ನವದೆಹಲಿ: ಕಳೆದ ನಾಲ್ಕು ದಿನಗಳಲ್ಲಿ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್ಐ)ದ 108 ಕಾರ್ಯಕರ್ತರನ್ನು ಬಂಧಿಸಲಾಗಿದೆ. ಈ ಮೊದಲು 25 ಮಂದಿಯನ್ನು ಬಂಧಿಸಲಾಗಿತ್ತು.
ಉತ್ತರ ಪ್ರದೇಶ ಸರ್ಕಾರದ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಅವನೀಶ್ ಕೆ. ಅವಸ್ತಿ ಮಾಹಿತಿ ನೀಡಿ, ಈಗಾಗಲೇ ಪಿಎಫ್ಐನ 25 ಕಾರ್ಯಕರ್ತರನ್ನು ಬಂಧಿಸಲಾಗಿತ್ತು. ಈಗ ಇದಕ್ಕೆ ಸಂಬಂಧಪಟ್ಟಂತೆ ಬಂಧಿತರ ಸಂಖ್ಯೆ 108ಕ್ಕೇರಿದೆ ಎಂದರು.
ಪೌರತ್ವ ತಿದ್ದುಪಡಿ ಕಾಯ್ದೆ ವಿರೋಧಿಸಿ ನಡೆಸುತ್ತಿದ್ದ ಪ್ರತಿಭಟನೆಯಲ್ಲಿ ಪಿಎಫ್ಐ ಸಂಘಟನೆ ಗಲಭೆ ಕಾರಣ ಎಂದು ಆರೋಪಿಸಲಾಗಿತ್ತು. ಹಿಂಸಾಚಾರ ಸೃಷ್ಟಿಸಲು ಸಂಘಟನೆ ಖಾತೆಗೆ ವಿವಿಧ ಮೂಲಗಳಿಂದ ಅಂದಾಜು 120 ಕೋಟಿ ರೂಪಾಯಿ ಬಂದಿತ್ತು.
ಪಿಎಫ್ಐಗೆ ಸಂಬಂಧ ಹೆಚ್ಚಿನ ಮಾಹಿತಿ ಕಲೆ ಹಾಕಲಾಗುತ್ತಿದೆ. ಜತೆಗೆ ಸಂಘಟನೆಗೆ ಬಂದ ಹಣದ ಮೂಲದ ಬಗ್ಗೆಯೂ ಮಾಹಿತಿ ಸಂಗ್ರಹಿಸಲಾಗುತ್ತಿದೆ. ಇದಕ್ಕೆ ಕೇಂದ್ರ ತನಿಖಾ ದಳದ ಸಹಾಯ ಪಡೆಯಲಾಗುತ್ತಿದೆ. ನಮ್ಮ ಉದ್ದೇಶ ಅವರ ವಿರುದ್ಧ ಕ್ರಮಕೈಗೊಳ್ಳುವುದು ಎಂದರು.
ಮಧ್ಯಂತರ ಡಿಜಿಪಿ ಹಿತೇಶ್ ಚಂದ್ರ ಅವಸ್ತಿ ಮಾತನಾಡಿ, ಲಖ್ನೌದಿಂದ 14, ಸೀತಾಪುರದಿಂದ 3, ಮೇರಠ್ನಿಂದ 21, ಘಜಿಯಾಬಾದ್ನಿಂದ 9, ಮುಜಾಫರ್ನಗರದಿಂದ 6, ಶಮ್ಲಿಯಿಂದ 7, ಬಿಜನೊರ್ನಿಂದ 4, ವಾರಾಣಸಿಯಿಂದ 20, ಕಾನ್ಪುರದಿಂದ 5, ಬಹರೈಚ್ನಿಂದ 16 ಮತ್ತು ಗೊಂಡ್ಲಾ, ಘಾಪುರ ಹಾಗೂ ಜೌನ್ಪುರದಿಂದ ತಲಾ ಒಬ್ಬರನ್ನು ಈವರೆಗೆ ಬಂಧಿಸಲಾಗಿದ್ದು, ವಿಚಾರಣೆ ನಡೆಸಲಾಗುತ್ತಿದೆ ಎಂದು ಮಾಹಿತಿ ನೀಡಿದರು. (ಏಜೆನ್ಸೀಸ್)