ಬ್ಯಾಡಗಿ: ಇಲ್ಲಿನ ಮೆಣಸಿನಕಾಯಿ ಮಾರುಕಟ್ಟೆಗೆ ಗುರುವಾರ 1,69,161 ಮೆಣಸಿನಕಾಯಿ ಚೀಲ ಆವಕಗೊಂಡಿವೆ.
ಕಳೆದ ವಾರ ಒಂದೂವರೆ ಲಕ್ಷ ಚೀಲ ತಲುಪಿದ ಆವಕ ಗುರುವಾರ ದಿಢೀರ್ ಏರಿಕೆಯಾಗಿದೆ. ಎಲ್ಲೆಡೆ ಲಾಕ್ಡೌನ್ ಭೀತಿ ಹಾಗೂ ಸಂಕ್ರಾತಿ ಹಬ್ಬದ ಹಿನ್ನೆಲೆಯಲ್ಲಿ ರೈತರು ಮುಂಗಡವಾಗಿ ಮೆಣಸಿನಕಾಯಿಯನ್ನು ಮಾರುಕಟ್ಟೆಗೆ ತಂದಿದ್ದಾರೆ ಎನ್ನಲಾಗುತ್ತಿದೆ. ಮಾರುಕಟ್ಟೆಯಲ್ಲಿ ಜಾಗದ ಕೊರತೆಯಿಂದಾಗಿ ರಸ್ತೆ ಬದಿ ವಾಹನಗಳು ಸಾಲುಸಾಲಾಗಿ ನಿಂತಿದ್ದವು.
ದರ: ಗುರುವಾರದ ಟೆಂಡರ್ನಲ್ಲಿ ಕಡ್ಡಿಕಾಯಿ 2689ರಿಂದ 44319 ಸಾವಿರ ರೂಪಾಯಿ, ಡಬ್ಬಿ 2209ರಿಂದ 42229 ಸಾ.ರೂ. ಹಾಗೂ ಗುಂಟೂರು 869ರಿಂದ 13009 ಸಾ.ರೂ. ದರದಲ್ಲಿ ಮಾರಾಟವಾಗಿವೆ. ಕಡ್ಡಿ ತಳಿಯ 3 ಚೀಲಗಳಿಗೆ ಅತಿಹೆಚ್ಚಿನ 44319 ಸಾ.ರೂ. ದರ ಲಭಿಸಿದೆ ಎಂದು ಮಾರುಕಟ್ಟೆ ಮೂಲಗಳು ತಿಳಿಸಿವೆ.