ಮುಂಬೈ: ಸ್ಮಾಲ್ ಕ್ಯಾಪ್ ಕಂಪನಿಯಾದ ಸಲಾಸರ್ ಟೆಕ್ನೋ ಇಂಜಿನಿಯರಿಂಗ್ ಲಿಮಿಟೆಡ್ (Salasar Techno Engineering Ltd.) ಷೇರುಗಳು ಗುರುವಾರ ಭರ್ಜರಿ ಏರಿಕೆ ಕಂಡಿವೆ. ವಹಿವಾಟಿನ ವೇಳೆ ಈ ಸ್ಟಾಕ್ ಬೆಲೆ ಅಪ್ಪರ್ ಸರ್ಕ್ಯೂಟ್ ಹಿಟ್ ಆಗಿ 20.65 ರೂ. ತಲುಪಿದವು. ಈ ಷೇರಿನ ಹಿಂದಿನ ದಿನ ಮುಕ್ತಾಯದ ಬೆಲೆ ರೂ 19.67 ಆಗಿತ್ತು.
ಕಳೆದ ವಹಿವಾಟಿನ ದಿನದಂದು ಈ ಷೇರುಗಳ ಬೆಲೆ 5 ಪ್ರತಿಶತದಷ್ಟು ಲೋವರ್ ಸರ್ಕ್ಯೂಟ್ ಹಿಟ್ ಆಗಿತ್ತು. ಕಂಪನಿಯು 7 ದೊಡ್ಡ ಆರ್ಡರ್ಗಳನ್ನು ಪಡೆದಿರುವುದು ಈ ಹೆಚ್ಚಳಕ್ಕೆ ಕಾರಣವಾಗಿದೆ. ಕಳೆದ ಫೆಬ್ರವರಿ 7 ರಂದು ಷೇರಿನ ಬೆಲೆ ರೂ 34.08 ಆಗಿತ್ತು. ಕಳೆದ ಮಾರ್ಚ್ 28 ರಂದು ಷೇರಿನ ಬೆಲೆ 7.20 ರೂ. ಇತ್ತು. ಇವು 52 ವಾರಗಳ ಗರಿಷ್ಠ ಮತ್ತು ಕನಿಷ್ಠ ಬೆಲೆಯಾಗಿದೆ.
ತಮಿಳುನಾಡು ಜನರೇಷನ್ ಮತ್ತು ಡಿಸ್ಟ್ರಿಬ್ಯೂಷನ್ ಕಾರ್ಪೊರೇಷನ್ ಲಿಮಿಟೆಡ್ ನಿಂದ ಸಲಾಸರ್ ಟೆಕ್ನೋ ಎಂಜಿನಿಯರಿಂಗ್ ಲಿಮಿಟೆಡ್ 1,034 ಕೋಟಿ ರೂಪಾಯಿ ಮೊತ್ತದ ಏಳು ಆರ್ಡರ್ಗಳು ದೊರೆತಿವೆ. ಈ ಕಂಪನಿಯು ತಮಿಳುನಾಡಿನ ಕೊಯಮತ್ತೂರು ಜಿಲ್ಲೆಯಲ್ಲಿ ಸಂಪೂರ್ಣ ಟರ್ನ್ಕೀ ಸೇವೆಯನ್ನು (ಡಿಟಿ, ಪೋಲ್ ಮತ್ತು ಬೇಸ್ ಪ್ಲೇಟ್ ಹೊರತುಪಡಿಸಿ) ಒದಗಿಸುತ್ತದೆ. ತಿರುವಳ್ಳೂರು, ಕಾಂಚೀಪುರಂ, ಚೆಂಗಲ್ಪಟ್ಟು, ಕರೂರ್ (ಗ್ರಾಮೀಣ ವಿಭಾಗ), ಕೃಷ್ಣಗಿರಿ, ಪಲ್ಲಿಕೊಂಡ, ವೆಲ್ಲೂರು (ವೆಲ್ಲೂರು ಮತ್ತು ಕಟ್ಪಾಡಿ ವಿಭಾಗಗಳು) ಸೇರಿದಂತೆ ತಮಿಳುನಾಡಿನ ವಿವಿಧ ಜಿಲ್ಲೆಗಳಲ್ಲಿ ನಷ್ಟವನ್ನು ಕಡಿಮೆ ಮಾಡಲು ಮತ್ತು ಕಾರ್ಯಾಚರಣೆಯ ಕೌಶಲ್ಯವನ್ನು ಹೆಚ್ಚಿಸಲು ವಿತರಣಾ ಮೂಲಸೌಕರ್ಯವನ್ನು ಸುಧಾರಿಸಲು ಇದು ಗಮನಹರಿಸುತ್ತದೆ.
ತಮಿಳುನಾಡು ಜನರೇಷನ್ ಮತ್ತು ಡಿಸ್ಟ್ರಿಬ್ಯೂಷನ್ ಕಾರ್ಪೊರೇಷನ್ ಲಿಮಿಟೆಡ್ನಿಂದ 1034 ಕೋಟಿ ರೂಪಾಯಿ ಮೌಲ್ಯದ ಹಲವಾರು ಯೋಜನೆಗಳಿಗೆ ನಾವು ಅನುಮೋದನೆಯನ್ನು ಪಡೆದಿದ್ದೇವೆ ಎಂದು ಘೋಷಿಸಲು ನಾವು ಸಂತೋಷಪಡುತ್ತೇವೆ. ನಮ್ಮ ಪಾಲಿಗೆ ಇದು ದೊಡ್ಡ ಸಾಧನೆಯಾಗಿದೆ ಎಂದು ಕಂಪನಿ ಹೇಳಿದೆ.
ಇದು ಮಹತ್ವದ ಕ್ಷಣವಾಗಿದ್ದು, ಇಂಜಿನಿಯರಿಂಗ್, ಇನ್ಫ್ರಾ ವಲಯದಲ್ಲಿ ನಮ್ಮ ಸ್ಥಾನವನ್ನು ಬಲಪಡಿಸುತ್ತದೆ. 50,000 ಕ್ಕೂ ಹೆಚ್ಚು ಟೆಲಿಕಾಂ ಟವರ್ಗಳು, ಸರಿಸುಮಾರು 746 ಕಿಲೋಮೀಟರ್ ಪವರ್ ಟ್ರಾನ್ಸ್ಮಿಷನ್ ಲೈನ್ಗಳು ಮತ್ತು ಸರಿಸುಮಾರು 629 ಕಿಲೋಮೀಟರ್ ರೈಲ್ವೇ ಟ್ರ್ಯಾಕ್ ಅನ್ನು ಪೂರೈಸುವ ದಾಖಲೆಯೊಂದಿಗೆ, ಸಲಾಸರ್ ಟೆಕ್ನೋ 25 ಕ್ಕೂ ಹೆಚ್ಚು ದೇಶಗಳಲ್ಲಿ 600 ಕ್ಕೂ ಹೆಚ್ಚು ಗ್ರಾಹಕರಿಗೆ ಸೇವೆ ಸಲ್ಲಿಸಿದೆ.
ಮ್ಯೂಚುವಲ್ ಫಂಡ್ಗಳಿಂದ ಷೇರುಗಳ ಶಾಪಿಂಗ್: ಬುಧವಾರದ ಮಹಾಕುಸಿತದ ನಂತರ ಗುರುವಾರ ಅದ್ಭುತ ಚೇತರಿಕೆ
ವಿಮಾನಯಾನ ಸಂಸ್ಥೆ ಷೇರು ಬೆಲೆ ಆಗಸಕ್ಕೆ ಜಿಗಿತ: 50 ರೂಪಾಯಿಯ ಷೇರು 9% ಹೆಚ್ಚಾಗಲು ಕಾರಣವೇನು?