ಬೆಂಗಳೂರು: ಯುವಕರಿಗೆ ಸೆಡ್ಡು ಹೊಡೆದಿರುವ 92 ವಷರ್ದ ವೃದ್ಧರೊಬ್ಬರು 5ಕಿಮೀ ಮ್ಯಾರಥಾನ್ ಪೂರ್ಣಗೊಳಿಸುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ.
ಮ್ಯಾರಥಾನ್ನಲ್ಲಿ 92ವರ್ಷದ ವೃದ್ಧ ದತ್ತಾತೇತ್ರಯ ಅವರೊಂದಿಗೆ ಬಿಜೆಪಿ ಸಂಸದ ತೇಜಸ್ವಿ ಸೂರ್ಯ ಅವರು ಪಾಲ್ಗೊಂಡು ಈ ವಯಸ್ಸಿನಲ್ಲೂ ಅವರ ಚೈತನ್ಯ ಸ್ಫೂರ್ತಿದಾಯಕ ಎಂದು ಹೊಗಳಿದ್ದಾರೆ.
ಬೆಂಗಳೂರಿನ ಕಂಠೀರವ ಸ್ಟೇಡಿಯಂ ಕ್ರೀಡಾಂಗಣದಲ್ಲಿ ಭಾನುವಾರ ಆಯೋಜಿಸಲಾಗಿದ್ದ 8ನೇ ಆವೃತ್ತಿಯ ಮ್ಯಾರಥಾನ್ನಲ್ಲಿ 5ಕಿಮೀ ಓಡುವ ಮೂಲಕ ಮ್ಯಾರಥಾನ್ ಯಶಸ್ವಿಗೊಳಿಸಿದ ವೃದ್ಧ ದತ್ತಾತ್ರೇಯ ಅವರೊಂದಿಗೆ ಹೆಜ್ಜೆ ಹಾಕಿರುವ ವಿಡಿಯೋವನ್ನು ತಮ್ಮ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ.ದತ್ತಾತ್ರೇಯ ಅವರು ಪ್ರತಿಯೊಬ್ಬ ಬೆಂಗಳೂರಿಗರ ದೃಢತೆ ಹಾಗೂ ಚೈತನ್ಯದ ಸಂಕೇತವಾಗಿದ್ದಾರೆ ಎಂದು ತೇಜಸ್ವಿ ಸೂರ್ಯ ಹೇಳಿದ್ದಾರೆ.