ಕಾರವಾರ: ಬುಲ್ ಟ್ರಾಲ್ ಮೀನುಗಾರಿಕೆ ನಡೆಸುತ್ತಿದ್ದ ಆರೋಪದ ಮೇಲೆ ಎರಡು ಬೋಟ್ಗಳನ್ನು
ಕೋಸ್ಟ್ಗಾರ್ಡ್ ಅಧಿಕಾರಿಗಳು ಶುಕ್ರವಾರ ವಶಕ್ಕೆ ಪಡೆದು ಬೈತಖೋಲಕ್ಕೆ ತಂದು ಮೀನುಗಾರಿಕೆ ಇಲಾಖೆಗೆ ಒಪ್ಪಿಸಿದ್ದಾರೆ. ಮಲ್ಪೆಯ ಸದಾನಂದ ಸಾಲ್ಯಾನ್ ಅವರಿಗೆ ಸೇರಿದ ಕಾತ್ಯಾಯನಿ ಹಾಗೂ ಶಶಿಕಲಾ ಅವರಿಗೆ ಸೇರಿದ ವೀರ ಮಾರುತಿ ಎಂಬ ಹೆಸರಿನ ಬೋಟ್ಗಳು ಶುಕ್ರವಾರ ಕಾರವಾರ ತೀರದಿಂದ 12 ನಾಟಿಕಲ್ ಮೈಲ್ ಒಳಗಡೆ ಪ್ರದೇಶಕ್ಕೆ ಬಂದು ನಿಷೇಧಿತ ಬುಲ್ ಟ್ರಾಲ್ (ಎರಡು ದೋಣಿಗಳ ನಡುವೆ ಬಲೆ ಕಟ್ಟಿ ಮೀನುಗಾರಿಕೆ ನಡೆಸುವ ವಿಧಾನ) ಮಾಡುತ್ತಿದ್ದವು ಎನ್ನಲಾಗಿದೆ.
‘ಬೋಟ್ಗಳ ದಾಖಲೆಗಳನ್ನು ಈಗಾಗಲೆ ವಶಕ್ಕೆ ಪಡೆಯಲಾಗಿದೆ. ಅವುಗಳು ಹಿಡಿದ ಮೀನಿನ ಒಟ್ಟು ಮೌಲ್ಯದ 5 ಪಟ್ಟು ದಂಡ ವಿಧಿಸಲಾಗುವುದು’ ಎಂದು ಮೀನುಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ಪ್ರತೀಕ ಶೆಟ್ಟಿ ತಿಳಿಸಿದ್ದಾರೆ.