ನವದೆಹಲಿ: 2014ರಲ್ಲಿ ಪಾಕಿಸ್ತಾನದ ಪೇಷಾವರದ ಸೇನಾ ಶಾಲೆಯ ಮೇಲೆ ನಡೆದ ಉಗ್ರದಾಳಿಯ ಪ್ರಮುಖ ಆರೋಪಿ, ತೆಹ್ರಿಕ್ ಎ ತಾಲಿಬಾನ್ ಸಂಘಟನೆ ನಾಯಕ ಪಾಕಿಸ್ತಾನದಲ್ಲೇ ಅಡಗಿದ್ದಾನೆ ಎಂಬ ಮಾಹಿತಿ ನಂಬಲರ್ಹ ಮೂಲಗಳಿಂದ ಸಿಕ್ಕಿದೆ.
ಪಾಕಿಸ್ತಾನದ ತಾಲಿಬಾನ್ ಉಗ್ರಸಂಘಟನೆಯ ನಾಯಕ ಎಹ್ಸನುಲ್ಲಾ ಎಹ್ಸಾನ್ ಅಂದಿನ ದಾಳಿಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದವನು. ಇದೀಗ ಇಸ್ಲಮಾಬಾದ್ನಲ್ಲಿಯೇ ಪತ್ತೆಯಾಗಿದ್ದಾನೆ ಎಂದು ಮೂಲಗಳು ತಿಳಿಸಿವೆ.
ಭಾರತದ ಭದ್ರತಾ ಸಂಸ್ಥೆಗಳು ಆತನ ಟ್ವಿಟರ್ ಖಾತೆಯ ಮೇಲೆ ವಿಧಿವಿಜ್ಞಾನ ತನಿಖೆ ನಡೆಸಿದ್ದು, ಆ ವಿಶ್ಲೇಷಣೆಯಲ್ಲಿ ಎಹ್ಸನುಲ್ಲಾ ಎಹ್ಸಾನ್ ಇಸ್ಲಾಮಾಬಾದ್ನಲ್ಲೇ ಇದ್ದಾನೆ ಎಂಬುದು ಗೊತ್ತಾಗಿದೆ. ಆದರೆ ಪಾಕಿಸ್ತಾನ ಆತ ಟರ್ಕಿಯಲ್ಲಿ ಅಡಗಿದ್ದಾನೆ ಎಂದು ಹೇಳಿತ್ತು.
ಇದನ್ನೂ ಓದಿ: ಅರ್ಜುನ ಪ್ರಶಸ್ತಿ ರೇಸ್ನಲ್ಲಿ ರಾಜ್ಯದ ಮೂವರು ಮಹಿಳೆಯರು
ತೆಹ್ರಿಕ್ ಎ ತಾಲಿಬಾನ್ ಉಗ್ರ ಸಂಘಟನೆಯ ಮಾಜಿ ವಕ್ತಾರನಾಗಿರುವ ಎಹ್ಸನುಲ್ಲಾ ಎಹ್ಸಾನ್, ಪೇಷಾವರ ದಾಳಿಯ ನಂತರ ನಿಗೂಢವಾಗಿ ಟರ್ಕಿಗೆ ಪರಾರಿಯಾಗಿದ್ದಾನೆ ಎಂದು ಹೇಳಲಾಗಿತ್ತು. ಆದರೆ ಇದೀಗ ಆತ ಪಾಕಿಸ್ತಾನದಲ್ಲೇ ಇದ್ದಾನೆ ಎಂಬುದಕ್ಕೆ ಹಲವು ಸಾಕ್ಷಿಗಳು ಸಿಕ್ಕಿವೆ. ತಾವು ಉಗ್ರರ ವಿರುದ್ಧ ಹೋರಾಡುತ್ತಿದ್ದೇವೆ ಎಂದು ಹೇಳಿಕೊಳ್ಳುತ್ತಿರುವ ಪಾಕಿಸ್ತಾನದ ವಿಚಾರದಲ್ಲಿ ಮತ್ತೊಮ್ಮೆ ಅನುಮಾನ ಹುಟ್ಟಿಸುವಂತಿದೆ ಈ ಎಹ್ಸನುಲ್ಲಾ ಎಹ್ಸಾನ್ ಪ್ರಕರಣ ಎಂದು ರಾಷ್ಟ್ರೀಯ ಮಾಧ್ಯಮವೊಂದು ವರದಿ ಮಾಡಿವೆ.
ಪಾಕ್ ಐಎಸ್ಐ ಎಹ್ಸನುಲ್ಲಾಗೆ ಎಲ್ಲ ರೀತಿಯ ವ್ಯವಸ್ಥೆಯನ್ನೂ ಮಾಡಿಕೊಟ್ಟಿದೆ. ಆಫ್ಘಾನ್ ನಾಯಕರ ವಿರುದ್ಧ ದಾಳಿಯ ಕಾರ್ಯಾಚರಣೆ ಸಂಚು ರೂಪಿಸಲಾಗುತ್ತಿದೆ ಎಂದು ತನಿಖೆ ನಡೆಸಿದ ಭಾರತೀಯ ಭದ್ರತಾ ಸಂಸ್ಥೆಗಳು ಮಾಹಿತಿ ನೀಡಿವೆ.
ಇದನ್ನೂ ಓದಿ: ಆನೆ ತಿಂದಿದ್ದು ಪೈನಾಪಲ್ನಲ್ಲಿ ತುಂಬಿದ್ದ ಸ್ಪೋಟಕವಲ್ಲ: ಓರ್ವ ಆರೋಪಿಯ ಬಂಧನ ಬಳಿಕ ಪ್ರಕರಣಕ್ಕೆ ತಿರುವು!
2014ರ ಡಿಸೆಂಬರ್ 16ರಂದು ಪಾಕಿಸ್ತಾನದ ತೆಹ್ರಿಕ್ ಎ ತಾಲಿಬಾನ್ನ 6 ಉಗ್ರರು ಪೇಷಾವರದ ಸೇನಾ ಶಾಲೆಯ ಮೇಲೆ ಗುಂಡಿನ ದಾಳಿ ನಡೆಸಿದ್ದರು. ಒಟ್ಟು 149 ಮಂದಿ ಇದರಲ್ಲಿ ಮೃತಪಟ್ಟಿದ್ದರು. ಅದರಲ್ಲೂ 132 ಮಕ್ಕಳೇ ಆಗಿದ್ದರು. ಪ್ರಕರಣಕ್ಕೆ ಸಂಬಂಧಪಟ್ಟಂತೆ 2015ರಲ್ಲಿ ನಾಲ್ವರು ಉಗ್ರರನ್ನು ಗಲ್ಲಿಗೇರಿಸಲಾಗಿತ್ತು.
ಈ ಪ್ರಮುಖ ಆರೋಪಿ ಎಹ್ಸನುಲ್ಲಾ ಎಹ್ಸಾನ್ ಪಾಕಿಸ್ತಾನದ ರಕ್ಷಣಾ ಅಧಿಕಾರಿಗಳ ಕಸ್ಟಡಿಯಲ್ಲಿ ಇದ್ದ. ಆದರೆ 2020ರ ಜನವರಿ 11ರಂದು ಆತ ಟರ್ಕಿಗೆ ಪರಾರಿಯಾಗಿದ್ದಾನೆ ಎಂಬುದಾಗಿ ಪಾಕ್ ತಿಳಿಸಿತ್ತು. ಅಷ್ಟೇ ಅಲ್ಲ, ಆತ ತನ್ನ ಪತ್ನನಿ, ಮಗ ಮತ್ತು ಮಗಳೊಂದಿಗೆ ಟರ್ಕಿಯಲ್ಲಿ ಇದ್ದಾನೆ ಎಂದೂ ಹೇಳಿತ್ತು. ಅಷ್ಟು ಬಿಗಿ ಭದ್ರತೆಯ ನಡುವೆ ಇದ್ದ ಓರ್ವ ಆರೋಪಿ ಹೇಗೆ ತಪ್ಪಿಸಿಕೊಂಡು ಹೋಗಲು ಸಾಧ್ಯ ಎಂದು ಶುಹಾದಾ ಎಪಿಎಸ್ ಫೋರಮ್ ಅಧ್ಯಕ್ಷ ಫಜಲ್ ಖಾನ್ ಅನುಮಾನ ವ್ಯಕ್ತಪಡಿಸಿದ್ದರು. (ಏಜೆನ್ಸೀಸ್) ಇದನ್ನೂ ಓದಿ: VIDEO| ತರಕಾರಿಗಳ ಮೇಲೆ ಜೀಪ್ ಹರಿಸಿ ಪೊಲೀಸರ ದರ್ಪ: ಜೀಪಿನ ವೇಗಕ್ಕೆ ಹೆದರಿ ಓಡಿದ ಬೀದಿಬದಿ ವ್ಯಾಪಾರಿಗಳು