ಕಾರವಾರ: ಹಳಿಯಾಳದ 8 ವರ್ಷದ ಅಂಗವಿಕಲ ಬಾಲಕನಿಗೆ ಕರೊನಾ ಸೋಂಕು ಇರುವುದು ಗುರುವಾರ ಖಚಿತವಾಗಿದೆ.
ಮಹಾರಾಷ್ಟ್ರದ ದಾರ್ನಿಂದ ವಾಪಸಾಗಿದ್ದ ಹಳಿಯಾಳ ಸಿದ್ಧರಾಮೇಶ್ವರ ಗಲ್ಲಿಯ ಕುಟುಂಬದ 21 ವರ್ಷದ ಮಹಿಳೆಗೆ ಸಾಂಸ್ಥಿಕ ಕ್ವಾರಂಟೈನ್ ಮುಗಿಸಿ ಮನೆಗೆ ತೆರಳಿದ ನಂತರ ರೋಗ ಇರುವುದು ಖಚಿತವಾಗಿತ್ತು. ಈಗ ಆಕೆಯ ಮಗನಿಗೆ (ಯುಕೆ-125)ರೋಗ ಇರುವುದು ಕಂಡುಬಂದಿದೆ. ಅವರ ಸಂಪರ್ಕಕ್ಕೆ ಬಂದ ಇನ್ನೂ ಏಳು ಜನರ ಗಂಟಲ ದ್ರವದ ಮಾದರಿಯ ವರದಿ ಬರುವುದು ಬಾಕಿ ಇದೆ. ಜಿಲ್ಲೆಯ ಒಟ್ಟಾರೆ ಸೋಂಕಿತರ ಸಂಖ್ಯೆ 125 ಕ್ಕೆ ತಲುಪಿದೆ.