ಹಳಿಯಾಳ: ಲಾಕ್ಡೌನ್ನಿಂದಾಗಿ ಕೆಲಸವಿಲ್ಲದೇ ಆರ್ಥಿಕ ಸಂಕಷ್ಟಕ್ಕೊಳಗಾಗಿ ತಮ್ಮ ಊರಿಗೆ ಹೋಗಲು ಪರದಾಡುತ್ತಿದ್ದ ಕಾರ್ವಿುಕರು ಬುಧವಾರ ತಮ್ಮ ಸ್ವಕ್ಷೇತ್ರ ಉತ್ತರಪ್ರದೇಶ ಹಾಗೂ ಬಿಹಾರ ರಾಜ್ಯಕ್ಕೆ ಪ್ರಯಾಣ ಬೆಳೆಸಿದರು.
ಶಾಸಕ ಆರ್.ವಿ. ದೇಶಪಾಂಡೆ ಅವರು ವಿಆರ್ಡಿ ಟ್ರಸ್ಟ್ ಮೂಲಕ, ವಲಸೆ ಕಾರ್ವಿುಕರಿಗೆ ಹುಬ್ಬಳ್ಳಿಗೆ ತೆರಳಲು ಐದು ಬಸ್ ಹಾಗೂ ಪ್ರಯಾಣದ ಸಮಯದಲ್ಲಿ ಬೇಕಾಗುವ ಆಹಾರ, ಅಗತ್ಯ ವಸ್ತುಗಳ ವ್ಯವಸ್ಥೆ ಮಾಡಿದ್ದರು. ಹಳಿಯಾಳ ಮತ್ತು ದಾಂಡೇಲಿ ತಾಲೂಕಿನಲ್ಲಿ ಕಟ್ಟಡ ನಿರ್ವಣ, ಪ್ಲಂಬಿಂಗ್, ಸಕ್ಕರೆ ಕಾರ್ಖಾನೆ, ಹೋಟೆಲ್ಗಳಲ್ಲಿ ಕೆಲಸ ಮಾಡುತ್ತಿದ್ದರು. ಸೇವಾ ಸಿಂಧು ತಂತ್ರಾಂಶದ ಮೂಲಕ ಹಳಿಯಾಳ ಮತ್ತು ದಾಂಡೇಲಿಯಿಂದ ಬಿಹಾರಕ್ಕೆ ಹೋಗುವ 35 ಹಾಗೂ ಉತ್ತರಪ್ರದೇಶಕ್ಕೆ ತೆರಳುವ 134 ಕಾರ್ವಿುಕರು ಹೆಸರು ನೋಂದಾಯಿಸಿದ್ದರು. ಹುಬ್ಬಳ್ಳಿಯಿಂದ ಬುಧವಾರ ಶ್ರಮಿಕ ಎಕ್ಸ್ಪ್ರೆಸ್ನಲ್ಲಿ ಇವರು ತೆರಳಲು ಹೆಸರು ನೋಂದಾಯಿಸಿದ್ದರು.
ಇಲ್ಲಿಯ ಮಿನಿವಿಧಾನಸೌಧದಲ್ಲಿ ಕಾರ್ವಿುಕರ ಥರ್ಮಲ್ ಸ್ಕ್ರೀನಿಂಗ್ ನಡೆಸಲಾಯಿತು. ತಹಸೀಲ್ದಾರ್ ವಿದ್ಯಾಧರ ಗುಳಗುಳೆ, ವಿಆರ್ಡಿ ಟ್ರಸ್ಟ್ ಆಡಳಿತಾಧಿಕಾರಿ ಪ್ರಕಾಶ ಪ್ರಭು, ಕಂದಾಯ ಇಲಾಖೆಯ ಕಾರ್ವಿುಕರ ವಲಸೆ ನಿರ್ವಹಣೆ ವಿಭಾಗಾಧಿಕಾರಿ ಕಿರಣ ಜಕ್ಕಲಿ, ಪರಶುರಾಮ ಶಿಂಧೆ, ರಾಮಕ್ಕ ಕೊರ್ವಿ, ಎಎಸ್ಐ ಮಹಾಬಳೇಶ್ವರ ಗಡೇರ, ಶಾಸಕರ ಆಪ್ತ ಸಹಾಯಕ ಸೂರಜ ಪತ್ರಿ, ಅವಿನಾಶ ಲೋಣಿ, ಸುಕುಮಾರ ಉಪಾಧ್ಯಾಯ, ಗಣೇಶ ಭಟ್, ವಿಕ್ರಮ ಲೋಖಂಡೆ, ಎಸ್.ಜಿ. ಮಾನಗೆ ಉಪಸ್ಥಿತರಿದ್ದರು.