ಬೆಳಗಾವಿ: ದೇಶದಲ್ಲಿಯೇ ಪ್ರಪ್ರಥಮ ಬಾರಿಗೆ ಬಸ್ ಪ್ರಯಾಣಿಕರ ಅನುಕೂಲಕ್ಕಾಗಿ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬೆಳಗಾವಿಯ ವಿಭಾಗವು ರೇಡಿಯೋ ಫ್ರಿಕ್ವೆನ್ಸಿ ಐಡೆಂಟಿಫಿಕೇಷನ್ ಡಿವೈಸ್ (ಆರ್ಪಿಐಡಿ) ಕಾರ್ಡ್ ಪರಿಚಯಿಸಿದೆ.
ಸರ್ಕಾರಿ ಸಾರಿಗೆ ಬಸ್ನಲ್ಲಿ ಪ್ರಯಾಣಿಸುವ ಪ್ರಯಾಣಿಕರು ಆರ್ಪಿಐಡಿ ಕಾರ್ಡ್ಗಳಿಗೆ ಕನಿಷ್ಠ 10 ರೂ.ದಿಂದ 250 ರೂ.ಗಿಂತ ಹೆಚ್ಚಿನ ರಿಚಾರ್ಜ್ ಮಾಡಿಸಬಹುದು. ಈ ಕಾರ್ಡ್ ಎಲೆಕ್ಟ್ರಾನಿಕ್ ಟಿಕೆಟ್ ಮಷಿನ್ನಲ್ಲಿ ಸ್ಕಾ$್ಯನ್ ಆಗುತ್ತದೆ. ಇದರಿಂದ ಪ್ರಯಾಣಿಕರಿಗೆ ಮತ್ತು ನಿರ್ವಾಹಕರಿಗೆ ಸಮಯವೂ ಉಳಿತಾಯವಾಗಲಿದೆ.
ಚಿಲ್ಲರೆ ಸಮಸ್ಯೆಯೂ ತಪ್ಪಲಿದೆ. ಈ ಕಾರ್ಡ್ಗಳನ್ನು ಮುಂಗಡವಾಗಿ ರಿಚಾರ್ಜ್ ಮಾಡಿಸಿಕೊಂಡರೆ ಶೇ.10ರಷ್ಟು ಹಣ ಬೋನಸ್ ಸಿಗಲಿದೆ. ಬೆಳಗಾವಿ ನಗರದ ಕೇಂದ್ರ ಬಸ್ ನಿಲ್ದಾಣದಲ್ಲಿ ಮಂಗಳವಾರ ಶಾಸಕ ಅಭಯ ಪಾಟೀಲ ಆರ್ಪಿಐಡಿ ಕಾರ್ಡ್ ಬಿಡುಗಡೆಗೊಳಿಸಿ ಮಾತನಾಡಿ, ಸ್ಮಾರ್ಟ್ಸಿಟಿ ಬೆಳಗಾವಿಯಲ್ಲಿ ಸಾರಿಗೆ ಸಂಸ್ಥೆ ಸ್ಮಾರ್ಟ್ ಸೇವೆ ಒದಗಿಸಲು ಮುಂದಾಗಿರುವುದು ಸಂತಸದ ಸಂಗತಿ. ಪ್ರಯಾಣಿಕರು ಸದುಪಯೋಗ ಪಡೆದುಕೊಳ್ಳಬೇಕು ಎಂದರು.
ಸಾರಿಗೆ ಸಂಸ್ಥೆ ಹುಬ್ಬಳ್ಳಿ ಕೇಂದ್ರ ಕಚೇರಿ ಅಂಕಿಸಂಖ್ಯಾಧಿಕಾರಿ ಮಹಾಂತೇಶ ಕಪಲಿ ಮಾತನಾಡಿ, ಪ್ರಾಯೋಗಿಕವಾಗಿ ಸಿಬಿಟಿಯಿಂದ ಅನಗೋಳ, ವಡಗಾವಿ ಹಾಗೂ ಯಳ್ಳೂರು ಮಾರ್ಗದ ಬಸ್ಗಳಲ್ಲಿ ವಿನೂತನ ಸೇವೆ ಪರಿಚಯಿಸಲಾಗುತ್ತಿದೆ. ಸದ್ಯ ಕೇಂದ್ರ ಬಸ್ ನಿಲ್ದಾಣದಲ್ಲಿ ಕಾರ್ಡ್ ಒದಗಿಸಲಾಗುವುದು ಎಂದರು. ಹುಬ್ಬಳ್ಳಿ ಕೇಂದ್ರ ಕಚೇರಿ ವ್ಯವಸ್ಥಾಪಕಿ ವಿಜಯಶ್ರೀ ನರಗುಂದ, ಬೆಳಗಾವಿ ವಿಭಾಗೀಯ ನಿಯಂತ್ರಣಾಧಿಕಾರಿ ಪಿ.ವೈ.ನಾಯಕ, ವಿಭಾಗೀಯ ಸಂಚಾರ ಅಧಿಕಾರಿ ಕೆ.ಕೆ.ಲಮಾಣಿ, ಸುರತಾ ಅಧಿಕಾರಿ ಬಿ.ಡಿ.ಗುರಿಕಾರ, ಅನಂತ ಶಿರಗುಪ್ಪಿಕರ ಇತರರಿದ್ದರು.