ಶರಾವತಿ ಪೊಲೀಸ್ ಪಡೆಗೆ ಸ್ಕೂಟರ್

ಕಾರವಾರ: ಮಹಿಳೆಯರು, ಮಕ್ಕಳ ರಕ್ಷಣೆಗಾಗಿ ಜಿಲ್ಲೆಯ ಕರಾವಳಿಯಲ್ಲಿ ರಚನೆಯಾಗಿರುವ ಶರಾವತಿ ಎಂಬ ಪೊಲೀಸ್ ಪಡೆಗೆ ಸರ್ಕಾರದಿಂದ ಸ್ಕೂಟರ್​ಗಳನ್ನು ನೀಡಲಾಗಿದೆ. ನಿರ್ಭಯಾ ಯೋಜನೆಯಡಿ ಜಿಲ್ಲೆಗೆ 25 ಬೈಕ್​ಗಳು ಮಂಜೂರಾಗಿದ್ದು, ಎಸ್​ಪಿ ಶಿವಪ್ರಕಾಶ ದೇವರಾಜು ಆಯ್ದ ಮಹಿಳಾ ಪೊಲೀಸ್ ಅಧಿಕಾರಿಗಳಿಗೆ ಸ್ಕೂಟರ್​ಗಳನ್ನು ಮಂಗಳವಾರ ಹಸ್ತಾಂತರಿಸಿದರು. ಡಿವೈಎಸ್​ಪಿ ಅರವಿಂದ ಕಲಗುಜ್ಜಿ ಇದ್ದರು. ಮುಂದಿನ ದಿನದಲ್ಲಿ ಓಬವ್ವ ಪಡೆಗೂ ಬೈಕ್ ನೀಡಲಾಗುವುದು ಎಂದು ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಮಾಹಿತಿ ನೀಡಿದ್ದಾರೆ.