ಚಿಕ್ಕೋಡಿ: ಬ್ಲ್ಯಾಕ್ ಫಂಗಸ್ನಿಂದ ಪತ್ನಿ ಮೃತಪಟ್ಟ ನೋವಿನಲ್ಲೇ ಇದ್ದ ಪತಿ, ನಾಲ್ವರು ಮಕ್ಕಳಿಗೂ ವಿಷ ಉಣಿಸಿ ದುರಂತ ಅಂತ್ಯ ಕಂಡಿದ್ದಾರೆ.
ಇಂತಹ ಹೃದಯವಿದ್ರಾವಕ ಘಟನೆ ಬೆಳಗಾವಿ ಜಿಲ್ಲೆ ಹುಕ್ಕೇರಿ ತಾಲೂಕಿನ ಬೋರಗಲ್ ಗ್ರಾಮದಲ್ಲಿ ಸಂಭವಿಸಿದ್ದು, ಊರಿಗೆ ಊರೇ ಬೆಚ್ಚಿಬಿದ್ದಿದೆ. ಗೋಪಾಲ್ ಹಾದಿಮನಿ(46), ಇವರ ಮಕ್ಕಳಾದ ಸೌಮ್ಯಾ ಹಾದಿಮನಿ(19), ಶ್ವೇತಾ ಹಾದಿಮನಿ(16), ಸಾಕ್ಷಿ ಹಾದಿಮನಿ(11), ಸೃಜನ ಹಾದಿಮನಿ(8) ಮೃತ ದುರ್ದೈವಿಗಳು. ಗೋಪಾಲ್ ಪತ್ನಿ ಜಯಾ ಅವರು ಬ್ಲ್ಯಾಕ್ ಫಂಗಸ್ಗೆ ಕಳೆದ ಜು.6 ರಂದು ಬಲಿಯಾಗಿದ್ದರು.
ಜಯಾಳ ಸಾವು ಪತಿ ಗೋಪಾಲ್ ಮತ್ತು ಮಕ್ಕಳನ್ನ ತೀವ್ರವಾಗಿ ಕಾಡಿತ್ತು. ಜೀವನದಲ್ಲಿ ಜಿಗುಪ್ಸೆಗೊಂಡ ಗೋಪಾಲ್ ಸಾಯುವ ನಿರ್ಧಾರಕ್ಕೆ ಬಂದು ತನ್ನ ನಾಲ್ವರು ಮಕ್ಕಳೊಂದಿಗೆ ವಿಷ ಸೇವಿಸಿ ಮನೆಯಲ್ಲೇ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಮಾಹಾಮಾರಿ ಕರೊನಾ ಲೆಕ್ಕವಿಲ್ಲದಷ್ಟು ಜನರ ಬದುಕನ್ನೇ ಕಸಿದುಕೊಂಡಿದೆ. ಕೋಟ್ಯಂತರ ಜನರ ಬದುಕನ್ನೇ ಮೂರಾಬಟ್ಟೆಯನ್ನಾಗಿಸಿದ್ದು, ಹಲವರು ಕುಟುಂಬಸ್ಥರನ್ನ ಕಳೆದುಕೊಂಡು ತಬ್ಬಲಿಗಳಾಗಿದ್ದಾರೆ. ಈ ಪಟ್ಟಿಗೆ ಗೋಪಾಲ್ ಹಾದಿಮನಿ ಕುಟುಂಬವೂ ಸೇರ್ಪಡೆಯಾಗಿದ್ದು, ಕರೊನಾ ಮತ್ತು ಬ್ಲ್ಯಾಕ್ ಫಂಗಸ್ನ ಭೀಕರತೆಗೆ ಸಾಕ್ಷಿ.
ಇನ್ನು ಈ ಸುದ್ದಿ ತಿಳಿಯುತ್ತಿದ್ದಂತೆ ಊರಿಗೇ ಊರೇ ಮೃತರ ಮನೆ ಬಳಿ ಜಮಾಯಿಸಿತ್ತು. ಕರೊನಾ ಮತ್ತು ಬ್ಲ್ಯಾಕ್ ಫಂಗಸ್ಗೆ ಹಿಡಿಶಾಪ ಹಾಕುತ್ತಾ, ಮಮ್ಮಲ ಮರುಗಿದರು. ಸ್ಥಳಕ್ಕೆ ಬಂದ ಸಂಕೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಬಂದಿದ್ದ ರಾಯಚೂರಿನ ದಂಪತಿ ಬಾಳಲ್ಲಿ ದುರಂತ: ಕಾರಿನಲ್ಲೇ ನವವಿವಾಹಿತೆ ಜಲಸಮಾಧಿ!
video/ ಅಯ್ಯೋ ವಿಧಿಯೇ.. ನೀನೆಷ್ಟು ಕ್ರೂರಿ? ಇದು ಕರೊನಾದ ಅತ್ಯಂತ ಕರಾಳ ಮುಖ
ಇಂಟರ್ನ್ಶಿಪ್ ವಿದ್ಯಾರ್ಥಿನಿಗೆ ಹಿರಿಯ ವಕೀಲನಿಂದ ಲೈಂಗಿಕ ಕಿರುಕುಳ: ಪ್ರಕರಣ ತಿರುಚಲು ಹೋಗಿ ಸಿಕ್ಕಿಬಿದ್ದ ಮಹಿಳೆ