಗುವೇ ವಿಶೇಷ ಎನಿಸುತ್ತದೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ಒಳ್ಳೊಳ್ಳೆ ಕಮೆಂಟ್ಗಳೂ ಸಂದಾಯವಾಗುತ್ತಿವೆ.