ಬೆಂಗಳೂರು: ರಾಜಧಾನಿಯಲ್ಲಿ ಎಲ್ಲಿ ನೋಡಿದಲ್ಲಿ ಸಂಚಾರದಟ್ಟಣೆ ಕಂಡುಬರುವುದು ಒಂದೆಡೆಯಾದರೆ, ರಸ್ತೆಗಳಲ್ಲಿ ಬೇಜವಾಬ್ದಾರಿ ಪ್ರದರ್ಶಿಸುವವರು ಮತ್ತೊಂದೆಡೆ. ಈ ಮಾತಿಗೆ ಸಾಯಾಗಿ ಯುವಕನೊಬ್ಬ ಹೆಬ್ಬಾಳ ಮೇಲ್ಸೇತುವೆಯಲ್ಲಿ ಸ್ಕೇಟಿಂಗ್ ಮಾಡುತ್ತ ಅಪಾಯಕಾರಿಯಾಗಿ ಸಂಚರಿಸಿದ್ದಾನೆ. ಇದನ್ನು ಕಾರಿನಲ್ಲಿ ಸಂಚರಿಸುತ್ತಿದ್ದ ವ್ಯಕ್ತಿಯೊಬ್ಬರು ವೀಡಿಯೋ ಮಾಡಿ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
ನಿರ್ದಿಷ್ಟ ಜಾಗದಲ್ಲಿ ಸ್ಕೇಟಿಂಗ್ ಮಾಡಬೇಕು. ಟ್ರಾಫಿಕ್ ಮಧ್ಯೆ ಸ್ವಲ್ಪ ಎಚ್ಚರ ತಪ್ಪಿದರೂ ಅಪಾಯ ಖಚಿತ. ಆದ್ದರಿಂದ ಇತರೆ ಪ್ರಯಾಣಿಕರು, ಪಾದಚಾರಿಗಳ ಜೀವಕ್ಕೆ ತೊಂದರೆ ಉಂಟಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ತಪ್ಪಿತಸ್ಥನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಜನರು ಪ್ರತಿಕ್ರಿಯಿಸಿದ್ದಾರೆ.
ಫುಟ್ಬೋರ್ಡ್ ಮೇಲೆ ನಿಂತು ಸಂಚಾರ!
ದಂಪತಿ ಸ್ಕೂಟರ್ನಲ್ಲಿ ತಮ್ಮ ಮಗನನ್ನು ಹಿಂಬದಿ ಸವಾರರು ಬಳಸುವ ಫುಟ್ಬೋರ್ಡ್ನಲ್ಲಿ ನಿಲ್ಲಿಸಿಕೊಂಡು ಸಂಚರಿಸುತ್ತಿದ್ದ ಘಟನೆ ಇತ್ತೀಚೆಗೆ ವೈಟ್ಫೀಲ್ಡ್ನಲ್ಲಿ ನಡೆದಿದೆ. ಈ ದೃಶ್ಯ ಮೊಬೈಲ್ನಲ್ಲಿ ಸೆರೆಯಾಗಿದ್ದು, ವೀಡಿಯೋ ವೈರಲ್ ಆಗುತ್ತಿದೆ.