ನವದೆಹಲಿ: 6 ತಿಂಗಳನ್ನು ಕಳೆಯುವ ಮೂಲಕ 2023ರ ಅರ್ಧ ದಾರಿಯನ್ನು ನಾವು ಮುಗಿಸಿದ್ದು, ಇನ್ನು 6 ತಿಂಗಳನ್ನು ಮುಗಿಸುವ ಮೂಲಕ ವರ್ಷವನ್ನು ಪೂರ್ಣಗೊಳಿಸುತ್ತೇವೆ. ಈ ನಡುವೆ 2023ರ ಮೊದಲಾರ್ಧದಲ್ಲಿ ಬಿಡುಗಡೆಗೊಂಡ ಭಾರತೀಯ ಚಿತ್ರಗಳು ಮೈಲಿಗಲ್ಲು ಸಾಧಿಸಿರುವುದು ಇದೀಗ ಇಂಡಿಯನ್ ಫಿಲಂ ಇಂಡಸ್ಟ್ರಿಗೆ ಸಂತಸವನ್ನು ನೀಡಿದೆ.
ಇದನ್ನೂ ಓದಿ: ಗುಣಮಟ್ಟದ ವಿದ್ಯುತ್ ಪೂರೈಸುಂತೆ ಒತ್ತಾಯಿಸಿ ರೈತ ಸಂಘದಿಂದ ಪ್ರತಿಭಟನೆ
ವರದಿಯ ಪ್ರಕಾರ 2023ರ ಪ್ರಾರಂಭದಲ್ಲಿ ಬಿಡುಗಡೆಗೊಂಡ ಟಾಲಿವುಡ್ ಚಿತ್ರರಂಗದ ವಾಲ್ಟೇರ್ ವೀರಯ್ಯ, ವೀರ ಸಿಂಹ ರೆಡ್ಡಿ, ದಸರಾ ಮತ್ತು ವಿರೂಪಾಕ್ಷ ಚಿತ್ರಗಳು 100 ಕೋಟಿ ಗಳಿಕೆಯನ್ನು ತಲುಪವಲ್ಲಿ ಯಶಸ್ವಿಯಾಗಿವೆ. ಈ ನಾಲ್ಕೂ ಚಿತ್ರಗಳು ಆಯಾ ಸ್ಟಾರ್ ನಟರ ವೃತ್ತಿಜೀವನದಲ್ಲಿ ದೊಡ್ಡ ಹಿಟ್ ತಂದುಕೊಟ್ಟಿದೆ. ತಮಿಳು ಚಿತ್ರರಂಗ ವರಿಸು, ತುನಿವು ಮತ್ತು ಪೊನ್ನಿಯಿನ್ ಸೆಲ್ವನ್ 2 ಚಿತ್ರಗಳು ಸಹ 100 ಕೋಟಿ ಗಳಿಕೆ ಕಂಡಿವೆ.
ಬಾಲಿವುಡ್ನ ಪಠಾನ್, ತೂ ಜೂಥಿ ಮೈನ್ ಮಕ್ಕರ್, ಭೋಲಾ, ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್, ದಿ ಕೇರಳ ಸ್ಟೋರಿ, ಜರಾ ಹಟ್ಕೆ ಜರಾ ಬಚ್ಕೆ, ಮತ್ತು ಸತ್ಯ ಪ್ರೇಮ್ ಕಿ ಕಥಾ ಚಿತ್ರಗಳು ಕೂಡ 100 ಕೋಟಿ ಲಾಭವನ್ನು ಗಳಿಸಿದೆ. ಒಟ್ಟಾರೆ ಈ ಎಲ್ಲಾ ಸಿನಿಮಾಗಳು ವ್ಯಾಪಕ ದಾಖಲೆಯನ್ನು ನಿರ್ಮಿಸಿದ್ದು, ಮುಂದಿನಾರ್ಧದಲ್ಲಿ ಯಾವ ಚಿತ್ರಗಳು ಹೇಗೆ ಮೋಡಿ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ,(ಏಜೆನ್ಸೀಸ್).