ಬೆಂಗಳೂರು: ವಿದ್ಯಾರ್ಥಿಯೊಬ್ಬ ದೊಡ್ಡ ಟ್ರಾವೆಲ್ ಬ್ಯಾಗ್ನಲ್ಲಿ ತನ್ನ ಗೆಳೆತಿಯನ್ನ ತುಂಬಿಕೊಂಡು ಕಾಲೇಜು ಹಾಸ್ಟೆಲ್ಗೆ ಬಂದಿದ್ದ. ಗೆಳೆಯನಿಗೆ ಹತ್ತಿರವಾಗಲು ಖುಷಿಯಿಂದಲೇ ಬ್ಯಾಗ್ ಒಳಗೆ ಕೂತು ಯಾರಿಗೂ ಅನುಮಾನ ಬಾರದಂತೆ ಹಾಸ್ಟೆಲ್ ರೂಂ ಒಳ ಹೋಗಲು ಯುವತಿಯೂ ಸಿದ್ಧವಾಗಿದ್ದಳು. ಇನ್ನೇನು ಒಳ ಹೋಗಬೇಕು ಅನ್ನುವಷ್ಟರಲ್ಲಿ ಆಗಿದ್ದೇ ಬೇರೆ!
ಕಾಲೇಜು ವಿದ್ಯಾರ್ಥಿಯೊಬ್ಬ ತನ್ನ ಗೆಳತಿಯನ್ನು ಹಾಸ್ಟೆಲ್ ಒಳಗೆ ಕರೆದುಕೊಂಡು ಹೋಗಲು ದೊಡ್ಡ ಟ್ರಾವೆಲ್ ಬ್ಯಾಗ್ ಅನ್ನೇ ಅಸ್ತ್ರವನ್ನಾಗಿ ಬಳಸಿಕೊಂಡಿದ್ದ. ಹಾಸ್ಟೆಲ್ನಲ್ಲಿ ಯಾರಿಗೂ ಅನುಮಾನ ಬರುವುದಿಲ್ಲ. ಮೇಲ್ನೋಟಕ್ಕೆ ಬ್ಯಾಗ್ನಲ್ಲಿ ಬಟ್ಟೆ ಅಥವಾ ಪುಸ್ತಕ ಇರಬೇಕು ಅಂದುಕೊಳ್ತಾರೆ ಎಂದು ಯುವತಿಯನ್ನ ಅದರಲ್ಲಿ ಕೂರಿಸಿಕೊಂಡು ಸಲೀಸಾಗಿ ಹಾಸ್ಟೆಲ್ಗೆ ಬಂದಿದ್ದ. ಗೇಟ್ನಲ್ಲಿ ಯುವಕನನ್ನು ತಡೆದ ಸೆಕ್ಯೂರಿಟಿ ಗಾರ್ಡ್ಗಳು ಬ್ಯಾಗ್ನಲ್ಲಿ ಏನಿದೆ? ಓಪನ್ ಮಾಡು ಎಂದಿದ್ದಾರೆ.
ಭಯಗೊಂಡ ಯುವಕ, ಬ್ಯಾಗ್ ಸಮೇತ ಓಡಲು ಯತ್ನಿಸಿದ್ದಾನೆ. ಅಷ್ಟರಲ್ಲಿ ಅನುಮಾನಗೊಂಡು ಸೂಟ್ಕೇಸ್ ಓಪನ್ ಮಾಡಿದ್ರೆ ಅದರಲ್ಲಿ ಯುವತಿ! ತಕ್ಷಣ ಯುವತಿ ಅಲ್ಲಿಂದ ಹೊರ ಹೋಗಿದ್ದಾಳೆ. ಈ ಎಲ್ಲ ದೃಶ್ಯವೂ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಅಂದಹಾಗೆ ಇಂತಹ ವಿಲಕ್ಷಣ ಘಟನೆ ಉಡುಪಿ ಜಿಲ್ಲೆಯ ಮಣಿಪಾಲ ವಿವಿಯ ಎಂಐಟಿ ಕ್ಯಾಂಪಸ್ನಲ್ಲಿ ನಡೆದದ್ದು ಎನ್ನಲಾಗಿದೆ. ಆದರೆ, ಈ ವಿಡಿಯೋಗೂ ಮಣಿಪಾಲ್ಗೂ ಸಂಬಂಧವಿಲ್ಲ. ಇದು 2019ರಲ್ಲಿ ಉತ್ತರಖಾಂಡ್ನ ಡೆಹ್ರಾಡೂನ್ನಲ್ಲಿ ನಡೆದ ಘಟನೆ. ಹಳೇ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ.
ಮಗಳ ಜತೆ ತಾಯಿ ಆತ್ಮಹತ್ಯೆ! 10 ದಿನದ ಹಿಂದೆ ವಿದ್ಯಾರ್ಥಿನಿಯೊಬ್ಬಳ ಅಂತ್ಯಸಂಸ್ಕಾರದಲ್ಲಿ ಪಾಲ್ಗೊಂಡದ್ದೇ ಮುಳುವಾಯ್ತಾ?
4 ವರ್ಷದಿಂದ ಅಪ್ಪ ಲೈಂಗಿಕವಾಗಿ ಹಿಂಸಿಸ್ತಿದ್ದಾನೆ, ಈ ನರಕ ಸಹಿಸೋಕೆ ಆಗ್ತಿಲ್ಲಮ್ಮ… ಶಿವಮೊಗ್ಗದಲ್ಲಿ ತಾಯಿ-ಮಗಳ ನರಳಾಟ