ಕಾರವಾರ: ಅರಬ್ಬಿ ಸಮುದ್ರದಲ್ಲಿ ನಿಷೇಧಿತ ಲೈಟ್ ಫಿಶಿಂಗ್ ನಡೆಸುತ್ತಿದ್ದ ಆರೋಪದ ಮೇಲೆ ಗೋವಾ ರಾಜ್ಯದ ಎರಡು ಬೋಟ್ಗಳನ್ನು ಕೋಸ್ಟ್ಗಾರ್ಡ್ ಅಧಿಕಾರಿಗಳು ಮಂಗಳವಾರ ರಾತ್ರಿ ವಶಕ್ಕೆ ಪಡೆದಿದ್ದಾರೆ.
ಮಾಲ್ವಿನ್ ಅವರಿಗೆ ಸೇರಿದ ಮರ್ಸಿ ಗ್ರೇಸ್ 1 ಹಾಗೂ 2 ಎಂಬ ಹೆಸರಿನ ಎರಡು ಬೋಟ್ಗಳನ್ನು ಕೋಸ್ಟ್ಗಾರ್ಡ್ ಅಧಿಕಾರಿಗಳು ವಶಕ್ಕೆ ಪಡೆದು ಕರಾವಳಿ ಕಾವಲು ಪಡೆಯ ಸಹಾಯದಲ್ಲಿ ಇಲ್ಲಿನ ಬೈತಖೋಲ್ ಬಂದರಿಗೆ ಎಳೆತಂದಿದ್ದಾರೆ.
ಮೀನುಗಾರಿಕೆ ಇಲಾಖೆ ಅಧಿಕಾರಿಗಳು ಬೋಟ್ ಪರಿಶೀಲಿಸಿದ್ದು, ಲೈಟ್ ಫಿಶಿಂಗ್ಗೆ ಬಳಸುತ್ತಿದ್ದ ಜನರೇಟರ್ ಬೋಟ್ನಲ್ಲಿ ಇರುವುದು ಕಂಡುಬಂದಿದೆ. ‘ದಾಖಲೆ ಪರಿಶೀಲನೆ ನಡೆಸಿದ್ದು, ಅಸಮರ್ಪಕವಾಗಿದ್ದಲ್ಲಿ ನಿಯಮದಂತೆ ದಂಡ ವಿಧಿಸಿ ಬೋಟ್ಗಳನ್ನು ಬಿಡುಗಡೆ ಮಾಡಲಾಗುವುದು’ ಎಂದು ಮೀನುಗಾರಿಕೆ ಇಲಾಖೆ ಉಪನಿರ್ದೇಶಕ ನಾಗರಾಜ್ ‘ವಿಜಯವಾಣಿ’ಗೆ ತಿಳಿಸಿದ್ದಾರೆ.